लोककामगुणवग्ग

राहुलोवादसुत्त

पुच्छा – लोककामगुणवग्गे आवुसो अट्ठमं राहुलोवादसुत्तं भगवता कत्थ कं आरब्भ कथञ्च भासितं.

विस्सज्जना – सावत्थियंयेव भन्ते आयस्मन्तं राहुलं आरब्भ ‘‘तं किं मञ्ञसि राहुल, चक्खु निच्चं वा अनिच्चं वाति. अनिच्चं भन्ते. यं पनानिच्चं, दुक्खं वा तं सुखंवाति. दुक्खं भन्ते. यं पनानिच्चं दुक्खं विपरिणामधम्मं कल्लं नु तं समनुपस्सितुं ‘एतं मम, एसोहमस्मि, एसो मे अत्ता’ति. नो हेतं भन्ते’’ति एवमादिना भन्ते भगवता भासितं.

यंनूनाहं राहुलं उत्तरिं आसवानं खये विनेय्यं.

गण्हाहि राहुल निसीदनं.