१०५. पदादीहि

पदादीहि स्मिनो सि होति वा. पदसि पदे पदम्हि पदस्मिं, पदेसु. एवं बिलसद्दो.

कम्मसद्दतो नास्स ‘‘नास्से+नो’’ति एनो वा, कम्मेन, ‘‘पुमकम्मथामा’’दिना उत्ते कम्मुना कम्मना. इमिनाव सस्मासु उत्तं, उस्स लसञ्ञायं स+स्मानं यथायोगं नो+ना निच्चं, ववत्थितविभासत्ता वाधिकारस्स. कम्मुनो कम्मस्स. कम्मुना कम्मा कम्मम्हा कम्मस्मा. ‘‘कम्मादितो’’ति स्मिनो वा निम्हि कम्मनि कम्मे कम्मम्हि कम्मस्मिं, सेसं नपुंसकसमं. चम्म+वेस्म+भस्मादयो कम्मसमा उत्ततो+ञ्ञत्र.

गच्छन्त, सि. ‘‘न्तस्सं’’ति वा अंम्हि सिलोपो गच्छं. अञ्ञत्र सिस्स दं, गच्छन्तं, गच्छन्ता गच्छन्तानि. भो गच्छ गच्छा गच्छं, गच्छन्ता गच्छन्तानि. गच्छं गच्छन्तं, गच्छन्ते गच्छन्तानि. गच्छता गच्छन्तेने+च्चादि पुल्लिङ्गसमं. एवं यजन्त+वजन्तादयो.

अकारन्तं.

अट्ठि, सिलोपो.