१. कुसलत्तिकं

१. पटिच्चवारो

१. पच्चयानुलोमं

१. विभङ्गवारो

अनुलोमं – हेतुपच्चयो

५३. कुसलं धम्मं पटिच्च कुसलो धम्मो उप्पज्जति हेतुपच्चया – कुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. कुसलं धम्मं पटिच्च अब्याकतो धम्मो उप्पज्जति हेतुपच्चया – कुसले खन्धे पटिच्च चित्तसमुट्ठानं रूपं. कुसलं धम्मं पटिच्च कुसलो च अब्याकतो च धम्मा उप्पज्जन्ति हेतुपच्चया – कुसलं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं. (३)

अकुसलं धम्मं पटिच्च अकुसलो धम्मो उप्पज्जति हेतुपच्चया – अकुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. अकुसलं धम्मं पटिच्च अब्याकतो धम्मो उप्पज्जति हेतुपच्चया – अकुसले खन्धे पटिच्च चित्तसमुट्ठानं रूपं. अकुसलं धम्मं पटिच्च अकुसलो च अब्याकतो च धम्मा उप्पज्जन्ति हेतुपच्चया – अकुसलं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं. (३)

अब्याकतं धम्मं पटिच्च अब्याकतो धम्मो उप्पज्जति हेतुपच्चया – विपाकाब्याकतं किरियाब्याकतं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं; पटिसन्धिक्खणे विपाकाब्याकतं एकं खन्धं पटिच्च तयो खन्धा कटत्ता च रूपं, तयो खन्धे पटिच्च एको खन्धो कटत्ता च रूपं, द्वे खन्धे पटिच्च द्वे खन्धा कटत्ता च रूपं; खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं कटत्तारूपं उपादारूपं. (१)

कुसलञ्च अब्याकतञ्च धम्मं पटिच्च अब्याकतो धम्मो उप्पज्जति हेतुपच्चया – कुसले खन्धे च महाभूते च पटिच्च चित्तसमुट्ठानं रूपं. (१)

अकुसलञ्च अब्याकतञ्च धम्मं पटिच्च अब्याकतो धम्मो उप्पज्जति हेतुपच्चया – अकुसले खन्धे च महाभूते च पटिच्च चित्तसमुट्ठानं रूपं. (१)

आरम्मणपच्चयो

५४. कुसलं धम्मं पटिच्च कुसलो धम्मो उप्पज्जति आरम्मणपच्चया – कुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. (१)

अकुसलं धम्मं पटिच्च अकुसलो धम्मो उप्पज्जति आरम्मणपच्चया – अकुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. (१)

अब्याकतं धम्मं पटिच्च अब्याकतो धम्मो उप्पज्जति आरम्मणपच्चया – विपाकाब्याकतं किरियाब्याकतं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा; पटिसन्धिक्खणे विपाकाब्याकतं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा, वत्थुं पटिच्च खन्धा. (१)

अधिपतिपच्चयो

५५. कुसलं धम्मं पटिच्च कुसलो धम्मो उप्पज्जति अधिपतिपच्चया – कुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. कुसलं धम्मं पटिच्च अब्याकतो धम्मो उप्पज्जति अधिपतिपच्चया – कुसले खन्धे पटिच्च चित्तसमुट्ठानं रूपं. कुसलं धम्मं पटिच्च कुसलो च अब्याकतो च धम्मा उप्पज्जन्ति अधिपतिपच्चया – कुसलं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं. (३)

अकुसलं धम्मं पटिच्च अकुसलो धम्मो उप्पज्जति अधिपतिपच्चया – अकुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. अकुसलं धम्मं पटिच्च अब्याकतो धम्मो उप्पज्जति अधिपतिपच्चया – अकुसले खन्धे पटिच्च चित्तसमुट्ठानं रूपं. अकुसलं धम्मं पटिच्च अकुसलो च अब्याकतो च धम्मा उप्पज्जन्ति अधिपतिपच्चया – अकुसलं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं. (३)

अब्याकतं धम्मं पटिच्च अब्याकतो धम्मो उप्पज्जति अधिपतिपच्चया – विपाकाब्याकतं किरियाब्याकतं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं; एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं उपादारूपं. (१)

कुसलञ्च अब्याकतञ्च धम्मं पटिच्च अब्याकतो धम्मो उप्पज्जति अधिपतिपच्चया – कुसले खन्धे च महाभूते च पटिच्च चित्तसमुट्ठानं रूपं. (१)

अकुसलञ्च अब्याकतञ्च धम्मं पटिच्च अब्याकतो धम्मो उप्पज्जति अधिपतिपच्चया – अकुसले खन्धे च महाभूते च पटिच्च चित्तसमुट्ठानं रूपं. (१)

अनन्तर-समनन्तरपच्चया

५६. कुसलं धम्मं पटिच्च कुसलो धम्मो उप्पज्जति अनन्तरपच्चया… समनन्तरपच्चया – कुसलं एकं खन्धं पटिच्च तयो खन्धा. (अनन्तरम्पि समनन्तरम्पि आरम्मणपच्चयसदिसं.)

सहजातपच्चयो

५७. कुसलं धम्मं पटिच्च कुसलो धम्मो उप्पज्जति सहजातपच्चया – कुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. कुसलं धम्मं पटिच्च अब्याकतो धम्मो उप्पज्जति सहजातपच्चया – कुसले खन्धे पटिच्च चित्तसमुट्ठानं रूपं. कुसलं धम्मं पटिच्च कुसलो च अब्याकतो च धम्मा उप्पज्जन्ति सहजातपच्चया – कुसलं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं. (३)

अकुसलं धम्मं पटिच्च अकुसलो धम्मो उप्पज्जति सहजातपच्चया – अकुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. अकुसलं धम्मं पटिच्च अब्याकतो धम्मो उप्पज्जति सहजातपच्चया – अकुसले खन्धे पटिच्च चित्तसमुट्ठानं रूपं. अकुसलं धम्मं पटिच्च अकुसलो च अब्याकतो च धम्मा उप्पज्जन्ति सहजातपच्चया – अकुसलं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं. (३)

अब्याकतं धम्मं पटिच्च अब्याकतो धम्मो उप्पज्जति सहजातपच्चया – विपाकाब्याकतं किरियाब्याकतं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं; पटिसन्धिक्खणे विपाकाब्याकतं एकं खन्धं पटिच्च तयो खन्धा कटत्ता च रूपं, तयो खन्धे पटिच्च एको खन्धो कटत्ता च रूपं, द्वे खन्धे पटिच्च द्वे खन्धा कटत्ता च रूपं; खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं कटत्तारूपं उपादारूपं; बाहिरं एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च उपादारूपं; आहारसमुट्ठानं एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च उपादारूपं; उतुसमुट्ठानं एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च उपादारूपं; असञ्ञसत्तानं एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च कटत्तारूपं उपादारूपं. (१)

कुसलञ्च अब्याकतञ्च धम्मं पटिच्च अब्याकतो धम्मो उप्पज्जति सहजातपच्चया – कुसले खन्धे च महाभूते च पटिच्च चित्तसमुट्ठानं रूपं. (१)

अकुसलञ्च अब्याकतञ्च धम्मं पटिच्च अब्याकतो धम्मो उप्पज्जति सहजातपच्चया – अकुसले खन्धे च महाभूते च पटिच्च चित्तसमुट्ठानं रूपं. (१)

अञ्ञमञ्ञपच्चयो

५८. कुसलं धम्मं पटिच्च कुसलो धम्मो उप्पज्जति अञ्ञमञ्ञपच्चया – कुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. (१)

अकुसलं धम्मं पटिच्च अकुसलो धम्मो उप्पज्जति अञ्ञमञ्ञपच्चया – अकुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. (१)

अब्याकतं धम्मं पटिच्च अब्याकतो धम्मो उप्पज्जति अञ्ञमञ्ञपच्चया – विपाकाब्याकतं किरियाब्याकतं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा; पटिसन्धिक्खणे विपाकाब्याकतं एकं खन्धं पटिच्च तयो खन्धा वत्थु च, तयो खन्धे पटिच्च एको खन्धो वत्थु च, द्वे खन्धे पटिच्च द्वे खन्धा वत्थु च; खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता; बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता. (१)

निस्सयपच्चयो

५९. कुसलं धम्मं पटिच्च कुसलो धम्मो उप्पज्जति निस्सयपच्चया – कुसलं एकं खन्धं पटिच्च…. (निस्सयपच्चयं सहजातपच्चयसदिसं.)

उपनिस्सयपच्चयो

६०. कुसलं धम्मं पटिच्च कुसलो धम्मो उप्पज्जति उपनिस्सयपच्चया – कुसलं एकं खन्धं पटिच्च…. (उपनिस्सयपच्चयं आरम्मणपच्चयसदिसं.)

पुरेजातपच्चयो

६१. कुसलं धम्मं पटिच्च कुसलो धम्मो उप्पज्जति पुरेजातपच्चया – कुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. वत्थुं पुरेजातपच्चया. (१)

अकुसलं धम्मं पटिच्च अकुसलो धम्मो उप्पज्जति पुरेजातपच्चया – अकुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. वत्थुं पुरेजातपच्चया. (१)

अब्याकतं धम्मं पटिच्च अब्याकतो धम्मो उप्पज्जति पुरेजातपच्चया – विपाकाब्याकतं किरियाब्याकतं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. वत्थुं पुरेजातपच्चया. (१)

आसेवनपच्चयो

६२. कुसलं धम्मं पटिच्च कुसलो धम्मो उप्पज्जति आसेवनपच्चया – कुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. (१)

अकुसलं धम्मं पटिच्च अकुसलो धम्मो उप्पज्जति आसेवनपच्चया – अकुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. (१)

अब्याकतं धम्मं पटिच्च अब्याकतो धम्मो उप्पज्जति आसेवनपच्चया – किरियाब्याकतं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. (१)

कम्मपच्चयो

६३. कुसलं धम्मं पटिच्च कुसलो धम्मो उप्पज्जति कम्मपच्चया – कुसलं एकं खन्धं पटिच्च… तीणि.

अकुसलं धम्मं पटिच्च… तीणि.

अब्याकतं धम्मं पटिच्च अब्याकतो धम्मो उप्पज्जति कम्मपच्चया – विपाकाब्याकतं किरियाब्याकतं एकं खन्धं पटिच्च…पे… पटिसन्धिक्खणे…पे… एकं महाभूतं पटिच्च तयो महाभूता…पे… महाभूते पटिच्च चित्तसमुट्ठानं रूपं कटत्तारूपं उपादारूपं; असञ्ञसत्तानं एकं महाभूतं पटिच्च तयो महाभूता…पे… महाभूते पटिच्च कटत्तारूपं उपादारूपं. (१)

कुसलञ्च अब्याकतञ्च धम्मं पटिच्च अब्याकतो धम्मो उप्पज्जति कम्मपच्चया – कुसले खन्धे च महाभूते च पटिच्च चित्तसमुट्ठानं रूपं. (१)

अकुसलञ्च अब्याकतञ्च धम्मं पटिच्च अब्याकतो धम्मो उप्पज्जति कम्मपच्चया – अकुसले खन्धे च महाभूते च पटिच्च चित्तसमुट्ठानं रूपं. (१)

विपाकपच्चयो

६४. अब्याकतं धम्मं पटिच्च अब्याकतो धम्मो उप्पज्जति विपाकपच्चया – विपाकाब्याकतं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं; पटिसन्धिक्खणे विपाकाब्याकतं एकं खन्धं पटिच्च तयो खन्धा कटत्ता च रूपं, तयो खन्धे पटिच्च एको खन्धो कटत्ता च रूपं, द्वे खन्धे पटिच्च द्वे खन्धा कटत्ता च रूपं; खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता; तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं कटत्तारूपं उपादारूपं. (१)

आहारपच्चयो

६५. कुसलं धम्मं पटिच्च कुसलो धम्मो उप्पज्जति आहारपच्चया – कुसलं एकं खन्धं पटिच्च… तीणि.

अकुसलं धम्मं पटिच्च अकुसलो धम्मो उप्पज्जति आहारपच्चया – अकुसलं एकं खन्धं पटिच्च… तीणि.

अब्याकतं धम्मं पटिच्च अब्याकतो धम्मो उप्पज्जति आहारपच्चया – विपाकाब्याकतं किरियाब्याकतं एकं खन्धं पटिच्च…पे… पटिसन्धिक्खणे…पे… एकं महाभूतं पटिच्च तयो महाभूता…पे… महाभूते पटिच्च चित्तसमुट्ठानं रूपं कटत्तारूपं उपादारूपं; आहारसमुट्ठानं एकं महाभूतं पटिच्च…पे… महाभूते पटिच्च उपादारूपं.

कुसलञ्च अब्याकतञ्च धम्मं पटिच्च…पे….

अकुसलञ्च अब्याकतञ्च धम्मं पटिच्च अब्याकतो धम्मो उप्पज्जति आहारपच्चया – अकुसले खन्धे च महाभूते च पटिच्च चित्तसमुट्ठानं रूपं.

इन्द्रियपच्चयो

६६. कुसलं धम्मं पटिच्च कुसलो धम्मो उप्पज्जति इन्द्रियपच्चया – कुसलं एकं खन्धं पटिच्च… तीणि.

अकुसलं धम्मं पटिच्च… तीणि.

अब्याकतं धम्मं पटिच्च…पे… असञ्ञसत्तानं एकं महाभूतं पटिच्च…पे…. (इन्द्रियपच्चयं कम्मपच्चयसदिसं.)

झान-मग्गपच्चया

६७. कुसलं धम्मं पटिच्च कुसलो धम्मो उप्पज्जति झानपच्चया… मग्गपच्चया. (झानपच्चयम्पि मग्गपच्चयम्पि हेतुपच्चयसदिसं.)

सम्पयुत्तपच्चयो

६८. कुसलं धम्मं पटिच्च कुसलो धम्मो उप्पज्जति सम्पयुत्तपच्चया – कुसलं एकं खन्धं पटिच्च…. (सम्पयुत्तपच्चयं आरम्मणपच्चयसदिसं.)

विप्पयुत्तपच्चयो

६९. कुसलं धम्मं पटिच्च कुसलो धम्मो उप्पज्जति विप्पयुत्तपच्चया – कुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा; वत्थुं विप्पयुत्तपच्चया. कुसलं धम्मं पटिच्च अब्याकतो धम्मो उप्पज्जति विप्पयुत्तपच्चया – कुसले खन्धे पटिच्च चित्तसमुट्ठानं रूपं. खन्धे विप्पयुत्तपच्चया. कुसलं धम्मं पटिच्च कुसलो च अब्याकतो च धम्मा उप्पज्जन्ति विप्पयुत्तपच्चया – कुसलं एकं खन्धं पटिच्च तयो खन्धा चित्तसमुट्ठानञ्च रूपं; तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं. खन्धा वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. (३)

अकुसलं धम्मं पटिच्च अकुसलो धम्मो उप्पज्जति विप्पयुत्तपच्चया – अकुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. वत्थुं विप्पयुत्तपच्चया. अकुसलं धम्मं पटिच्च अब्याकतो धम्मो उप्पज्जति विप्पयुत्तपच्चया – अकुसले खन्धे पटिच्च चित्तसमुट्ठानं रूपं. खन्धे विप्पयुत्तपच्चया. अकुसलं धम्मं पटिच्च अकुसलो च अब्याकतो च धम्मा उप्पज्जन्ति विप्पयुत्तपच्चया – अकुसलं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं. खन्धा वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. (३)

अब्याकतं धम्मं पटिच्च अब्याकतो धम्मो उप्पज्जति विप्पयुत्तपच्चया – विपाकाब्याकतं किरियाब्याकतं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं. खन्धा वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. पटिसन्धिक्खणे विपाकाब्याकतं एकं खन्धं पटिच्च तयो खन्धा कटत्ता च रूपं, तयो खन्धे पटिच्च एको खन्धो कटत्ता च रूपं, द्वे खन्धे पटिच्च द्वे खन्धा कटत्ता च रूपं. खन्धा वत्थुं विप्पयुत्तपच्चया. कटत्तारूपं खन्धे विप्पयुत्तपच्चया. खन्धे पटिच्च वत्थु, वत्थुं पटिच्च खन्धा. खन्धा वत्थुं विप्पयुत्तपच्चया. वत्थु खन्धे विप्पयुत्तपच्चया. एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं कटत्तारूपं उपादारूपं. खन्धे विप्पयुत्तपच्चया. (१)

कुसलञ्च अब्याकतञ्च धम्मं पटिच्च अब्याकतो धम्मो उप्पज्जति विप्पयुत्तपच्चया – कुसले खन्धे च महाभूते च पटिच्च चित्तसमुट्ठानं रूपं. खन्धे विप्पयुत्तपच्चया. (१)

अकुसलञ्च अब्याकतञ्च धम्मं पटिच्च अब्याकतो धम्मो उप्पज्जति विप्पयुत्तपच्चया – अकुसले खन्धे च महाभूते च पटिच्च चित्तसमुट्ठानं रूपं. खन्धे विप्पयुत्तपच्चया. (१)

अत्थिपच्चयो

७०. कुसलं धम्मं पटिच्च कुसलो धम्मो उप्पज्जति अत्थिपच्चया – कुसलं एकं खन्धं पटिच्च तयो खन्धा.

(सङ्खितं. अत्थिपच्चयं सहजातपच्चयसदिसं.)

नत्थि-विगतपच्चया

७१. कुसलं धम्मं पटिच्च कुसलो धम्मो उप्पज्जति नत्थिपच्चया… विगतपच्चया. (नत्थिपच्चयम्पि विगतपच्चयम्पि आरम्मणपच्चयसदिसं.)

अविगतपच्चयो

७२. कुसलं धम्मं पटिच्च कुसलो धम्मो उप्पज्जति अविगतपच्चया – कुसलं एकं खन्धं पटिच्च तयो खन्धा. (अविगतपच्चयं सहजातपच्चयसदिसं).

(इमे तेवीसतिपच्चया सज्झायन्तेन वित्थारेतब्बा.)

१. पच्चयानुलोमं

२. सङ्ख्यावारो

सुद्धं

७३. हेतुया नव, आरम्मणे तीणि, अधिपतिया नव, अनन्तरे तीणि, समनन्तरे तीणि, सहजाते नव, अञ्ञमञ्ञे तीणि, निस्सये नव, उपनिस्सये तीणि, पुरेजाते तीणि, आसेवने तीणि, कम्मे नव, विपाके एकं, आहारे नव, इन्द्रिये नव, झाने नव, मग्गे नव, सम्पयुत्ते तीणि, विप्पयुत्ते नव, अत्थिया नव, नत्थिया तीणि, विगते तीणि, अविगते नव.

गणना हेतुमूलका

दुकं

७४. हेतुपच्चया आरम्मणे तीणि, अधिपतिया नव, अनन्तरे तीणि, समनन्तरे तीणि, सहजाते नव, अञ्ञमञ्ञे तीणि, निस्सये नव, उपनिस्सये तीणि, पुरेजाते तीणि, आसेवने तीणि, कम्मे नव, विपाके एकं, आहारे नव, इन्द्रिये नव, झाने नव, मग्गे नव, सम्पयुत्ते तीणि, विप्पयुत्ते नव, अत्थिया नव, नत्थिया तीणि, विगते तीणि, अविगते नव.

तिकं

७५. हेतुपच्चया आरम्मणपच्चया अधिपतिया तीणि अनन्तरे तीणि समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने तीणि, कम्मे तीणि, विपाके एकं, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि…पे….

द्वादसकं

७६. हेतुपच्चया आरम्मणपच्चया अधिपतिपच्चया अनन्तरपच्चया समनन्तरपच्चया सहजातपच्चया अञ्ञमञ्ञपच्चया निस्सयपच्चया उपनिस्सयपच्चया पुरेजातपच्चया आसेवनपच्चया कम्मे तीणि, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि…पे….

बावीसकं

७७. हेतुपच्चया आरम्मणपच्चया…पे… आसेवनपच्चया कम्मपच्चया आहारपच्चया इन्द्रियपच्चया झानपच्चया मग्गपच्चया सम्पयुत्तपच्चया विप्पयुत्तपच्चया अत्थिपच्चया नत्थिपच्चया विगतपच्चया अविगते तीणि…पे….

तेरसकं

७८. हेतुपच्चया आरम्मणपच्चया…पे… पुरेजातपच्चया कम्मपच्चया विपाकपच्चया आहारे एकं, इन्द्रिये एकं, झाने एकं, मग्गे एकं, सम्पयुत्ते एकं, विप्पयुत्ते एकं, अत्थिया एकं, नत्थिया एकं, विगते एकं, अविगते एकं…पे….

बावीसकं

७९. हेतुपच्चया आरम्मणपच्चया…पे… पुरेजातपच्चया कम्मपच्चया विपाकपच्चया आहारपच्चया इन्द्रियपच्चया झानपच्चया मग्गपच्चया सम्पयुत्तपच्चया विप्पयुत्तपच्चया अत्थिपच्चया नत्थिपच्चया विगतपच्चया अविगते एकं.

गणना हेतुमूलका.

आरम्मणादिदुकानि

(आरम्मणे ठितेन सब्बत्थ तीणेव पञ्हा.)

८०. आरम्मणपच्चया हेतुया तीणि, अधिपतिया तीणि…पे… अविगते तीणि…पे….

अधिपतिपच्चया हेतुया नव, आरम्मणे तीणि…पे… अविगते नव…पे….

अनन्तरपच्चया समनन्तरपच्चया हेतुया तीणि…पे… अविगते तीणि…पे….

सहजातपच्चया हेतुया नव…पे….

अञ्ञमञ्ञपच्चया हेतुया तीणि…पे….

निस्सयपच्चया हेतुया नव…पे….

उपनिस्सयपच्चया हेतुया तीणि…पे….

पुरेजातपच्चया हेतुया तीणि…पे….

आसेवनदुकं

८१. आसेवनपच्चया हेतुया तीणि, आरम्मणे तीणि, अधिपतिया तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, कम्मे तीणि, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि. (आसेवनमूलके विपाकं नत्थि.)

कम्मदुकं

८२. कम्मपच्चया हेतुया नव…पे….

विपाकदुकं

८३. विपाकपच्चया हेतुया एकं, आरम्मणे एकं, अधिपतिया एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, पुरेजाते एकं, कम्मे एकं, आहारे एकं, इन्द्रिये एकं, झाने एकं, मग्गे एकं, सम्पयुत्ते एकं, विप्पयुत्ते एकं, अत्थिया एकं, नत्थिया एकं, विगते एकं, अविगते एकं. (विपाकमूलके आसेवनं नत्थि.)

आहारादिदुकानि

८४. आहारपच्चया हेतुया नव…पे….

इन्द्रियपच्चया हेतुया नव…पे….

झानपच्चया हेतुया नव…पे….

मग्गपच्चया हेतुया नव…पे….

सम्पयुत्तपच्चया हेतुया तीणि…पे….

विप्पयुत्तपच्चया हेतुया नव…पे….

अत्थिपच्चया हेतुया नव…पे….

नत्थिपच्चया हेतुया तीणि…पे….

विगतपच्चया हेतुया तीणि…पे….

अविगतदुकं

८५. अविगतपच्चया हेतुया नव, आरम्मणे तीणि; अधिपतिया नव…पे… नत्थिया तीणि, विगते तीणि.

(एकेकं पच्चयं मूलकं कातून सज्झायन्तेन गणेतब्बाति.)

अनुलोमं.

२. पच्चयपच्चनीयं

१. विभङ्गवारो

पच्चनीयं – नहेतुपच्चयो

८६. अकुसलं धम्मं पटिच्च अकुसलो धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (१)

अब्याकतं धम्मं पटिच्च अब्याकतो धम्मो उप्पज्जति नहेतुपच्चया – अहेतुकं विपाकाब्याकतं किरियाब्याकतं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं; अहेतुकपटिसन्धिक्खणे विपाकाब्याकतं एकं खन्धं पटिच्च तयो खन्धा कटत्ता च रूपं, तयो खन्धे पटिच्च एको खन्धो कटत्ता च रूपं, द्वे खन्धे पटिच्च द्वे खन्धा कटत्ता च रूपं; खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं कटत्तारूपं उपादारूपं; बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च कटत्तारूपं उपादारूपं. (१)

नआरम्मणपच्चयो

८७. कुसलं धम्मं पटिच्च अब्याकतो धम्मो उप्पज्जति नआरम्मणपच्चया – कुसले खन्धे पटिच्च चित्तसमुट्ठानं रूपं. (१)

अकुसलं धम्मं पटिच्च अब्याकतो धम्मो उप्पज्जति नआरम्मणपच्चया – अकुसले खन्धे पटिच्च चित्तसमुट्ठानं रूपं. (१)

अब्याकतं धम्मं पटिच्च अब्याकतो धम्मो उप्पज्जति नआरम्मणपच्चया – विपाकाब्याकते किरियाब्याकते खन्धे पटिच्च चित्तसमुट्ठानं रूपं; पटिसन्धिक्खणे विपाकाब्याकते खन्धे पटिच्च कटत्तारूपं; खन्धे पटिच्च वत्थु; एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं कटत्तारूपं उपादारूपं; बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च कटत्तारूपं उपादारूपं. (१)

कुसलञ्च अब्याकतञ्च धम्मं पटिच्च अब्याकतो धम्मो उप्पज्जति नआरम्मणपच्चया – कुसले खन्धे च महाभूते च पटिच्च चित्तसमुट्ठानं रूपं. (१)

अकुसलञ्च अब्याकतञ्च धम्मं पटिच्च अब्याकतो धम्मो उप्पज्जति नआरम्मणपच्चया – अकुसले खन्धे च महाभूते च पटिच्च चित्तसमुट्ठानं रूपं. (१)

नअधिपतिपच्चयो

८८. कुसलं धम्मं पटिच्च कुसलो धम्मो उप्पज्जति नअधिपतिपच्चया – कुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. कुसलं धम्मं पटिच्च अब्याकतो धम्मो उप्पज्जति नअधिपतिपच्चया – कुसले खन्धे पटिच्च चित्तसमुट्ठानं रूपं. कुसलं धम्मं पटिच्च कुसलो च अब्याकतो च धम्मा उप्पज्जन्ति नअधिपतिपच्चया – कुसलं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं. (३)

अकुसलं धम्मं पटिच्च अकुसलो धम्मो उप्पज्जति नअधिपतिपच्चया – अकुसलं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. अकुसलं धम्मं पटिच्च अब्याकतो धम्मो उप्पज्जति नअधिपतिपच्चया – अकुसले खन्धे पटिच्च चित्तसमुट्ठानं रूपं. अकुसलं धम्मं पटिच्च अकुसलो च अब्याकतो च धम्मा उप्पज्जन्ति नअधिपतिपच्चया – अकुसलं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं. (३)

अब्याकतं धम्मं पटिच्च अब्याकतो धम्मो उप्पज्जति नअधिपतिपच्चया – विपाकाब्याकतं किरियाब्याकतं एकं खन्धं पटिच्च तयो खन्धा चित्तसमुट्ठानञ्च रूपं, तयो खन्धे पटिच्च एको खन्धो चित्तसमुट्ठानञ्च रूपं, द्वे खन्धे पटिच्च द्वे खन्धा चित्तसमुट्ठानञ्च रूपं; पटिसन्धिक्खणे विपाकाब्याकतं एकं खन्धं पटिच्च तयो खन्धा कटत्ता च रूपं, तयो खन्धे पटिच्च एको खन्धो कटत्ता च रूपं, द्वे खन्धे पटिच्च द्वे खन्धा कटत्ता च रूपं. खन्धे पटिच्च वत्थु, वत्थुं पटिच्च खन्धा. एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं कटत्तारूपं उपादारूपं; बाहिरं… आहारसमुट्ठानं … उतुसमुट्ठानं… असञ्ञसत्तानं एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च कटत्तारूपं उपादारूपं. (१)

कुसलञ्च अब्याकतञ्च धम्मं पटिच्च अब्याकतो धम्मो उप्पज्जति नअधिपतिपच्चया – कुसले खन्धे च महाभूते च पटिच्च चित्तसमुट्ठानं रूपं. (१)

अकुसलञ्च अब्याकतञ्च धम्मं पटिच्च अब्याकतो धम्मो उप्पज्जति नअधिपतिपच्चया – अकुसले खन्धे च महाभूते च पटिच्च चित्तसमुट्ठानं रूपं. (१)

नअनन्तर-नसमनन्तरपच्चया

८९. कुसलं धम्मं पटिच्च अब्याकतो धम्मो उप्पज्जति नअनन्तरपच्चया… नसमनन्तरपच्चया – कुसले खन्धे पटिच्च चित्तसमुट्ठानं रूपं. (नअनन्तरपच्चयम्पि नसमनन्तरपच्चयम्पि नआरम्मणपच्चयसदिसं.)

नअञ्ञमञ्ञपच्चयो

९०. कुसलं धम्मं पटिच्च अब्याकतो धम्मो उप्पज्जति नअञ्ञमञ्ञपच्चया – कुसले खन्धे पटिच्च चित्तसमुट्ठानं रूपं. (१)

अकुसलं धम्मं पटिच्च अब्याकतो धम्मो उप्पज्जति नअञ्ञमञ्ञपच्चया – अकुसले खन्धे पटिच्च चित्तसमुट्ठानं रूपं. (१)