वोमिस्सक सन्धी

३६. अनुपदिट्ठानं वुत्तयोगतो.

इधानिद्दिट्ठा सन्धयो वुत्तानुसारेन ञे य्या, यथा – यदि एवं, बोधि अङ्गातीह – यादेसे इमिना सुत्तेन दयकारसंयोगस्स जो, धयकारसंयोगस्स झो, द्वित्ते – यज्जेवं, बोज्झङ्गा.

३७. असदिससंयोगे एकसरूपता च.

परि एसनातीह – यादेसे रकारस्स यो, पय्येस ना.

३८. वण्णानं बहुत्तं, विपरीतता च.

सरति, इति एव, सा इत्थी, बुसं एव, बहु आबाधो, अधि अभवि, सुखं, दुक्खं, जीवोतीह –

मागमो सकारे अकारस्स उ च, सुमरति.

इस्स वो, इत्वेव.

परलोपे आकारस्स ओ, सोत्थी.

मादेसे, पुब्बदीघे च एकारस्स इ. बुसामिव.

वादेसे हवकारविपरिययो. बह्वाबाधो.

अधिस्स क्वचि अद्धो, दीघे-अद्धाभवि.

बिन्दुनो, ओकारस्स च ए. सुखे, दुक्खे, जीवे.

३९. रदानं ळो, पटिबोधो, परिळाहो.

४०. सरे, ब्यञ्जने वा परे बिन्दुनो क्वचि मो. मम अभासि, बुद्धम सरणं, पुब्बे मो परं न नेतब्बो अयुत्तत्ता.

४१. बिन्दुतो परसरान मञ्ञस्सरतापि.

तं इमिना, एवं इमं, किं अहं तीह-इस्स अ. तदमिना.

इस्स उ, अकारस्स च ए, बिन्दुलोपादो. एवुमं, केहं.

४२. वाक्यसुखुच्चारणत्थं, छन्दहानित्थञ्च वण्णलोपोपि.

पटिसङ्खाय योनिसोतीह – पुब्बयलोपो, पटिसङ्खायोनिसो.

४३. अलाबूनित्यादो अकारलोपो. लाबूनि सीदन्ति, सिला प्लवन्ति.

४४. वुत्यभेदाय विकारोपि.

अकरम्हसे तेत्यादो सकारे गरुनो एकारस्स इमिना लहुअकारो, अकरम्हस ते किच्चं.

४५. अक्खरनियमो छन्दं, गरुलहुनियमो भवे वुत्ति,

दीघो, संयोगादिपुब्बो रस्सो च गरु, लहु तु रस्सो. यथा- आ, अस्स, अं, अ.

४६. एवमञ्ञापि विञ्ञेय्या, संहिता तन्तिया हिता;

संहिताति च वण्णानं, सन्निधब्यवधानतो.

वोमिस्सकसन्धि.