237. чатуваггакаран̣а̄дикатха̄

388. пан̃ча сан̇гха̄ – чатувагго бхиккхусан̇гхо пан̃чавагго бхиккхусан̇гхо, дасавагго бхиккхусан̇гхо, вӣсативагго бхиккхусан̇гхо, атирекавӣсативагго бхиккхусан̇гхо. татра, бхиккхаве, йва̄йам̣ чатувагго бхиккхусан̇гхо, т̣хапетва̄ тӣн̣и камма̄ни – упасампадам̣ пава̄ран̣ам̣ аббха̄нам̣, дхаммена самагго саббакаммесу каммаппатто. татра, бхиккхаве, йва̄йам̣ пан̃чавагго бхиккхусан̇гхо, т̣хапетва̄ две камма̄ни – маджджхимесу джанападесу упасампадам̣ аббха̄нам̣, дхаммена самагго саббакаммесу каммаппатто. татра, бхиккхаве, йва̄йам̣ дасавагго бхиккхусан̇гхо, т̣хапетва̄ екам̣ каммам̣ – аббха̄нам̣, дхаммена самагго саббакаммесу каммаппатто. татра, бхиккхаве, йва̄йам̣ вӣсативагго бхиккхусан̇гхо дхаммена самагго саббакаммесу каммаппатто. татра, бхиккхаве, йва̄йам̣ атирекавӣсативагго бхиккхусан̇гхо дхаммена самагго саббакаммесу каммаппатто.

389. чатуваггакаран̣ан̃че, бхиккхаве, каммам̣ бхиккхуничатуттхо каммам̣ кареййа – акаммам̣ на ча каран̣ӣйам̣. чатуваггакаран̣ан̃че, бхиккхаве, каммам̣ сиккхама̄начатуттхо каммам̣ кареййа… акаммам̣ на ча каран̣ӣйам̣…пе…. са̄ман̣ерачатуттхо каммам̣ кареййа… акаммам̣ на ча каран̣ӣйам̣. са̄ман̣еричатуттхо каммам̣ кареййа… акаммам̣ на ча каран̣ӣйам̣. сиккхам̣ паччаккха̄такачатуттхо каммам̣ кареййа… акаммам̣ на ча каран̣ӣйам̣. антимаваттхум̣ аджджха̄паннакачатуттхо каммам̣ кареййа… акаммам̣ на ча каран̣ӣйам̣. а̄паттийа̄ адассане уккхиттакачатуттхо каммам̣ кареййа… акаммам̣ на ча каран̣ӣйам̣. а̄паттийа̄ аппат̣икамме уккхиттакачатуттхо каммам̣ кареййа… акаммам̣ на ча каран̣ӣйам̣. па̄пика̄йа дит̣т̣хийа̄ аппат̣иниссагге уккхиттакачатуттхо каммам̣ кареййа… акаммам̣ на ча каран̣ӣйам̣. пан̣д̣акачатуттхо каммам̣ кареййа… акаммам̣ на ча каран̣ӣйам̣. тхеййасам̣ва̄сакачатуттхо каммам̣ кареййа… акаммам̣ на ча каран̣ӣйам̣. титтхийапаккантакачатуттхо каммам̣ кареййа… акаммам̣ на ча каран̣ӣйам̣. тираччха̄нагатачатуттхо каммам̣ кареййа… акаммам̣ на ча каран̣ӣйам̣. ма̄тугха̄такачатуттхо каммам̣ кареййа… акаммам̣ на ча каран̣ӣйам̣. питугха̄такачатуттхо каммам̣ кареййа… акаммам̣ на ча каран̣ӣйам̣. арахантагха̄такачатуттхо каммам̣ кареййа… акаммам̣ на ча каран̣ӣйам̣. бхиккхунидӯсакачатуттхо каммам̣ кареййа… акаммам̣ на ча каран̣ӣйам̣. сан̇гхабхедакачатуттхо каммам̣ кареййа… акаммам̣ на ча каран̣ӣйам̣. лохитуппа̄дакачатуттхо каммам̣ кареййа… акаммам̣ на ча каран̣ӣйам̣. убхатобйан̃джанакачатуттхо каммам̣ кареййа… акаммам̣ на ча каран̣ӣйам̣. на̄на̄сам̣ва̄сакачатуттхо каммам̣ кареййа… акаммам̣ на ча каран̣ӣйам̣. на̄на̄сӣма̄йа т̣хитачатуттхо каммам̣ кареййа… акаммам̣ на ча каран̣ӣйам̣. иддхийа̄ веха̄се т̣хитачатуттхо каммам̣ кареййа… акаммам̣ на ча каран̣ӣйам̣. йасса сан̇гхо каммам̣ кароти, там̣чатуттхо каммам̣ кареййа … акаммам̣ на ча каран̣ӣйам̣.

чатуваран̣ам̣.

390. пан̃чаваггакаран̣ан̃че, бхиккхаве, каммам̣ бхиккхунипан̃чамо каммам̣ кареййа… акаммам̣ на ча каран̣ӣйам̣. пан̃чаваггакаран̣ан̃че, бхиккхаве, каммам̣ сиккхама̄напан̃чамо каммам̣ кареййа…пе…. са̄ман̣ерапан̃чамо каммам̣ кареййа… са̄ман̣ерипан̃чамо каммам̣ кареййа … сиккхам̣ паччаккха̄такапан̃чамо каммам̣ кареййа… антимаваттхум̣ аджджха̄паннакапан̃чамо каммам̣ кареййа… а̄паттийа̄ адассане уккхиттакапан̃чамо каммам̣ кареййа… а̄паттийа̄ аппат̣икамме уккхиттакапан̃чамо каммам̣ кареййа… па̄пика̄йа дит̣т̣хийа̄ аппат̣иниссагге уккхиттакапан̃чамо каммам̣ кареййа… пан̣д̣акапан̃чамо каммам̣ кареййа… тхеййасам̣ва̄сакапан̃чамо каммам̣ кареййа… титтхийапаккантакапан̃чамо каммам̣ кареййа… тираччха̄нагатапан̃чамо каммам̣ кареййа… ма̄тугха̄такапан̃чамо каммам̣ кареййа… питугха̄такапан̃чамо каммам̣ кареййа… арахантагха̄такапан̃чамо каммам̣ кареййа… бхиккхунидӯсакапан̃чамо каммам̣ кареййа… сан̇гхабхедакапан̃чамо каммам̣ кареййа… лохитуппа̄дакапан̃чамо каммам̣ кареййа… убхатобйан̃джанакапан̃чамо каммам̣ кареййа… на̄на̄сам̣ва̄сакапан̃чамо каммам̣ кареййа… на̄на̄сӣма̄йа т̣хитапан̃чамо каммам̣ кареййа… иддхийа̄ веха̄се т̣хитапан̃чамо каммам̣ кареййа… йасса сан̇гхо каммам̣ кароти, там̣пан̃чамо каммам̣ кареййа – акаммам̣ на ча каран̣ӣйам̣.

пан̃чаваггакаран̣ам̣.

391. дасаваггакаран̣ан̃че, бхиккхаве, каммам̣ бхиккхунидасамо каммам̣ кареййа, акаммам̣ на ча каран̣ӣйам̣. дасаваггакаран̣ан̃че, бхиккхаве, каммам̣ сиккхама̄надасамо каммам̣ кареййа, акаммам̣ на ча каран̣ӣйам̣…пе…. дасаваггакаран̣ан̃че, бхиккхаве, каммам̣ йасса сан̇гхо каммам̣ кароти, там̣дасамо каммам̣ кареййа – акаммам̣ на ча каран̣ӣйам̣.

дасаваггакаран̣ам̣.

392. вӣсативаггакаран̣ан̃че, бхиккхаве, каммам̣ бхиккхунивӣсо каммам̣ кареййа – акаммам̣ на ча каран̣ӣйам̣. вӣсативаггакаран̣ан̃че, бхиккхаве, каммам̣ сиккхама̄навӣсо каммам̣ кареййа …пе… са̄ман̣еравӣсо каммам̣ кареййа… са̄ман̣еривӣсо каммам̣ кареййа… сиккхам̣ паччаккха̄такавӣсо каммам̣ кареййа… антимаваттхум̣ аджджха̄паннакавӣсо каммам̣ кареййа… а̄паттийа̄ адассане уккхиттакавӣсо каммам̣ кареййа… а̄паттийа̄ аппат̣икамме уккхиттакавӣсо каммам̣ кареййа… па̄пика̄йа дит̣т̣хийа̄ аппат̣иниссагге уккхиттакавӣсо каммам̣ кареййа… пан̣д̣акавӣсо каммам̣ кареййа… тхеййасам̣ва̄сакавӣсо каммам̣ кареййа… титтхийапаккантакавӣсо каммам̣ кареййа… тираччха̄нагатавӣсо каммам̣ кареййа… ма̄тугха̄такавӣсо каммам̣ кареййа… питугха̄такавӣсо каммам̣ кареййа… арахантагха̄такавӣсо каммам̣ кареййа… бхиккхунидӯсакавӣсо каммам̣ кареййа… сан̇гхабхедакавӣсо каммам̣ кареййа… лохитуппа̄дакавӣсо каммам̣ кареййа… убхатобйан̃джанакавӣсо каммам̣ кареййа… на̄на̄сам̣ва̄сакавӣсо каммам̣ кареййа… на̄на̄сӣма̄йа т̣хитавӣсо каммам̣ кареййа… иддхийа̄ веха̄се т̣хитавӣсо каммам̣ кареййа… йасса сан̇гхо каммам̣ кароти, там̣вӣсо каммам̣ кареййа – акаммам̣ на ча каран̣ӣйам̣.

вӣсативаггакаран̣ам̣.

чатуваггакаран̣а̄дикатха̄ нит̣т̣хита̄.