२२. क्वचे

क्वचिसद्दस्स पयोगनियमनत्थो ‘‘परो क्विची’’ति (१-२७) एत्थ वुत्तनयेन वेदितब्बो. अविसेसेन उदाहरणेपीति परेसं विय ‘‘छाया’’ति (२-२-७३) सुत्तयित्वा विकप्पेन ‘(कुड्डच्छाय) कुड्डच्छायाति च ‘‘बाहुल्ले’’ति (चं, २-२-७४) सुत्तयित्वा निच्चं ‘उच्छुच्छायं सलभच्छाय’न्ति च नोदाहरित्वा सामञ्ञेन ‘सलभच्छायं सकुन्तच्छाय’न्ति उदाहरणे दस्सितेपि. अञ्ञत्थाति बहुलभावतो अञ्ञत्थ. विग्गहसमत्तस्साति विग्गहसामञ्ञस्स, यथासम्भवन्ति पासादस्स छायाइच्चादिना सम्भवानतिक्कमेन, सद्दाति सद्दतो पराय.