२. सङ्ख्यावारो

सुद्धं

१७९. हेतुया तीणि, आरम्मणे द्वे, अधिपतिया चत्तारि, अनन्तरे एकं, समनन्तरे एकं, सहजाते सत्त, अञ्ञमञ्ञे छ, निस्सये सत्त, उपनिस्सये द्वे, पुरेजाते एकं, पच्छाजाते एकं, आसेवने एकं, कम्मे तीणि, विपाके तीणि, आहारे चत्तारि, इन्द्रिये छ, झाने तीणि, मग्गे तीणि, सम्पयुत्ते एकं, विप्पयुत्ते द्वे, अत्थिया सत्त, नत्थिया एकं, विगते एकं, अविगते सत्त.

अनुलोमं.

पच्चनीयुद्धारो

१८०. चित्तसम्पयुत्तो धम्मो चित्तसम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (१)

चित्तसम्पयुत्तो धम्मो चित्तविप्पयुत्तस्स धम्मस्स सहजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो. (२)

चित्तसम्पयुत्तो धम्मो चित्तसम्पयुत्तस्स च चित्तविप्पयुत्तस्स च धम्मस्स सहजातपच्चयेन पच्चयो… कम्मपच्चयेन पच्चयो. (३)

१८१. चित्तविप्पयुत्तो धम्मो चित्तविप्पयुत्तस्स धम्मस्स सहजातपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो. (१)

चित्तविप्पयुत्तो धम्मो चित्तसम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (२)

चित्तसम्पयुत्तो च चित्तविप्पयुत्तो च धम्मा चित्तसम्पयुत्तस्स धम्मस्स सहजातं, पुरेजातं. (१)

चित्तसम्पयुत्तो च चित्तविप्पयुत्तो च धम्मा चित्तविप्पयुत्तस्स सहजातं, पच्छाजातं, आहारं, इन्द्रियं. (२)