४७. नम्हि

‘‘आगमा तग्गुणीभूता तग्गहणेन गय्हन्ती’’ति परिभासा वचनमेतं तत्थ तग्गुणीभूताति तस्मिं आगमिम्हि गुणीभूता, अवयववसेन पच्छा भवन्तो अमुख्यभूता, तग्गहणेनाति आगमिग्गहणेन तग्गहणेन गहणतोति आगमिभूतस्स नं इच्चस्स गहणेन गहणतो, ‘नम्हि विभत्तिम्हि’ति तु वत्तब्बं, विपल्लासो वा एत्थ दट्ठब्बो.

(४९) इकारस्सेववातिआदिना वुत्तमेव विवरति तिस्स इच्चादिना, तस्स तिस्स, निद्दिट्ठत्ताति तिस्स निद्दिट्ठत्ता, ‘‘नम्हि तिचतुन्नमित्थियं तिस्स चतस्सा’’ति (२-२०) तिस्सादेसो ‘‘नम्हि नुक द्वादीनं सत्तरसन्न’’न्ति (२-४७) नुक, तिस्सन्नं.