४०. समा

पराधिकारतो पच्चयस्स परविधिनाव सामीप्यस्स सिद्धत्ता साधीप्यवचनस्सन्तसद्दस्स गहणमनत्थकं सियाति मन्त्वावयववचनो यमन्तसद्दो गय्हतीति दस्सेन्तो आह- ‘तस्स अन्तो’इच्चादि. अवसानवति+अवयवोति पदच्छेदो, समासग्गहणेन गहणे कारणमाह-‘अवयवत्ता’ति. यथावुत्तचोदनाय निद्दोसत्तमुपमावसेन दस्सेतुमाह-‘नायं दोसो’च्चादि. पल्लवितस्स रुक्खस्स पल्लवानमवयवत्तं विय समासतो उत्तरकालं विधीय मानस्स अकारस्स समासावयवत्तं न विरुज्झतीति अत्थो.