५८. तेन

लोकियाति परसद्दसत्थकारे सन्धायाह. इह तु अविसेसेन वुत्तन्ति सम्बन्धो. निरुत्तियं सामञ्ञेन वुत्तत्ताति योजना. सामञ्ञेन वुत्ताकारं दस्सेतुं ‘कथ’न्तिआदि वुत्तं. देवेहि दत्तो ब्रह्मुना दत्तोतिआदीनि कत्तरि करणे वा विग्गहवाक्यानि. देवदत्तो देवदत्तिको देवियो देवलोतिआदीनि वुत्तिपदानि.

तत्थ निरुत्तिपिटकागतानं ‘देवदत्ता देवदत्तिको’तिआदीनं वुत्तिपदानमञ्ञथा निप्फत्तिमुपदस्सिय देवलो देवियोतिआदीनम्पन वचनन्तरेनेव निप्फत्तिं दस्सेतुं ‘देवेहि दत्तो’तिआदि वुत्तं. परसद्दसत्थकारानम्पि देवलो देवियोति वचनन्तरेनेव साधनं साधनाकारञ्च तेसं दस्सेतुं ‘केचीही’तिआदि वुत्तं. एकदेसतोयेव पच्चयमिच्छन्ति तेन तेसं देवलो देवियो दत्ति लोच्चादि भवति. कप्पनागारवोति दत्तसद्दलोपनामेकदेसवसेन कप्पनागारवो.