१. पच्चयानुलोमं

१. विभङ्गवारो

हेतुपच्चयो

३९२. कुसलं धम्मं सम्पयुत्तो कुसलो धम्मो उप्पज्जति हेतुपच्चया – कुसलं एकं खन्धं सम्पयुत्ता तयो खन्धा, तयो खन्धे सम्पयुत्तो एको खन्धो, द्वे खन्धे सम्पयुत्ता द्वे खन्धा. (१)

३९३. अकुसलं धम्मं सम्पयुत्तो अकुसलो धम्मो उप्पज्जति हेतुपच्चया – अकुसलं एकं खन्धं सम्पयुत्ता तयो खन्धा, तयो खन्धे सम्पयुत्तो एको खन्धो, द्वे खन्धे सम्पयुत्ता द्वे खन्धा. (१)

३९४. अब्याकतं धम्मं सम्पयुत्तो अब्याकतो धम्मो उप्पज्जति हेतुपच्चया – विपाकाब्याकतं किरियाब्याकतं एकं खन्धं सम्पयुत्ता तयो खन्धा, तयो खन्धे सम्पयुत्तो एको खन्धो, द्वे खन्धे सम्पयुत्ता द्वे खन्धा; पटिसन्धिक्खणे विपाकाब्याकतं एकं खन्धं सम्पयुत्ता तयो खन्धा, तयो खन्धे सम्पयुत्तो एको खन्धो, द्वे खन्धे सम्पयुत्ता द्वे खन्धा. (संखित्तं.) (१)