१. विभङ्गवारो

हेतुपच्चयो

१६३. चित्तसम्पयुत्तो धम्मो चित्तसम्पयुत्तस्स धम्मस्स हेतुपच्चयेन पच्चयो – चित्तसम्पयुत्ता हेतू सम्पयुत्तकानं खन्धानं हेतुपच्चयेन पच्चयो; पटिसन्धिक्खणे…पे…. (१)

चित्तसम्पयुत्तो धम्मो चित्तविप्पयुत्तस्स धम्मस्स हेतुपच्चयेन पच्चयो – चित्तसम्पयुत्ता हेतू चित्तसमुट्ठानानं रूपानं हेतुपच्चयेन पच्चयो; पटिसन्धिक्खणे…पे…. (२)

चित्तसम्पयुत्तो धम्मो चित्तसम्पयुत्तस्स च चित्तविप्पयुत्तस्स च धम्मस्स हेतुपच्चयेन पच्चयो – चित्तसम्पयुत्ता हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो; पटिसन्धिक्खणे…पे…. (३)

आरम्मणपच्चयो

१६४. चित्तसम्पयुत्तो धम्मो चित्तसम्पयुत्तस्स धम्मस्स आरम्मणपच्चयेन पच्चयो – दानं…पे… सीलं…पे… उपोसथकम्मं कत्वा तं पच्चवेक्खति अस्सादेति अभिनन्दति, तं आरब्भ रागो उप्पज्जति…पे… दोमनस्सं उप्पज्जति; पुब्बे सुचिण्णानि…पे… झाना वुट्ठहित्वा झानं…पे… अरिया मग्गा वुट्ठहित्वा मग्गं पच्चवेक्खन्ति, फलं पच्चवेक्खन्ति. पहीने किलेसे…पे… विक्खम्भिते किलेसे पच्चवेक्खन्ति. पुब्बे समुदाचिण्णे किलेसे जानन्ति. चित्तसम्पयुत्ते खन्धे अनिच्चतो…पे… दोमनस्सं उप्पज्जति. चेतोपरियञाणेन चित्तसम्पयुत्तसमङ्गिस्स चित्तं जानन्ति. आकासानञ्चायतनं विञ्ञाणञ्चायतनस्स…पे… आकिञ्चञ्ञायतनं नेवसञ्ञानासञ्ञायतनस्स…पे… चित्तसम्पयुत्ता खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो. (१)

१६५. चित्तविप्पयुत्तो धम्मो चित्तसम्पयुत्तस्स धम्मस्स आरम्मणपच्चयेन पच्चयो – अरिया निब्बानं पच्चवेक्खन्ति. निब्बानं गोत्रभुस्स, वोदानस्स, मग्गस्स, फलस्स, आवज्जनाय आरम्मणपच्चयेन पच्चयो; चक्खुं…पे… वत्थुं चित्तविप्पयुत्ते खन्धे अनिच्चतो…पे… दोमनस्सं उप्पज्जति; दिब्बेन चक्खुना रूपं पस्सति, दिब्बाय सोतधातुया सद्दं सुणाति. रूपायतनं चक्खुविञ्ञाणसहगतानं खन्धानं…पे… फोट्ठब्बायतनं…पे… चित्तविप्पयुत्ता खन्धा इद्धिविधञाणस्स, पुब्बेनिवासानुस्सतिञाणस्स, अनागतंसञाणस्स, आवज्जनाय आरम्मणपच्चयेन पच्चयो. (१)

अधिपतिपच्चयो

१६६. चित्तसम्पयुत्तो धम्मो चित्तसम्पयुत्तस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – दानं…पे… सीलं…पे… उपोसथकम्मं कत्वा तं गरुं कत्वा पच्चवेक्खति अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति. पुब्बे…पे… झाना…पे… अरिया मग्गा वुट्ठहित्वा मग्गं गरुं कत्वा पच्चवेक्खन्ति, फलं गरुं कत्वा पच्चवेक्खन्ति, चित्तसम्पयुत्ते खन्धे गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति. सहजाताधिपति – चित्तसम्पयुत्ताधिपति सम्पयुत्तकानं खन्धानं अधिपतिपच्चयेन पच्चयो. (१)

चित्तसम्पयुत्तो धम्मो चित्तविप्पयुत्तस्स धम्मस्स अधिपतिपच्चयेन पच्चयो. सहजाताधिपति – चित्तसम्पयुत्ताधिपति चित्तसमुट्ठानानं रूपानं अधिपतिपच्चयेन पच्चयो. (२)

चित्तसम्पयुत्तो धम्मो चित्तसम्पयुत्तस्स च चित्तविप्पयुत्तस्स च धम्मस्स अधिपतिपच्चयेन पच्चयो. सहजाताधिपति – चित्तसम्पयुत्ताधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो. (३)

१६७. चित्तविप्पयुत्तो धम्मो चित्तसम्पयुत्तस्स धम्मस्स अधिपतिपच्चयेन पच्चयो. आरम्मणाधिपति – अरिया निब्बानं गरुं कत्वा पच्चवेक्खन्ति. निब्बानं गोत्रभुस्स, वोदानस्स, मग्गस्स, फलस्स, अधिपतिपच्चयेन पच्चयो; चक्खुं…पे… वत्थुं चित्तविप्पयुत्ते खन्धे गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति. (१)

अनन्तरपच्चयादि

१६८. चित्तसम्पयुत्तो धम्मो चित्तसम्पयुत्तस्स धम्मस्स अनन्तरपच्चयेन पच्चयो – पुरिमा पुरिमा चित्तसम्पयुत्ता खन्धा…पे… फलसमापत्तिया अनन्तरपच्चयेन पच्चयो… समनन्तरपच्चयेन पच्चयो… सहजातपच्चयेन पच्चयो… सत्त (पटिच्चसदिसा, पञ्हाघटना नत्थि)… अञ्ञमञ्ञपच्चयेन पच्चयो… छ (पटिच्चसदिसा)… निस्सयपच्चयेन पच्चयो… सत्त (पच्चयवारसदिसा, पञ्हाघटना नत्थि).

उपनिस्सयपच्चयो

१६९. चित्तसम्पयुत्तो धम्मो चित्तसम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो …पे…. पकतूपनिस्सयो – सद्धं उपनिस्साय दानं देति…पे… मानं जप्पेति, दिट्ठिं गण्हाति; सीलं…पे… पत्थनं कायिकं सुखं… कायिकं दुक्खं उपनिस्साय दानं देति…पे… पाणं हनति…पे… सङ्घं भिन्दति; सद्धा…पे… कायिकं दुक्खं सद्धाय…पे… मग्गस्स, फलसमापत्तिया उपनिस्सयपच्चयेन पच्चयो. (१)

चित्तविप्पयुत्तो धम्मो चित्तसम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, पकतूपनिस्सयो…पे…. पकतूपनिस्सयो – उतुं… भोजनं… सेनासनं उपनिस्साय दानं देति…पे… सङ्घं भिन्दति; उतु… भोजनं… सेनासनं सद्धाय…पे… फलसमापत्तिया उपनिस्सयपच्चयेन पच्चयो. (१)

पुरेजातपच्चयो

१७०. चित्तविप्पयुत्तो धम्मो चित्तसम्पयुत्तस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं…पे… वत्थुं अनिच्चतो…पे… दोमनस्सं उप्पज्जति; दिब्बेन चक्खुना रूपं पस्सति, दिब्बाय सोतधातुया सद्दं सुणाति. रूपायतनं चक्खुविञ्ञाणसहगतानं खन्धानं…पे… फोट्ठब्बायतनं…पे…. वत्थुपुरेजातं – चक्खायतनं चक्खुविञ्ञाणसहगतानं खन्धानं…पे… कायायतनं…पे… वत्थु चित्तसम्पयुत्तकानं खन्धानं पुरेजातपच्चयेन पच्चयो. (१)

पच्छाजातासेवनपच्चया

१७१. चित्तसम्पयुत्तो धम्मो चित्तविप्पयुत्तस्स धम्मस्स पच्छाजातपच्चयेन पच्चयो (संखित्तं) एकं, आसेवनपच्चयेन पच्चयो … एकं.

कम्मपच्चयो

१७२. चित्तसम्पयुत्तो धम्मो चित्तसम्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – चित्तसम्पयुत्ता चेतना सम्पयुत्तकानं खन्धानं कम्मपच्चयेन पच्चयो; पटिसन्धिक्खणे…पे…. नानाक्खणिका – चित्तसम्पयुत्ता चेतना विपाकानं खन्धानं कम्मपच्चयेन पच्चयो. (१)

चित्तसम्पयुत्तो धम्मो चित्तविप्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – चित्तसम्पयुत्ता चेतना चित्तसमुट्ठानानं रूपानं कम्मपच्चयेन पच्चयो; पटिसन्धिक्खणे…पे…. नानाक्खणिका – चित्तसम्पयुत्ता चेतना कटत्तारूपानं कम्मपच्चयेन पच्चयो. (२)

चित्तसम्पयुत्तो धम्मो चित्तसम्पयुत्तस्स च चित्तविप्पयुत्तस्स च धम्मस्स कम्मपच्चयेन पच्चयो – सहजाता, नानाक्खणिका. सहजाता – चित्तसम्पयुत्ता चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो; पटिसन्धिक्खणे…पे…. नानाक्खणिका – चित्तसम्पयुत्ता चेतना विपाकानं खन्धानं कटत्ता च रूपानं कम्मपच्चयेन पच्चयो. (३)

विपाकाहारपच्चया

१७३. चित्तसम्पयुत्तो धम्मो चित्तसम्पयुत्तस्स धम्मस्स विपाकपच्चयेन पच्चयो… तीणि.

चित्तसम्पयुत्तो धम्मो चित्तसम्पयुत्तस्स धम्मस्स आहारपच्चयेन पच्चयो… तीणि.

चित्तविप्पयुत्तो धम्मो चित्तविप्पयुत्तस्स धम्मस्स आहारपच्चयेन पच्चयो – कबळीकारो आहारो इमस्स कायस्स आहारपच्चयेन पच्चयो. (१)

इन्द्रियपच्चयादि

१७४. चित्तसम्पयुत्तो धम्मो चित्तसम्पयुत्तस्स धम्मस्स इन्द्रियपच्चयेन पच्चयो… तीणि.

चित्तविप्पयुत्तो धम्मो चित्तविप्पयुत्तस्स धम्मस्स इन्द्रियपच्चयेन पच्चयो – रूपजीवितिन्द्रियं कटत्तारूपानं इन्द्रियपच्चयेन पच्चयो. (१)

चित्तविप्पयुत्तो धम्मो चित्तसम्पयुत्तस्स धम्मस्स इन्द्रियपच्चयेन पच्चयो – चक्खुन्द्रियं चक्खुविञ्ञाणसहगतानं खन्धानं इन्द्रियपच्चयेन पच्चयो…पे… कायिन्द्रियं…पे…. (२)

चित्तसम्पयुत्तो च चित्तविप्पयुत्तो च धम्मा चित्तसम्पयुत्तस्स धम्मस्स इन्द्रियपच्चयेन पच्चयो – चक्खुन्द्रियञ्च उपेक्खिन्द्रियञ्च चक्खुविञ्ञाणसहगतानं खन्धानं इन्द्रियपच्चयेन पच्चयो …पे… कायिन्द्रियञ्च सुखिन्द्रियञ्च…पे… कायिन्द्रियञ्च दुक्खिन्द्रियञ्च कायविञ्ञाणसहगतानं खन्धानं इन्द्रियपच्चयेन पच्चयो. (१)

झानपच्चयेन पच्चयो… तीणि… मग्गपच्चयेन पच्चयो… तीणि… सम्पयुत्तपच्चयेन पच्चयो… एकं.

विप्पयुत्तपच्चयो

१७५. चित्तसम्पयुत्तो धम्मो चित्तविप्पयुत्तस्स धम्मस्स विप्पयुत्तपच्चयेन पच्चयो – सहजातं, पच्छाजातं (संखित्तं). (१)

चित्तविप्पयुत्तो धम्मो चित्तसम्पयुत्तस्स धम्मस्स विप्पयुत्तपच्चयेन पच्चयो – सहजातं, पुरेजातं. सहजातं – पटिसन्धिक्खणे वत्थु चित्तसम्पयुत्तकानं खन्धानं विप्पयुत्तपच्चयेन पच्चयो. पुरेजातं – चक्खायतनं चक्खुविञ्ञाणसहगतानं खन्धानं विप्पयुत्तपच्चयेन पच्चयो…पे… कायायतनं …पे… वत्थु चित्तसम्पयुत्तकानं खन्धानं विप्पयुत्तपच्चयेन पच्चयो. (१)

अत्थिपच्चयो

१७६. चित्तसम्पयुत्तो धम्मो चित्तसम्पयुत्तस्स धम्मस्स अत्थिपच्चयेन पच्चयो… एकं (पटिच्चसदिसं). (१)

चित्तसम्पयुत्तो धम्मो चित्तविप्पयुत्तस्स धम्मस्स अत्थिपच्चयेन पच्चयो – सहजातं, पच्छाजातं (संखित्तं). (२)

चित्तसम्पयुत्तो धम्मो चित्तसम्पयुत्तस्स च चित्तविप्पयुत्तस्स च धम्मस्स अत्थिपच्चयेन पच्चयो (पटिच्चसदिसं). (३)

१७७. चित्तविप्पयुत्तो धम्मो चित्तविप्पयुत्तस्स धम्मस्स अत्थिपच्चयेन पच्चयो – सहजातं, आहारं, इन्द्रियं (संखित्तं). (१)

चित्तविप्पयुत्तो धम्मो चित्तसम्पयुत्तस्स धम्मस्स अत्थिपच्चयेन पच्चयो – सहजातं, पुरेजातं. सहजातं – पटिसन्धिक्खणे वत्थु चित्तसम्पयुत्तकानं खन्धानं अत्थिपच्चयेन पच्चयो. पुरेजातं – चक्खुं…पे… वत्थुं अनिच्चतो…पे… (पुरेजातसदिसं). (२)

१७८. चित्तसम्पयुत्तो च चित्तविप्पयुत्तो च धम्मा चित्तसम्पयुत्तस्स धम्मस्स अत्थिपच्चयेन पच्चयो – सहजातं, पुरेजातं. सहजातो – चक्खुविञ्ञाणसहगतो एको खन्धो च चक्खायतनञ्च द्विन्नं खन्धानं…पे… कायविञ्ञाणसहगतो एको खन्धो च कायायतनञ्च द्विन्नं खन्धानं…पे… चित्तसम्पयुत्तो एको खन्धो च वत्थु च द्विन्नं खन्धानं…पे… द्वे खन्धा च…पे… पटिसन्धिक्खणे…पे…. (१)

चित्तसम्पयुत्तो च चित्तविप्पयुत्तो च धम्मा चित्तविप्पयुत्तस्स धम्मस्स अत्थिपच्चयेन पच्चयो – सहजातं, पच्छाजातं, आहारं, इन्द्रियं. सहजाता – चित्तसम्पयुत्ता खन्धा च महाभूता च चित्तसमुट्ठानानं रूपानं अत्थिपच्चयेन पच्चयो; पटिसन्धिक्खणे…पे…. पच्छाजाता – चित्तसम्पयुत्तका खन्धा च कबळीकारो आहारो च इमस्स कायस्स अत्थिपच्चयेन पच्चयो. पच्छाजाता – चित्तसम्पयुत्तका खन्धा च रूपजीवितिन्द्रियञ्च कटत्तारूपानं अत्थिपच्चयेन पच्चयो. (२)