९. पातिमोक्खट्ठपनक्खन्धक

पुच्छा – सापत्तिकेन आवुसो पातिमोक्खं सुणन्तस्स पातिमोक्खं ठपेतुं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं पुग्गलं दुस्सीलं पापधम्मं आरब्भ पञ्ञत्तं, अञ्ञतरो भन्ते पुग्गलो दुस्सीलो पापधम्मो तदहुपोसथे सङ्घमज्झे निसिन्नो अहोसि, तस्मिं भन्ते वत्थुस्मिं पञ्ञत्तं.

पुच्छा – ठपनं आवुसो पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – ठपनं विस्सज्जिस्सं, सनिदानं सनिद्देसं. समुक्कट्ठपदानं भन्ते एका आपत्ति.