१. विभङ्गवारो

१८५. चित्तसंसट्ठं धम्मं पटिच्च चित्तसंसट्ठो धम्मो उप्पज्जति हेतुपच्चया – चित्तसंसट्ठं एकं खन्धं पटिच्च द्वे खन्धा, द्वे खन्धे…पे… पटिसन्धिक्खणे…पे…. (१)

चित्तसंसट्ठं धम्मं पटिच्च चित्तविसंसट्ठो धम्मो उप्पज्जति हेतुपच्चया – चित्तसंसट्ठे खन्धे पटिच्च चित्तसमुट्ठानं रूपं; पटिसन्धिक्खणे…पे…. (२)

(चित्तसंसट्ठदुकं यथा चित्तसम्पयुत्तदुकं एवं कातब्बं, निन्नानाकरणं.)

चित्तसंसट्ठदुकं निट्ठितं.