६७. हना छ+खा

हना स्सास्स छ+खा वा होन्ति. पटिहंखामि पटिहनिस्सामि. हंछेम हनिस्साम. अहनि, अहनिंसूतिआदि सब्बत्थ योजेतब्बं. हुवादयो

हु=हवने. त्यादीसु लो. ‘‘परोक्खायञ्चा’’ति चग्गहणेन हु हुति द्वित्तं, ‘‘कवग्गहानं चवग्गजा’’ति हस्स जो, ललोपो वुद्धि च, जुहोति अग्गिं, अञ्ञत्र ‘‘यवा सरे’’ति वकारो, जुह्वति. जुहोन्ति. जुह्वन्ति. जुहोसि जुह्वसि, जुहोथ जुह्वथ. इच्चादि. कम्मे – ‘‘दीघो सरस्सा’’ति दीघे हूयति तेन अग्गि इच्चादि. जुहिस्सति, जुहिस्सन्ति. अजुहवि अजुहोसि, अजुहवुं अजुहविंसु अजुहवंसु अजुहोसुं. अजुहिस्स, अजुहिस्संस्सु. जुहे जुहेय्य. जुहोतु, जुहोन्तु इच्चादि.

हा=चागे, पुरे विय द्वेभावछादेसलोपे ‘‘रस्सो पुब्बस्सा’’ति पुब्बस्स आस्स रस्सो. जहाति इच्चादि. कम्मे – ‘‘अञ्ञादिस्सा+स्सी क्ये’’ति क्ये आस्स ई, हीयति इच्चादि. जहिस्सति. अजहासि, ‘‘दीघा ईस्स’’ इति सि, पजहि, अजहिंसु अजहंसु, पजहिंसु पजहुं. कम्मे-पहीयि पहीयित्थ. स्सादि+एय्यादि+त्वादीसुपि ञेय्या.

दा=दाने, द्विभावरस्सत्तानि, ललोपो, ददाति, ददन्ति इच्चादि. ‘‘गमवदा’’ दिना दज्जादेसे दज्जति, दज्जन्ति इच्चादि. लस्से+कारे दानं देति इच्चादि.