१. विभङ्गवारो

हेतुपच्चयो

१५४. चित्तसम्पयुत्तं धम्मं पच्चया चित्तसम्पयुत्तो धम्मो उप्पज्जति हेतुपच्चया… तीणि (पटिच्चसदिसा).

चित्तविप्पयुत्तं धम्मं पच्चया चित्तविप्पयुत्तो धम्मो उप्पज्जति हेतुपच्चया… एकं (पटिच्चसदिसं). (१)

चित्तविप्पयुत्तं धम्मं पच्चया चित्तसम्पयुत्तो धम्मो उप्पज्जति हेतुपच्चया – वत्थुं पच्चया चित्तसम्पयुत्तका खन्धा; पटिसन्धिक्खणे…पे…. (२)

चित्तविप्पयुत्तं धम्मं पच्चया चित्तसम्पयुत्तो च चित्तविप्पयुत्तो च धम्मा उप्पज्जन्ति हेतुपच्चया – वत्थुं पच्चया चित्तसम्पयुत्तका खन्धा, महाभूते पच्चया चित्तसमुट्ठानं रूपं; पटिसन्धिक्खणे…पे…. (३)

१५५. चित्तसम्पयुत्तञ्च चित्तविप्पयुत्तञ्च धम्मं पच्चया चित्तसम्पयुत्तो धम्मो उप्पज्जति हेतुपच्चया – चित्तसम्पयुत्तं एकं खन्धञ्च वत्थुञ्च पच्चया द्वे खन्धा, द्वे खन्धे च…पे… पटिसन्धिक्खणे…पे…. (१)

चित्तसम्पयुत्तञ्च चित्तविप्पयुत्तञ्च धम्मं पच्चया चित्तविप्पयुत्तो धम्मो उप्पज्जति हेतुपच्चया – चित्तसम्पयुत्ते खन्धे च महाभूते च पच्चया चित्तसमुट्ठानं रूपं; पटिसन्धिक्खणे…पे…. (२)

चित्तसम्पयुत्तञ्च चित्तविप्पयुत्तञ्च धम्मं पच्चया चित्तसम्पयुत्तो च चित्तविप्पयुत्तो च धम्मा उप्पज्जन्ति हेतुपच्चया – चित्तसम्पयुत्तं एकं खन्धञ्च वत्थुञ्च पच्चया द्वे खन्धा, द्वे खन्धे च…पे… चित्तसम्पयुत्ते खन्धे च महाभूते च पच्चया चित्तसमुट्ठानं रूपं; पटिसन्धिक्खणे…पे…. (३)

आरम्मणपच्चयो

१५६. चित्तसम्पयुत्तं धम्मं पच्चया चित्तसम्पयुत्तो धम्मो उप्पज्जति आरम्मणपच्चया… एकं (पटिच्चसदिसं). (१)

चित्तविप्पयुत्तं धम्मं पच्चया चित्तसम्पयुत्तो धम्मो उप्पज्जति आरम्मणपच्चया – चक्खायतनं पच्चया चक्खुविञ्ञाणसहगता खन्धा…पे… कायायतनं पच्चया कायविञ्ञाणसहगता खन्धा…पे… वत्थुं पच्चया चित्तसम्पयुत्तका खन्धा; पटिसन्धिक्खणे…पे…. (१)

चित्तसम्पयुत्तञ्च चित्तविप्पयुत्तञ्च धम्मं पच्चया चित्तसम्पयुत्तो धम्मो उप्पज्जति आरम्मणपच्चया – चक्खुविञ्ञाणसहगतं एकं खन्धञ्च चक्खायतनञ्च पच्चया द्वे खन्धा, द्वे खन्धे च…पे… कायविञ्ञाणसहगतं एकं खन्धञ्च कायायतनञ्च पच्चया द्वे खन्धा, द्वे खन्धे च…पे… चित्तसम्पयुत्तं एकं खन्धञ्च वत्थुञ्च पच्चया द्वे खन्धा, द्वे खन्धे च…पे… पटिसन्धिक्खणे…पे… (संखित्तं). (१)