१. विभङ्गवारो

नहेतुपच्चयो

१५८. चित्तसम्पयुत्तं धम्मं पच्चया चित्तसम्पयुत्तो धम्मो उप्पज्जति नहेतुपच्चया… तीणि (पटिच्चसदिसा).

चित्तविप्पयुत्तं धम्मं पच्चया चित्तविप्पयुत्तो धम्मो उप्पज्जति नहेतुपच्चया – एकं महाभूतं…पे… (याव असञ्ञसत्ता). (१)

चित्तविप्पयुत्तं धम्मं पच्चया चित्तसम्पयुत्तो धम्मो उप्पज्जति नहेतुपच्चया – चक्खायतनं पच्चया चक्खुविञ्ञाणसहगता खन्धा…पे… कायायतनं…पे… वत्थुं पच्चया अहेतुका चित्तसम्पयुत्तका खन्धा; पटिसन्धिक्खणे…पे… वत्थुं पच्चया विचिकिच्छासहगतो उद्धच्चसहगतो मोहो. (२)

चित्तविप्पयुत्तं धम्मं पच्चया चित्तसम्पयुत्तो च चित्तविप्पयुत्तो च धम्मा उप्पज्जन्ति नहेतुपच्चया – वत्थुं पच्चया अहेतुका चित्तसम्पयुत्तका खन्धा, महाभूते पच्चया चित्तसमुट्ठानं रूपं; पटिसन्धिक्खणे…पे…. (३)

चित्तसम्पयुत्तञ्च चित्तविप्पयुत्तञ्च धम्मं पच्चया चित्तसम्पयुत्तो धम्मो उप्पज्जति नहेतुपच्चया – चक्खुविञ्ञाणसहगतं एकं खन्धञ्च चक्खायतनञ्च पच्चया द्वे खन्धा, द्वे खन्धे च…पे… कायविञ्ञाणसहगतं एकं खन्धञ्च कायायतनञ्च पच्चया द्वे खन्धा, द्वे खन्धे च…पे… अहेतुकं चित्तसम्पयुत्तं एकं खन्धञ्च वत्थुञ्च पच्चया द्वे खन्धा, द्वे खन्धे च…पे… अहेतुकपटिसन्धिक्खणे…पे… विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो. (एवं द्वे पञ्हा पवत्तिपटिसन्धि कातब्बा. संखित्तं.)