१. पच्चयानुलोमं

१. विभङ्गवारो

हेतुपच्चयो

२४३. कुसलं धम्मं पच्चया कुसलो धम्मो उप्पज्जति हेतुपच्चया – कुसलं एकं खन्धं पच्चया तयो खन्धा, तयो खन्धे पच्चया एको खन्धो, द्वे खन्धे पच्चया द्वे खन्धा. कुसलं धम्मं पच्चया अब्याकतो धम्मो उप्पज्जति हेतुपच्चया – कुसले खन्धे पच्चया चित्तसमुट्ठानं रूपं. कुसलं धम्मं पच्चया कुसलो च अब्याकतो च धम्मा उप्पज्जन्ति हेतुपच्चया – कुसलं एकं खन्धं पच्चया तयो खन्धा चित्तसमुट्ठानञ्च रूपं, तयो खन्धे पच्चया एको खन्धो चित्तसमुट्ठानञ्च रूपं, द्वे खन्धे पच्चया द्वे खन्धा चित्तसमुट्ठानञ्च रूपं. (३)

२४४. अकुसलं धम्मं पच्चया अकुसलो धम्मो उप्पज्जति हेतुपच्चया – अकुसलं एकं खन्धं पच्चया तयो खन्धा, तयो खन्धे पच्चया एको खन्धो, द्वे खन्धे पच्चया द्वे खन्धा. अकुसलं धम्मं पच्चया अब्याकतो धम्मो उप्पज्जति हेतुपच्चया – अकुसले खन्धे पच्चया चित्तसमुट्ठानं रूपं. अकुसलं धम्मं पच्चया अकुसलो च अब्याकतो च धम्मा उप्पज्जन्ति हेतुपच्चया – अकुसलं एकं खन्धं पच्चया तयो खन्धा चित्तसमुट्ठानञ्च रूपं, तयो खन्धे पच्चया एको खन्धो चित्तसमुट्ठानञ्च रूपं, द्वे खन्धे पच्चया द्वे खन्धा चित्तसमुट्ठानञ्च रूपं. (३)

२४५. अब्याकतं धम्मं पच्चया अब्याकतो धम्मो उप्पज्जति हेतुपच्चया – विपाकाब्याकतं किरियाब्याकतं एकं खन्धं पच्चया तयो खन्धा चित्तसमुट्ठानञ्च रूपं, तयो खन्धे पच्चया एको खन्धो चित्तसमुट्ठानञ्च रूपं, द्वे खन्धे पच्चया द्वे खन्धा चित्तसमुट्ठानञ्च रूपं; पटिसन्धिक्खणे विपाकाब्याकतं एकं खन्धं पच्चया तयो खन्धा कटत्ता च रूपं, तयो खन्धे पच्चया एको खन्धो कटत्ता च रूपं, द्वे खन्धे पच्चया द्वे खन्धा कटत्ता च रूपं; खन्धे पच्चया वत्थु, वत्थुं पच्चया खन्धा; एकं महाभूतं पच्चया तयो महाभूता, तयो महाभूते पच्चया एकं महाभूतं, द्वे महाभूते पच्चया द्वे महाभूता, महाभूते पच्चया चित्तसमुट्ठानं रूपं कटत्तारूपं उपादारूपं; वत्थुं पच्चया विपाकाब्याकता किरियाब्याकता खन्धा. (१)

अब्याकतं धम्मं पच्चया कुसलो धम्मो उप्पज्जति हेतुपच्चया – वत्थुं पच्चया कुसला खन्धा. (२)

अब्याकतं धम्मं पच्चया अकुसलो धम्मो उप्पज्जति हेतुपच्चया – वत्थुं पच्चया अकुसला खन्धा. (३)

अब्याकतं धम्मं पच्चया कुसलो च अब्याकतो च धम्मा उप्पज्जन्ति हेतुपच्चया – वत्थुं पच्चया कुसला खन्धा, महाभूते पच्चया चित्तसमुट्ठानं रूपं. (४)

अब्याकतं धम्मं पच्चया अकुसलो च अब्याकतो च धम्मा उप्पज्जन्ति हेतुपच्चया – वत्थुं पच्चया अकुसला खन्धा, महाभूते पच्चया चित्तसमुट्ठानं रूपं. (५)

२४६. कुसलञ्च अब्याकतञ्च धम्मं पच्चया कुसलो धम्मो उप्पज्जति हेतुपच्चया – कुसलं एकं खन्धञ्च वत्थुञ्च पच्चया तयो खन्धा, तयो खन्धे च वत्थुञ्च पच्चया एको खन्धो, द्वे खन्धे च वत्थुञ्च पच्चया द्वे खन्धा. कुसलञ्च अब्याकतञ्च धम्मं पच्चया अब्याकतो धम्मो उप्पज्जति हेतुपच्चया – कुसले खन्धे च महाभूते च पच्चया चित्तसमुट्ठानं रूपं. कुसलञ्च अब्याकतञ्च धम्मं पच्चया कुसलो च अब्याकतो च धम्मा उप्पज्जन्ति हेतुपच्चया – कुसलं एकं खन्धञ्च वत्थुञ्च पच्चया तयो खन्धा, तयो खन्धे च वत्थुञ्च पच्चया एको खन्धो, द्वे खन्धे च वत्थुञ्च पच्चया द्वे खन्धा, कुसले खन्धे च महाभूते च पच्चया चित्तसमुट्ठानं रूपं. (३)

२४७. अकुसलञ्च अब्याकतञ्च धम्मं पच्चया अकुसलो धम्मो उप्पज्जति हेतुपच्चया – अकुसलं एकं खन्धञ्च वत्थुञ्च पच्चया तयो खन्धा, तयो खन्धे च वत्थुञ्च पच्चया एको खन्धो, द्वे खन्धे च वत्थुञ्च पच्चया द्वे खन्धा. अकुसलञ्च अब्याकतञ्च धम्मं पच्चया अब्याकतो धम्मो उप्पज्जति हेतुपच्चया – अकुसले खन्धे च महाभूते च पच्चया चित्तसमुट्ठानं रूपं. अकुसलञ्च अब्याकतञ्च धम्मं पच्चया अकुसलो च अब्याकतो च धम्मा उप्पज्जन्ति हेतुपच्चया – अकुसलं एकं खन्धञ्च वत्थुञ्च पच्चया तयो खन्धा, तयो खन्धे च वत्थुञ्च पच्चया एको खन्धो, द्वे खन्धे च वत्थुञ्च पच्चया द्वे खन्धा, अकुसले खन्धे च महाभूते च पच्चया चित्तसमुट्ठानं रूपं. (३)

आरम्मणपच्चयो

२४८. कुसलं धम्मं पच्चया कुसलो धम्मो उप्पज्जति आरम्मणपच्चया – कुसलं एकं खन्धं पच्चया तयो खन्धा, तयो खन्धे पच्चया एको खन्धो, द्वे खन्धे पच्चया द्वे खन्धा. (१)

२४९. अकुसलं धम्मं पच्चया अकुसलो धम्मो उप्पज्जति आरम्मणपच्चया – अकुसलं एकं खन्धं पच्चया तयो खन्धा, तयो खन्धे पच्चया एको खन्धो, द्वे खन्धे पच्चया द्वे खन्धा. (१)

२५०. अब्याकतं धम्मं पच्चया अब्याकतो धम्मो उप्पज्जति आरम्मणपच्चया – विपाकाब्याकतं किरियाब्याकतं एकं खन्धं पच्चया तयो खन्धा, तयो खन्धे पच्चया एको खन्धो, द्वे खन्धे पच्चया द्वे खन्धा; पटिसन्धिक्खणे विपाकाब्याकतं एकं खन्धं पच्चया तयो खन्धा, तयो खन्धे पच्चया एको खन्धो, द्वे खन्धे पच्चया द्वे खन्धा; वत्थुं पच्चया खन्धा; चक्खायतनं पच्चया चक्खुविञ्ञाणं, सोतायतनं पच्चया सोतविञ्ञाणं, घानायतनं पच्चया घानविञ्ञाणं, जिव्हायतनं पच्चया जिव्हाविञ्ञाणं, कायायतनं पच्चया कायविञ्ञाणं, वत्थुं पच्चया विपाकाब्याकता किरियाब्याकता खन्धा. (१)

अब्याकतं धम्मं पच्चया कुसलो धम्मो उप्पज्जति आरम्मणपच्चया – वत्थुं पच्चया कुसला खन्धा. (२)

अब्याकतं धम्मं पच्चया अकुसलो धम्मो उप्पज्जति आरम्मणपच्चया – वत्थुं पच्चया अकुसला खन्धा. (३)

२५१. कुसलञ्च अब्याकतञ्च धम्मं पच्चया कुसलो धम्मो उप्पज्जति आरम्मणपच्चया – कुसलं एकं खन्धञ्च वत्थुञ्च पच्चया तयो खन्धा…पे… द्वे खन्धे च वत्थुञ्च पच्चया द्वे खन्धा. (१)

२५२. अकुसलञ्च अब्याकतञ्च धम्मं पच्चया अकुसलो धम्मो उप्पज्जति आरम्मणपच्चया – अकुसलं एकं खन्धञ्च वत्थुञ्च पच्चया तयो खन्धा…पे… द्वे खन्धे च वत्थुञ्च पच्चया द्वे खन्धा. (१)

अधिपतिपच्चयो

२५३. कुसलं धम्मं पच्चया कुसलो धम्मो उप्पज्जति अधिपतिपच्चया – कुसलं एकं खन्धं पच्चया… तीणि.

अकुसलं धम्मं पच्चया अकुसलो धम्मो उप्पज्जति अधिपतिपच्चया – अकुसलं एकं खन्धं पच्चया… तीणि.

अब्याकतं धम्मं पच्चया अब्याकतो धम्मो उप्पज्जति अधिपतिपच्चया – विपाकाब्याकतं किरियाब्याकतं एकं खन्धं पच्चया तयो खन्धा चित्तसमुट्ठानञ्च रूपं…पे… एकं महाभूतं पच्चया तयो महाभूता…पे… महाभूते पच्चया चित्तसमुट्ठानं रूपं उपादारूपं, वत्थुं पच्चया विपाकाब्याकता किरियाब्याकता खन्धा.

अब्याकतं धम्मं पच्चया कुसलो धम्मो उप्पज्जति अधिपतिपच्चया – वत्थुं पच्चया कुसला खन्धा.

(यथा हेतुपच्चयं, एवं वित्थारेतब्बं.)

अनन्तर-समनन्तरपच्चया

२५४. कुसलं धम्मं पच्चया कुसलो धम्मो उप्पज्जति अनन्तरपच्चया… समनन्तरपच्चया.

(यथा आरम्मणपच्चयं, एवं वित्थारेतब्बं.)

सहजातपच्चयो

२५५. कुसलं धम्मं पच्चया कुसलो धम्मो उप्पज्जति सहजातपच्चया – कुसलं एकं खन्धं पच्चया… तीणि.

अकुसलं धम्मं पच्चया… तीणि.

अब्याकतं धम्मं पच्चया अब्याकतो धम्मो उप्पज्जति सहजातपच्चया – विपाकाब्याकतं किरियाब्याकतं एकं खन्धं पच्चया तयो खन्धा चित्तसमुट्ठानञ्च रूपं…पे… पटिसन्धिक्खणे…पे… एकं महाभूतं पच्चया…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पच्चया…पे… महाभूते पच्चया कटत्तारूपं उपादारूपं, चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया विपाकाब्याकता किरियाब्याकता खन्धा.

अब्याकतं धम्मं पच्चया कुसलो धम्मो उप्पज्जति सहजातपच्चया – वत्थुं पच्चया कुसला खन्धा.

(यथा हेतुपच्चयं, एवं वित्थारेतब्बं.)

अञ्ञमञ्ञपच्चयो

२५६. कुसलं धम्मं पच्चया कुसलो धम्मो उप्पज्जति अञ्ञमञ्ञपच्चया… एकं.

अकुसलं धम्मं पच्चया अकुसलो धम्मो उप्पज्जति अञ्ञमञ्ञपच्चया… एकं.

अब्याकतं धम्मं पच्चया अब्याकतो धम्मो उप्पज्जति अञ्ञमञ्ञपच्चया – विपाकाब्याकतं किरियाब्याकतं एकं खन्धं पच्चया तयो खन्धा…पे… द्वे खन्धे पच्चया द्वे खन्धा; पटिसन्धिक्खणे विपाकाब्याकतं एकं खन्धं पच्चया तयो खन्धा वत्थु च…पे… द्वे खन्धे पच्चया द्वे खन्धा वत्थु च, खन्धे पच्चया वत्थु, वत्थुं पच्चया खन्धा; एकं महाभूतं पच्चया तयो महाभूता…पे… द्वे महाभूते पच्चया द्वे महाभूता; बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पच्चया तयो महाभूता…पे… द्वे महाभूते पच्चया द्वे महाभूता, चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया विपाकाब्याकता किरियाब्याकता खन्धा.

अब्याकतं धम्मं पच्चया कुसलो धम्मो उप्पज्जति अञ्ञमञ्ञपच्चया – वत्थुं पच्चया कुसला खन्धा.

(यथा आरम्मणपच्चयं, एवं वित्थारेतब्बं.)

निस्सयपच्चयो

२५७. कुसलं धम्मं पच्चया कुसलो धम्मो उप्पज्जति निस्सयपच्चया – कुसलं एकं खन्धं पच्चया तयो खन्धा.

(यथा सहजातपच्चयं, एवं वित्थारेतब्बं.)

उपनिस्सयपच्चयो

२५८. कुसलं धम्मं पच्चया कुसलो धम्मो उप्पज्जति उपनिस्सयपच्चया – कुसलं एकं खन्धं पच्चया. (आरम्मणपच्चयसदिसं.)

पुरेजातपच्चयो

२५९. कुसलं धम्मं पच्चया कुसलो धम्मो उप्पज्जति पुरेजातपच्चया. कुसलं एकं खन्धं पच्चया तयो खन्धा…पे… द्वे खन्धे पच्चया द्वे खन्धा. वत्थुं पुरेजातपच्चया. (१)

अकुसलं धम्मं पच्चया अकुसलो धम्मो उप्पज्जति पुरेजातपच्चया – अकुसलं एकं खन्धं पच्चया तयो खन्धा…पे… द्वे खन्धे पच्चया द्वे खन्धा. वत्थुं पुरेजातपच्चया. (१)

अब्याकतं धम्मं पच्चया अब्याकतो धम्मो उप्पज्जति पुरेजातपच्चया – विपाकाब्याकतं किरियाब्याकतं एकं खन्धं पच्चया तयो खन्धा…पे… द्वे खन्धे पच्चया द्वे खन्धा, वत्थुं पुरेजातपच्चया, चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया विपाकाब्याकता किरियाब्याकता खन्धा, वत्थुं पुरेजातपच्चया.

अब्याकतं धम्मं पच्चया कुसलो धम्मो उप्पज्जति पुरेजातपच्चया – वत्थुं पच्चया कुसला खन्धा, वत्थुं पुरेजातपच्चया.

अब्याकतं धम्मं पच्चया अकुसलो धम्मो उप्पज्जति पुरेजातपच्चया – वत्थुं पच्चया अकुसला खन्धा, वत्थुं पुरेजातपच्चया. (३)

कुसलञ्च अब्याकतञ्च धम्मं पच्चया कुसलो धम्मो उप्पज्जति पुरेजातपच्चया – कुसलं एकं खन्धञ्च वत्थुञ्च पच्चया तयो खन्धा…पे… द्वे खन्धे च वत्थुञ्च पच्चया द्वे खन्धा, वत्थुं पुरेजातपच्चया. (१)

अकुसलञ्च अब्याकतञ्च धम्मं पच्चया अकुसलो धम्मो उप्पज्जति पुरेजातपच्चया – अकुसलं एकं खन्धञ्च वत्थुञ्च पच्चया तयो खन्धा…पे… द्वे खन्धे च वत्थुञ्च पच्चया द्वे खन्धा, वत्थुं पुरेजातपच्चया. (१)

आसेवनपच्चयो

२६०. कुसलं धम्मं पच्चया कुसलो धम्मो उप्पज्जति आसेवनपच्चया – कुसलं एकं खन्धं पच्चया…पे….

अकुसलं धम्मं पच्चया अकुसलो धम्मो उप्पज्जति आसेवनपच्चया – अकुसलं एकं खन्धं पच्चया…पे….

अब्याकतं धम्मं पच्चया अब्याकतो धम्मो उप्पज्जति आसेवनपच्चया – किरियाब्याकतं एकं खन्धं पच्चया तयो खन्धा, तयो खन्धे पच्चया एको खन्धो, द्वे खन्धे पच्चया द्वे खन्धा, वत्थुं पच्चया किरियाब्याकता खन्धा.

अब्याकतं धम्मं पच्चया कुसलो धम्मो उप्पज्जति आसेवनपच्चया – वत्थुं पच्चया कुसला खन्धा.

अब्याकतं धम्मं पच्चया अकुसलो धम्मो उप्पज्जति आसेवनपच्चया – वत्थुं पच्चया अकुसला खन्धा.

कुसलञ्च अब्याकतञ्च धम्मं पच्चया…पे….

अकुसलञ्च अब्याकतञ्च धम्मं पच्चया अकुसलो धम्मो उप्पज्जति आसेवनपच्चया – अकुसलं एकं खन्धञ्च वत्थुञ्च पच्चया तयो खन्धा…पे….

कम्मपच्चयो

२६१. कुसलं धम्मं पच्चया कुसलो धम्मो उप्पज्जति कम्मपच्चया – कुसलं एकं खन्धं पच्चया… तीणि.

अकुसलं धम्मं पच्चया अकुसलो धम्मो उप्पज्जति कम्मपच्चया… तीणि.

अब्याकतं धम्मं पच्चया अब्याकतो धम्मो उप्पज्जति कम्मपच्चया – विपाकाब्याकतं किरियाब्याकतं एकं खन्धं पच्चया…पे… पटिसन्धिक्खणे…पे… एकं महाभूतं पच्चया…पे… असञ्ञसत्तानं एकं महाभूतं पच्चया…पे… महाभूते पच्चया कटत्तारूपं उपादारूपं, चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया विपाकाब्याकता किरियाब्याकता खन्धा.

अब्याकतं धम्मं पच्चया कुसलो धम्मो उप्पज्जति कम्मपच्चया – वत्थुं पच्चया कुसला खन्धा.

अब्याकतं धम्मं पच्चया अकुसलो धम्मो उप्पज्जति कम्मपच्चया – वत्थुं पच्चया अकुसला खन्धा…पे…. (५)

कुसलञ्च अब्याकतञ्च धम्मं पच्चया कुसलो धम्मो…पे… अब्याकतो धम्मो…पे… कुसलो च अब्याकतो च धम्मा उप्पज्जन्ति कम्मपच्चया…पे….

अकुसलञ्च अब्याकतञ्च धम्मं पच्चया अकुसलो धम्मो…पे… अब्याकतो धम्मो…पे… अकुसलो च अब्याकतो च धम्मा उप्पज्जन्ति कम्मपच्चया, अकुसलं एकं खन्धञ्च वत्थुञ्च पच्चया…पे… अकुसले खन्धे च महाभूते च पच्चया चित्तसमुट्ठानं रूपं.

विपाकपच्चयो

२६२. अब्याकतं धम्मं पच्चया अब्याकतो धम्मो उप्पज्जति विपाकपच्चया. विपाकाब्याकतं एकं खन्धं पच्चया…पे… पटिसन्धिक्खणे…पे… एकं महाभूतं पच्चया…पे… चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया विपाकाब्याकता खन्धा.

आहारपच्चयो

२६३. कुसलं धम्मं पच्चया कुसलो धम्मो उप्पज्जति आहारपच्चया – कुसलं एकं खन्धं पच्चया… तीणि.

अकुसलं धम्मं पच्चया… तीणि.

अब्याकतं धम्मं पच्चया अब्याकतो धम्मो उप्पज्जति आहारपच्चया…पे… पटिसन्धिक्खणे…पे… आहारसमुट्ठानं एकं महाभूतं…पे… चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया विपाकाब्याकता किरियाब्याकता खन्धा. (परिपुण्णं.)

इन्द्रियपच्चयो

२६४. कुसलं धम्मं पच्चया कुसलो धम्मो उप्पज्जति इन्द्रियपच्चया…पे… असञ्ञसत्तानं एकं महाभूतं पच्चया…पे… चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया विपाकाब्याकता किरियाब्याकता खन्धा.

(इन्द्रियपच्चया यथा कम्मपच्चया, एवं वित्थारेतब्बं.)

झान-मग्गपच्चया

२६५. कुसलं धम्मं पच्चया कुसलो धम्मो उप्पज्जति झानपच्चया…पे… मग्गपच्चया.

(झानपच्चयापि मग्गपच्चयापि यथा हेतुपच्चया, एवं वित्थारेतब्बं.)

सम्पयुत्तपच्चयो

२६६. कुसलं धम्मं पच्चया कुसलो धम्मो उप्पज्जति सम्पयुत्तपच्चया. (आरम्मणपच्चयसदिसं.)

विप्पयुत्तपच्चयो

२६७. कुसलं धम्मं पच्चया कुसलो धम्मो उप्पज्जति विप्पयुत्तपच्चया. कुसलं एकं खन्धं पच्चया तयो खन्धा…पे… द्वे खन्धे पच्चया द्वे खन्धा, वत्थुं विप्पयुत्तपच्चया. कुसलं धम्मं पच्चया अब्याकतो धम्मो उप्पज्जति विप्पयुत्तपच्चया – कुसले खन्धे पच्चया चित्तसमुट्ठानं रूपं, खन्धे विप्पयुत्तपच्चया, कुसलं धम्मं पच्चया कुसलो च अब्याकतो च धम्मा उप्पज्जन्ति विप्पयुत्तपच्चया – कुसलं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धे पच्चया द्वे खन्धा चित्तसमुट्ठानञ्च रूपं, खन्धा वत्थुं विप्पयुत्तपच्चया, चित्तसमुट्ठानं रूपं खन्धे विप्पयुत्तपच्चया. (३)

अकुसलं धम्मं पच्चया अकुसलो धम्मो उप्पज्जति विप्पयुत्तपच्चया – अकुसलं एकं खन्धं पच्चया तयो खन्धा…पे… द्वे खन्धे पच्चया द्वे खन्धा, वत्थुं विप्पयुत्तपच्चया. अकुसलं धम्मं पच्चया अब्याकतो धम्मो उप्पज्जति विप्पयुत्तपच्चया – अकुसले खन्धे पच्चया चित्तसमुट्ठानं रूपं, खन्धे विप्पयुत्तपच्चया. अकुसलं धम्मं पच्चया अकुसलो च अब्याकतो च धम्मा उप्पज्जन्ति विप्पयुत्तपच्चया – अकुसलं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धे पच्चया द्वे खन्धा चित्तसमुट्ठानञ्च रूपं, खन्धा वत्थुं विप्पयुत्तपच्चया, चित्तसमुट्ठानं रूपं खन्धे विप्पयुत्तपच्चया. (३)

अब्याकतं धम्मं पच्चया अब्याकतो धम्मो उप्पज्जति विप्पयुत्तपच्चया – विपाकाब्याकतं किरियाब्याकतं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धे पच्चया द्वे खन्धा चित्तसमुट्ठानञ्च रूपं, खन्धा वत्थुं विप्पयुत्तपच्चया, चित्तसमुट्ठानं रूपं खन्धे विप्पयुत्तपच्चया, पटिसन्धिक्खणे विपाकाब्याकतं एकं खन्धं पच्चया तयो खन्धा कटत्ता च रूपं…पे… द्वे खन्धे पच्चया द्वे खन्धा कटत्ता च रूपं, खन्धा वत्थुं विप्पयुत्तपच्चया, कटत्तारूपं खन्धे विप्पयुत्तपच्चया, खन्धे पच्चया वत्थु, वत्थुं पच्चया खन्धा, खन्धा वत्थुं विप्पयुत्तपच्चया, वत्थु खन्धे विप्पयुत्तपच्चया; एकं महाभूतं पच्चया…पे… महाभूते पच्चया चित्तसमुट्ठानं रूपं कटत्तारूपं उपादारूपं खन्धे विप्पयुत्तपच्चया; चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं; वत्थुं पच्चया विपाकाब्याकता किरियाब्याकता खन्धा, वत्थुं विप्पयुत्तपच्चया. (१)

अब्याकतं धम्मं पच्चया कुसलो धम्मो उप्पज्जति विप्पयुत्तपच्चया – वत्थुं पच्चया कुसला खन्धा, वत्थुं विप्पयुत्तपच्चया. (२)

अब्याकतं धम्मं पच्चया अकुसलो धम्मो उप्पज्जति विप्पयुत्तपच्चया – वत्थुं पच्चया अकुसला खन्धा, वत्थुं विप्पयुत्तपच्चया. (३)

अब्याकतं धम्मं पच्चया कुसलो च अब्याकतो च धम्मा उप्पज्जन्ति विप्पयुत्तपच्चया – वत्थुं पच्चया कुसला खन्धा, महाभूते पच्चया चित्तसमुट्ठानं रूपं, खन्धा वत्थुं विप्पयुत्तपच्चया, चित्तसमुट्ठानं रूपं खन्धे विप्पयुत्तपच्चया. (४)

अब्याकतं धम्मं पच्चया अकुसलो च अब्याकतो च धम्मा उप्पज्जन्ति विप्पयुत्तपच्चया – वत्थुं पच्चया अकुसला खन्धा, महाभूते पच्चया चित्तसमुट्ठानं रूपं, खन्धा वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. (५)

कुसलञ्च अब्याकतञ्च धम्मं पच्चया कुसलो धम्मो उप्पज्जति विप्पयुत्तपच्चया. कुसलं एकं खन्धञ्च वत्थुञ्च पच्चया तयो खन्धा, तयो खन्धे च वत्थुञ्च पच्चया एको खन्धो, द्वे खन्धे च वत्थुञ्च पच्चया द्वे खन्धा, वत्थुं विप्पयुत्तपच्चया. कुसलञ्च अब्याकतञ्च धम्मं पच्चया अब्याकतो धम्मो उप्पज्जति विप्पयुत्तपच्चया. कुसले खन्धे च महाभूते च पच्चया चित्तसमुट्ठानं रूपं. खन्धे विप्पयुत्तपच्चया. कुसलञ्च अब्याकतञ्च धम्मं पच्चया कुसलो च अब्याकतो च धम्मा उप्पज्जन्ति विप्पयुत्तपच्चया, कुसलं एकं खन्धञ्च वत्थुञ्च पच्चया तयो खन्धा, तयो खन्धे च वत्थुञ्च पच्चया एको खन्धो, द्वे खन्धे च वत्थुञ्च पच्चया द्वे खन्धा, कुसले खन्धे च महाभूते च पच्चया चित्तसमुट्ठानं रूपं, खन्धा वत्थुं विप्पयुत्तपच्चया, चित्तसमुट्ठानं रूपं खन्धे विप्पयुत्तपच्चया. (३)

अकुसलञ्च अब्याकतञ्च धम्मं पच्चया अकुसलो धम्मो उप्पज्जति विप्पयुत्तपच्चया – अकुसलं एकं खन्धञ्च वत्थुञ्च पच्चया तयो खन्धा…पे… द्वे खन्धे च वत्थुञ्च पच्चया द्वे खन्धा, वत्थुं विप्पयुत्तपच्चया. अकुसलञ्च अब्याकतञ्च धम्मं पच्चया अब्याकतो धम्मो उप्पज्जति विप्पयुत्तपच्चया – अकुसले खन्धे च महाभूते च पच्चया चित्तसमुट्ठानं रूपं, खन्धे विप्पयुत्तपच्चया. अकुसलञ्च अब्याकतञ्च धम्मं पच्चया अकुसलो च अब्याकतो च धम्मा उप्पज्जन्ति विप्पयुत्तपच्चया – अकुसलं एकं खन्धञ्च वत्थुञ्च पच्चया तयो खन्धा…पे… द्वे खन्धा, अकुसले खन्धे च महाभूते च पच्चया चित्तसमुट्ठानं रूपं, खन्धा वत्थुं विप्पयुत्तपच्चया, चित्तसमुट्ठानं रूपं खन्धे विप्पयुत्तपच्चया. (३)

अत्थिपच्चयादि

२६८. कुसलं धम्मं पच्चया कुसलो धम्मो उप्पज्जति अत्थिपच्चया…पे… (अत्थिपच्चया सहजातपच्चयसदिसं कातब्बं. नत्थिपच्चया विगतपच्चया आरम्मणपच्चयसदिसं, अविगतपच्चया सहजातपच्चयसदिसं.)