२०८. चतुरो वा चतुस्स

चतुस्स सविभत्तिस्स योम्हि चतुरो होति वा पुल्लिङ्गे. चतुरो चत्तारो. कथं ‘‘चतुरो निमित्ते नाद्दसासि’’न्ति, लिङ्गविपल्लासेन सिद्धं, चत्तारि निमित्तानीति अत्थो. विपल्लासो तिविधो लिङ्गविपल्लासो वचनविपल्लासो विभत्तिविपल्लासोति. चतूहि चतूभि. चतुन्नं, चतूसु.

इत्थियं चतस्सो. चतस्सो. चतूहि चतूभि. चतस्सन्नं. चतस्सन्नं. चतूसु.

नपुंसके चत्तारि. चत्तारि. चतूहि चतूभि. इच्चादि पुमेव.