२१९. योम्हि

योम्हीति सत्तम्यन्तजातिनिद्देसा लब्भमानत्थवसेन ‘पच्चेक’न्ति वुत्तियं वुत्तं, तेनेवाह पञ्चिकायं- ‘कथमिदमवसीयते योम्हीति निद्देसा’ति, तस्सदानि अत्थम्पकासेतुं ‘पच्चेकन्ति एकेकस्मि’न्तिआदि वुत्तं. एकेकस्मिं योम्हि द्विन्नं आदेसानं सम्भवा आदेसीनम्पि बहुत्तसम्भवोति सुत्ते ‘द्विन्न’न्ति बहुवचननिद्देसो, वुत्तियम्पन पच्चेकं योम्हि पच्चेकं द्विसद्दसम्भवा ‘द्विस्सा’ति वुत्तं, दुतियायम्पि दुवे द्वे.