9. чампеййаккхандхако

234. кассапаготтабхиккхуваттху

380. тена самайена буддхо бхагава̄ чампа̄йам̣ вихарати гаггара̄йа поккхаран̣ийа̄ тӣре. тена кхо пана самайена ка̄сӣсу джанападе ва̄сабхага̄мо на̄ма хоти. таттха кассапаготто на̄ма бхиккху а̄ва̄сико хоти тантибаддхо уссуккам̣ а̄панно – кинти ана̄гата̄ ча песала̄ бхиккхӯ а̄гаччхеййум̣, а̄гата̄ ча песала̄ бхиккхӯ пха̄су вихареййум̣, айан̃ча а̄ва̄со вуддхим̣ вирул̣хим̣ вепуллам̣ а̄паджджеййа̄ти. тена кхо пана самайена самбахула̄ бхиккхӯ ка̄сӣсу ча̄рикам̣ чарама̄на̄ йена ва̄сабхага̄мо тадавасарум̣. аддаса̄ кхо кассапаготто бхиккху те бхиккхӯ дӯратова а̄гаччханте, дисва̄на а̄санам̣ пан̃н̃апеси, па̄додакам̣ па̄дапӣт̣хам̣ па̄дакатхаликам̣ упаниккхипи, паччуггантва̄ паттачӣварам̣ пат̣иггахеси, па̄нӣйена а̄пуччхи, наха̄не уссуккам̣ ака̄си, уссуккампи ака̄си йа̄гуйа̄ кха̄данӣйе бхаттасмим̣. атха кхо тесам̣ а̄гантука̄нам̣ бхиккхӯнам̣ етадахоси – ‘‘бхаддако кхо айам̣, а̄вусо, а̄ва̄сико бхиккху наха̄не уссуккам̣ кароти, уссуккампи кароти йа̄гуйа̄ кха̄данӣйе бхаттасмим̣. ханда, майам̣, а̄вусо, идхева ва̄сабхага̄ме нива̄сам̣ каппема̄’’ти. атха кхо те а̄гантука̄ бхиккхӯ таттхева ва̄сабхага̄ме нива̄сам̣ каппесум̣.

атха кхо кассапаготтасса бхиккхуно етадахоси – ‘‘йо кхо имесам̣ а̄гантука̄нам̣ бхиккхӯнам̣ а̄гантукакиламатхо со пат̣иппассаддхо. йепиме гочаре аппакатан̃н̃уно теда̄ниме гочаре пакатан̃н̃уно. дуккарам̣ кхо пана паракулесу йа̄ваджӣвам̣ уссуккам̣ ка̄тум̣, вин̃н̃атти ча манусса̄нам̣ амана̄па̄. йам̣нӯна̄хам̣ на уссуккам̣ кареййам̣ йа̄гуйа̄ кха̄данӣйе бхаттасми’’нти. со на уссуккам̣ ака̄си йа̄гуйа̄ кха̄данӣйе бхаттасмим̣. атха кхо тесам̣ а̄гантука̄нам̣ бхиккхӯнам̣ етадахоси – ‘‘пуббе кхва̄йам̣, а̄вусо, а̄ва̄сико бхиккху наха̄не уссуккам̣ ака̄си, уссуккампи ака̄си йа̄гуйа̄ кха̄данӣйе бхаттасмим̣. сода̄на̄йам̣ на уссуккам̣ кароти йа̄гуйа̄ кха̄данӣйе бхаттасмим̣. дут̣т̣хода̄на̄йам̣, а̄вусо, а̄ва̄сико бхиккху. ханда, майам̣, а̄вусо, а̄ва̄сикам̣ [имам̣ а̄ва̄сикам̣ (сйа̄.)] бхиккхум̣ уккхипа̄ма̄’’ти. атха кхо те а̄гантука̄ бхиккхӯ саннипатитва̄ кассапаготтам̣ бхиккхум̣ етадавочум̣ – ‘‘пуббе кхо твам̣, а̄вусо, наха̄не уссуккам̣ кароси, уссуккампи кароси йа̄гуйа̄ кха̄данӣйе бхаттасмим̣. сода̄ни твам̣ на уссуккам̣ кароси йа̄гуйа̄ кха̄данӣйе бхаттасмим̣. а̄паттим̣ твам̣, а̄вусо, а̄панно. пассасетам̣ а̄патти’’нти? ‘‘наттхи ме, а̄вусо, а̄патти, йамахам̣ пассеййа’’нти. атха кхо те а̄гантука̄ бхиккхӯ кассапаготтам̣ бхиккхум̣ а̄паттийа̄ адассане уккхипим̣су.

атха кхо кассапаготтасса бхиккхуно етадахоси – ‘‘ахам̣ кхо етам̣ на джа̄на̄ми ‘а̄патти ва̄ еса̄ ана̄патти ва̄, а̄панно чамхи [вамхи (?)] ана̄панно ва̄, уккхитто чамхи ануккхитто ва̄, дхаммикена ва̄ адхаммикена ва̄, куппена ва̄ акуппена ва̄, т̣ха̄на̄рахена ва̄ ат̣т̣ха̄на̄рахена ва̄’. йам̣нӯна̄хам̣ чампам̣ гантва̄ бхагавантам̣ етаматтхам̣ пуччхеййа’’нти. атха кхо кассапаготто бхиккху сена̄санам̣ сам̣са̄метва̄ паттачӣварама̄да̄йа йена чампа̄ тена пакка̄ми. анупуббена йена чампа̄ йена бхагава̄ тенупасан̇ками, упасан̇камитва̄ бхагавантам̣ абхива̄детва̄ екамантам̣ нисӣди. а̄чин̣н̣ам̣ кхо панетам̣ буддха̄нам̣ бхагаванта̄нам̣ а̄гантукехи бхиккхӯхи саддхим̣ пат̣исаммодитум̣. атха кхо бхагава̄ кассапаготтам̣ бхиккхум̣ етадавоча – ‘‘каччи, бхиккху, кхаманӣйам̣, каччи йа̄панӣйам̣, каччи аппакиламатхена аддха̄нам̣ а̄гато, куто ча твам̣, бхиккху, а̄гаччхасӣ’’ти? ‘‘кхаманӣйам̣, бхагава̄; йа̄панӣйам̣, бхагава̄; аппакиламатхена ча̄хам̣, бханте, аддха̄нам̣ а̄гато. аттхи, бханте, ка̄сӣсу джанападе ва̄сабхага̄мо на̄ма. таттха̄хам̣, бхагава̄, а̄ва̄сико тантибаддхо уссуккам̣ а̄панно – ‘кинти ана̄гата̄ ча песала̄ бхиккхӯ а̄гаччхеййум̣, а̄гата̄ ча песала̄ бхиккхӯ пха̄су вихареййум̣, айан̃ча а̄ва̄со вуддхим̣ вирул̣хим̣ вепуллам̣ а̄паджджеййа̄’ти. атха кхо, бханте, самбахула̄ бхиккхӯ ка̄сӣсу ча̄рикам̣ чарама̄на̄ йена ва̄сабхага̄мо тадавасарум̣. аддасам̣ кхо ахам̣, бханте, те бхиккхӯ дӯратова а̄гаччханте, дисва̄на а̄санам̣ пан̃н̃апесим̣, па̄додакам̣ па̄дапӣт̣хам̣ па̄дакатхаликам̣ упаниккхипим̣, паччуггантва̄ паттачӣварам̣ пат̣иггахесим̣, па̄нӣйена апуччхим̣, наха̄не уссуккам̣ ака̄сим̣, уссуккампи ака̄сим̣ йа̄гуйа̄ кха̄данӣйе бхаттасмим̣. атха кхо тесам̣, бханте, а̄гантука̄нам̣ бхиккхӯнам̣ етадахоси – ‘бхаддако кхо айам̣ а̄вусо а̄ва̄сико бхиккху наха̄не уссуккам̣ кароти, уссуккампи кароти йа̄гуйа̄ кха̄данӣйе бхаттасмим̣. ханда, майам̣, а̄вусо, идхева ва̄сабхага̄ме нива̄сам̣ каппема̄’ти. атха кхо те, бханте, а̄гантука̄ бхиккхӯ таттхева ва̄сабхага̄ме нива̄сам̣ каппесум̣. тасса майхам̣, бханте, етадахоси – ‘йо кхо имесам̣ а̄гантука̄нам̣ бхиккхӯнам̣ а̄гантукакиламатхо со пат̣иппассаддхо. йепиме гочаре аппакатан̃н̃уно теда̄ниме гочаре пакатан̃н̃уно. дуккарам̣ кхо пана паракулесу йа̄ваджӣвам̣ уссуккам̣ ка̄тум̣, вин̃н̃атти ча манусса̄нам̣ амана̄па̄. йам̣нӯна̄хам̣ на уссуккам̣ кареййам̣ йа̄гуйа̄ кха̄данӣйе бхаттасми’нти. со кхо ахам̣, бханте, на уссуккам̣ ака̄сим̣ йа̄гуйа̄ кха̄данӣйе бхаттасмим̣. атха кхо тесам̣, бханте, а̄гантука̄нам̣ бхиккхӯнам̣ етадахоси – ‘пуббе кхва̄йам̣, а̄вусо, а̄ва̄сико бхиккху наха̄не уссуккам̣ кароти, уссуккампи кароти йа̄гуйа̄ кха̄данӣйе бхаттасмим̣. сода̄на̄йам̣ на уссуккам̣ кароти йа̄гуйа̄ кха̄данӣйе бхаттасмим̣. дут̣т̣хода̄на̄йам̣, а̄вусо, а̄ва̄сико бхиккху. ханда, майам̣, а̄вусо, а̄ва̄сикам̣ бхиккхум̣ уккхипа̄ма̄’ти. атха кхо те, бханте, а̄гантука̄ бхиккхӯ саннипатитва̄ мам̣ етадавочум̣ – ‘пуббе кхо твам̣, а̄вусо, наха̄не уссуккам̣ кароси, уссуккампи кароси йа̄гуйа̄ кха̄данӣйе бхаттасмим̣. сода̄ни твам̣ на уссуккам̣ кароси йа̄гуйа̄ кха̄данӣйе бхаттасмим̣. а̄паттим̣ твам̣, а̄вусо, а̄панно. пассасетам̣ а̄патти’нти? ‘наттхи ме, а̄вусо, а̄патти йамахам̣ пассеййа’нти. атха кхо те, бханте, а̄гантука̄ бхиккхӯ мам̣ а̄паттийа̄ адассане уккхипим̣су. тасса майхам̣, бханте, етадахоси – ‘ахам̣ кхо етам̣ на джа̄на̄ми ‘а̄патти ва̄ еса̄ ана̄патти ва̄, а̄панно чамхи ана̄панно ва̄, уккхитто чамхи ануккхитто ва̄, дхаммикена ва̄ адхаммикена ва̄, куппена ва̄ акуппена ва̄, т̣ха̄на̄рахена ва̄ ат̣т̣ха̄на̄рахена ва̄’. йам̣нӯна̄хам̣ чампам̣ гантва̄ бхагавантам̣ етаматтхам̣ пуччхеййа’нти. тато ахам̣, бхагава̄, а̄гаччха̄мӣ’’ти. ‘‘ана̄патти еса̄, бхиккху, неса̄ а̄патти. ана̄панноси, наси а̄панно. ануккхиттоси, наси уккхитто. адхаммикена̄си каммена уккхитто куппена ат̣т̣ха̄на̄рахена. гаччха твам̣, бхиккху, таттхева ва̄сабхага̄ме нива̄сам̣ каппехӣ’’ти. ‘‘евам̣, бханте’’ти кхо кассапаготто бхиккху бхагавато пат̣иссун̣итва̄ ут̣т̣ха̄йа̄сана̄ бхагавантам̣ абхива̄детва̄ падаккхин̣ам̣ катва̄ йена ва̄сабхага̄мо тена пакка̄ми.

381. атха кхо тесам̣ а̄гантука̄нам̣ бхиккхӯнам̣ ахудева куккуччам̣, аху виппат̣иса̄ро – ‘‘ала̄бха̄ вата но, на вата но ла̄бха̄, дулладдхам̣ вата но, на вата но суладдхам̣, йе майам̣ суддхам̣ бхиккхум̣ ана̄паттикам̣ аваттхусмим̣ ака̄ран̣е уккхипимха̄. ханда, майам̣, а̄вусо, чампам̣ гантва̄ бхагавато сантике аччайам̣ аччайато десема̄’’ти. атха кхо те а̄гантука̄ бхиккхӯ сена̄санам̣ сам̣са̄метва̄ паттачӣварама̄да̄йа йена чампа̄ тена паккамим̣су. анупуббена йена чампа̄ йена бхагава̄ тенупасан̇камим̣су, упасан̇камитва̄ бхагавантам̣ абхива̄детва̄ екамантам̣ нисӣдим̣су. а̄чин̣н̣ам̣ кхо панетам̣ буддха̄нам̣ бхагаванта̄нам̣ а̄гантукехи бхиккхӯхи саддхим̣ пат̣исаммодитум̣. атха кхо бхагава̄ те бхиккхӯ етадавоча – ‘‘каччи, бхиккхаве, кхаманӣйам̣, каччи йа̄панӣйам̣, каччиттха аппакиламатхена аддха̄нам̣ а̄гата̄, куто ча тумхе, бхиккхаве, а̄гаччхатха̄’’ти? ‘‘кхаманӣйам̣, бхагава̄; йа̄панӣйам̣, бхагава̄; аппакиламатхена ча майам̣, бханте, аддха̄нам̣ а̄гата̄. аттхи, бханте, ка̄сӣсу джанападе ва̄сабхага̄мо на̄ма. тато майам̣, бхагава̄, а̄гаччха̄ма̄’’ти. ‘‘тумхе, бхиккхаве, а̄ва̄сикам̣ бхиккхум̣ уккхипиттха̄’’ти? ‘‘евам̣, бханте’’ти. ‘‘кисмим̣, бхиккхаве, ваттхусмим̣ ка̄ран̣е’’ти? ‘‘аваттхусмим̣, бхагава̄, ака̄ран̣е’’ти. вигарахи буддхо бхагава̄ – ‘‘анануччхавикам̣, могхапуриса̄, анануломикам̣ аппатирӯпам̣ асса̄ман̣акам̣ акаппийам̣ акаран̣ӣйам̣. катхан̃хи на̄ма тумхе, могхапуриса̄, суддхам̣ бхиккхум̣ ана̄паттикам̣ аваттхусмим̣ ака̄ран̣е уккхиписсатха. нетам̣, могхапуриса̄, аппасанна̄нам̣ ва̄ паса̄да̄йа…пе…’’ вигарахитва̄ дхаммим̣ катхам̣ катва̄ бхиккхӯ а̄мантеси – ‘‘на, бхиккхаве, суддхо бхиккху ана̄паттико аваттхусмим̣ ака̄ран̣е уккхипитаббо. йо уккхипеййа, а̄патти дуккат̣асса̄’’ти.

атха кхо те бхиккхӯ ут̣т̣ха̄йа̄сана̄ екам̣сам̣ уттара̄сан̇гам̣ каритва̄ бхагавато па̄десу сираса̄ нипатитва̄ бхагавантам̣ етадавочум̣ – ‘‘аччайо но, бханте, аччагама̄ йатха̄ба̄ле йатха̄мӯл̣хе йатха̄акусале, йе майам̣ суддхам̣ бхиккхум̣ ана̄паттикам̣ аваттхусмим̣ ака̄ран̣е уккхипимха̄. тесам̣ но, бханте, бхагава̄ аччайам̣ аччайато пат̣игган̣ха̄ту а̄йатим̣ сам̣вара̄йа̄’’ти. ‘‘таггха, тумхе, бхиккхаве, аччайо аччагама̄ йатха̄ба̄ле йатха̄мӯл̣хе йатха̄акусале, йе тумхе суддхам̣ бхиккхум̣ ана̄паттикам̣ аваттхусмим̣ ака̄ран̣е уккхипиттха. йато ча кхо тумхе, бхиккхаве, аччайам̣ аччайато дисва̄ йатха̄дхаммам̣ пат̣икаротха, там̣ во майам̣ пат̣игган̣ха̄ма. вуддхихеса̄, бхиккхаве, арийасса винайе йо аччайам̣ аччайато дисва̄ йатха̄дхаммам̣ пат̣икароти, а̄йатим̣ [а̄йатим̣ ча (сӣ.)] сам̣варам̣ а̄паджджатӣ’’ти.

кассапаготтабхиккхуваттху нит̣т̣хитам̣.

235. адхаммена вагга̄дикаммакатха̄

382. тена кхо пана самайена чампа̄йам̣ бхиккхӯ еварӯпа̄ни камма̄ни каронти – адхаммена ваггакаммам̣ каронти, адхаммена самаггакаммам̣ каронти; дхаммена ваггакаммам̣ каронти, дхаммапатирӯпакена ваггакаммам̣ каронти; дхаммапатирӯпакена самаггакаммам̣ каронти; екопи екам̣ уккхипати, екопи две уккхипати, екопи самбахуле уккхипати, екопи сан̇гхам̣ уккхипати; двепи екам̣ уккхипанти, двепи две уккхипанти, двепи самбахуле уккхипанти, двепи сан̇гхам̣ уккхипанти; самбахула̄пи екам̣ уккхипанти; самбахула̄пи две уккхипанти, самбахула̄пи самбахуле уккхипанти, самбахула̄пи сан̇гхам̣ уккхипанти; сан̇гхопи сан̇гхам̣ уккхипати. йе те бхиккхӯ аппиччха̄…пе… те уджджха̄йанти кхиййанти випа̄ченти – ‘‘катхан̃хи на̄ма чампа̄йам̣ бхиккхӯ еварӯпа̄ни камма̄ни кариссанти – адхаммена ваггакаммам̣ кариссанти, адхаммена самаггакаммам̣ кариссанти, дхаммена ваггакаммам̣ кариссанти, дхаммапатирӯпакена ваггакаммам̣ кариссанти, дхаммапатирӯпакена самаггакаммам̣ кариссанти, екопи екам̣ уккхиписсати, екопи две уккхиписсати, екопи самбахуле уккхиписсати, екопи сан̇гхам̣ уккхиписсати, двепи екам̣ уккхиписсанти, двепи две уккхиписсанти, двепи самбахуле уккхиписсанти, двепи сан̇гхам̣ уккхиписсанти, самбахула̄пи екам̣ уккхиписсанти, самбахула̄пи две уккхиписсанти, самбахула̄пи самбахуле уккхиписсанти, самбахула̄пи сан̇гхам̣ уккхиписсанти, сан̇гхопи сан̇гхам̣ уккхиписсатӣ’’ти. атха кхо те бхиккхӯ бхагавато етаматтхам̣ а̄рочесум̣…пе… ‘‘саччам̣ кира, бхиккхаве, чампа̄йам̣ бхиккхӯ еварӯпа̄ни камма̄ни каронти – адхаммена ваггакаммам̣ каронти…пе… сан̇гхопи сан̇гхам̣ уккхипатӣ’’ти? ‘‘саччам̣, бхагава̄’’ти. вигарахи буддхо бхагава̄ – ‘‘анануччхавикам̣, бхиккхаве, тесам̣ могхапуриса̄нам̣ анануломикам̣ аппатирӯпам̣ асса̄ман̣акам̣ акаппийам̣ акаран̣ӣйам̣. катхан̃хи на̄ма те, бхиккхаве, могхапуриса̄ еварӯпа̄ни камма̄ни кариссанти – адхаммена ваггакаммам̣ кариссанти…пе… сан̇гхопи сан̇гхам̣ уккхиписсати. нетам̣, бхиккхаве, аппасанна̄нам̣ ва̄ паса̄да̄йа…пе… вигарахитва̄…пе… дхаммим̣ катхам̣ катва̄ бхиккхӯ а̄мантеси –

383. ‘‘адхаммена че, бхиккхаве, ваггакаммам̣ акаммам̣ на ча каран̣ӣйам̣, адхаммена [адхаммена че бхиккхаве (сйа̄.)] самаггакаммам̣ акаммам̣ на ча каран̣ӣйам̣, дхаммена ваггакаммам̣ акаммам̣ на ча каран̣ӣйам̣; дхаммапатирӯпакена ваггакаммам̣ акаммам̣ на ча каран̣ӣйам̣, дхаммапатирӯпакена самаггакаммам̣ акаммам̣ на ча каран̣ӣйам̣; екопи екам̣ уккхипати акаммам̣ на ча каран̣ӣйам̣, екопи две уккхипати акаммам̣ на ча каран̣ӣйам̣, екопи самбахуле уккхипати акаммам̣ на ча каран̣ӣйам̣, екопи сан̇гхам̣ уккхипати акаммам̣ на ча каран̣ӣйам̣; двепи екам̣ уккхипанти акаммам̣ на ча каран̣ӣйам̣, двепи две уккхипанти акаммам̣ на ча каран̣ӣйам̣, двепи самбахуле уккхипанти акаммам̣ на ча каран̣ӣйам̣, двепи сан̇гхам̣ уккхипанти акаммам̣ на ча каран̣ӣйам̣; самбахула̄пи екам̣ уккхипанти акаммам̣ на ча каран̣ӣйам̣, самбахула̄пи две уккхипанти акаммам̣ на ча каран̣ӣйам̣, самбахула̄пи самбахуле уккхипанти акаммам̣ на ча каран̣ӣйам̣, самбахула̄пи сан̇гхам̣ уккхипанти акаммам̣ на ча каран̣ӣйам̣; сан̇гхопи сан̇гхам̣ уккхипати акаммам̣ на ча каран̣ӣйам̣.

384. ‘‘чатта̄рима̄ни, бхиккхаве, камма̄ни – адхаммена ваггакаммам̣, адхаммена самаггакаммам̣, дхаммена ваггакаммам̣, дхаммена самаггакаммам̣. татра, бхиккхаве, йадидам̣ адхаммена ваггакаммам̣, идам̣, бхиккхаве, каммам̣ адхамматта̄ ваггатта̄ куппам̣ ат̣т̣ха̄на̄рахам̣; на, бхиккхаве, еварӯпам̣ каммам̣ ка̄таббам̣, на ча майа̄ еварӯпам̣ каммам̣ анун̃н̃а̄там̣. татра, бхиккхаве, йадидам̣ адхаммена самаггакаммам̣, идам̣, бхиккхаве, каммам̣ адхамматта̄ куппам̣ ат̣т̣ха̄на̄рахам̣; на, бхиккхаве, еварӯпам̣ каммам̣ ка̄таббам̣, на ча майа̄ еварӯпам̣ каммам̣ анун̃н̃а̄там̣. татра, бхиккхаве, йадидам̣ дхаммена ваггакаммам̣, идам̣, бхиккхаве, каммам̣ ваггатта̄ куппам̣ ат̣т̣ха̄на̄рахам̣; на, бхиккхаве, еварӯпам̣ каммам̣ ка̄таббам̣, на ча майа̄ еварӯпам̣ каммам̣ анун̃н̃а̄там̣. татра, бхиккхаве, йадидам̣ дхаммена самаггакаммам̣, идам̣, бхиккхаве, каммам̣ дхамматта̄ самаггатта̄ акуппам̣ т̣ха̄на̄рахам̣; еварӯпам̣, бхиккхаве, каммам̣ ка̄таббам̣, еварӯпан̃ча майа̄ каммам̣ анун̃н̃а̄там̣. тасма̄тиха, бхиккхаве, еварӯпам̣ каммам̣ карисса̄ма йадидам̣ дхаммена самагганти – еван̃хи во, бхиккхаве, сиккхитабба’’нти.

адхаммена вагга̄дикаммакатха̄ нит̣т̣хита̄.

236. н̃аттивипаннакамма̄дикатха̄

385. тена кхо пана самайена чхаббаггийа̄ бхиккхӯ еварӯпа̄ни камма̄ни каронти – адхаммена ваггакаммам̣ каронти, адхаммена самаггакаммам̣ каронти; дхаммена ваггакаммам̣ каронти, дхаммапатирӯпакена ваггакаммам̣ каронти, дхаммапатирӯпакена самаггакаммам̣ каронти; н̃аттивипаннампи каммам̣ каронти анусса̄ванасампаннам̣, анусса̄ванавипаннампи каммам̣ каронти н̃аттисампаннам̣, н̃аттивипаннампи анусса̄ванавипаннампи каммам̣ каронти; ан̃н̃атра̄пи дхамма̄ каммам̣ каронти, ан̃н̃атра̄пи винайа̄ каммам̣ каронти, ан̃н̃атра̄пи саттхуса̄сана̄ каммам̣ каронти; пат̣икут̣т̣хакатампи каммам̣ каронти адхаммикам̣ куппам̣ ат̣т̣ха̄на̄рахам̣. йе те бхиккхӯ аппиччха̄…пе… те уджджха̄йанти кхиййанти випа̄ченти – ‘‘катхан̃хи на̄ма чхаббаггийа̄ бхиккхӯ еварӯпа̄ни камма̄ни кариссанти – адхаммена ваггакаммам̣ кариссанти, адхаммена самаггакаммам̣ кариссанти; дхаммена ваггакаммам̣ кариссанти, дхаммапатирӯпакена ваггакаммам̣ кариссанти, дхаммапатирӯпакена самаггакаммам̣ кариссанти; н̃аттивипаннампи каммам̣ кариссанти анусса̄ванасампаннам̣, анусса̄ванавипаннампи каммам̣ кариссанти н̃аттисампаннам̣, н̃аттивипаннампи анусса̄ванавипаннампи каммам̣ кариссанти; ан̃н̃атра̄пи дхамма̄ каммам̣ кариссанти, ан̃н̃атра̄пи винайа̄ каммам̣ кариссанти, ан̃н̃атра̄пи саттхуса̄сана̄ каммам̣ кариссанти; пат̣икут̣т̣хакатампи каммам̣ кариссанти адхаммикам̣ куппам̣ ат̣т̣ха̄на̄раха’’нти. атха кхо те бхиккхӯ бхагавато етаматтхам̣ а̄рочесум̣…пе… ‘‘саччам̣ кира, бхиккхаве, чхаббаггийа̄ бхиккхӯ еварӯпа̄ни камма̄ни каронти – адхаммена ваггакаммам̣ каронти…пе… пат̣икут̣т̣хакатампи каммам̣ каронти адхаммикам̣ куппам̣ ат̣т̣ха̄на̄раха’’нти? ‘‘саччам̣, бхагава̄’’ти. вигарахи буддхо бхагава̄…пе… вигарахитва̄ дхаммим̣ катхам̣ катва̄ бхиккхӯ а̄мантеси –

386. ‘‘адхаммена че, бхиккхаве, ваггакаммам̣ акаммам̣ на ча каран̣ӣйам̣; адхаммена самаггакаммам̣ акаммам̣ на ча каран̣ӣйам̣; дхаммена ваггакаммам̣ акаммам̣ на ча каран̣ӣйам̣; дхаммапатирӯпакена ваггакаммам̣ акаммам̣ на ча каран̣ӣйам̣; дхаммапатирӯпакена самаггакаммам̣ акаммам̣ на ча каран̣ӣйам̣. н̃аттивипаннан̃че, бхиккхаве, каммам̣ анусса̄ванасампаннам̣ акаммам̣ на ча каран̣ӣйам̣; анусса̄ванавипаннан̃че, бхиккхаве, каммам̣ н̃аттисампаннам̣ акаммам̣ на ча каран̣ӣйам̣; н̃аттивипаннан̃че, бхиккхаве, каммам̣ анусса̄ванавипаннам̣ акаммам̣ на ча каран̣ӣйам̣; ан̃н̃атра̄пи дхамма̄ каммам̣ акаммам̣ на ча каран̣ӣйам̣; ан̃н̃атра̄пи винайа̄ каммам̣ акаммам̣ на ча каран̣ӣйам̣; ан̃н̃атра̄пи саттхуса̄сана̄ каммам̣ акаммам̣ на ча каран̣ӣйам̣; пат̣икут̣т̣хакатан̃че, бхиккхаве, каммам̣ адхаммикам̣ куппам̣ ат̣т̣ха̄на̄рахам̣ акаммам̣ на ча каран̣ӣйам̣.

387. чхайима̄ни, бхиккхаве, камма̄ни – адхаммакаммам̣, ваггакаммам̣, самаггакаммам̣, дхаммапатирӯпакена ваггакаммам̣, дхаммапатирӯпакена самаггакаммам̣, дхаммена самаггакаммам̣.

катаман̃ча, бхиккхаве, адхаммакаммам̣? н̃аттидутийе че, бхиккхаве, камме ека̄йа н̃аттийа̄ каммам̣ кароти, на ча каммава̄чам̣ анусса̄вети – адхаммакаммам̣. н̃аттидутийе че, бхиккхаве, камме двӣхи н̃аттӣхи каммам̣ кароти, на ча каммава̄чам̣ анусса̄вети – адхаммакаммам̣. н̃аттидутийе че, бхиккхаве, камме ека̄йа каммава̄ча̄йа каммам̣ кароти, на ча н̃аттим̣ т̣хапети – адхаммакаммам̣. н̃аттидутийе че, бхиккхаве, камме двӣхи каммава̄ча̄хи каммам̣ кароти, на ча н̃аттим̣ т̣хапети – адхаммакаммам̣. н̃аттичатуттхе че, бхиккхаве, камме ека̄йа н̃аттийа̄ каммам̣ кароти, на ча каммава̄чам̣ анусса̄вети – адхаммакаммам̣. н̃аттичатуттхе че, бхиккхаве, камме двӣхи н̃аттӣхи каммам̣ кароти, на ча каммава̄чам̣ анусса̄вети – адхаммакаммам̣. н̃аттичатуттхе че, бхиккхаве, камме тӣхи н̃аттӣхи каммам̣ кароти, на ча каммава̄чам̣ анусса̄вети – адхаммакаммам̣. н̃аттичатуттхе че, бхиккхаве, камме чатӯхи н̃аттӣхи каммам̣ кароти, на ча каммава̄чам̣ анусса̄вети – адхаммакаммам̣. н̃аттичатуттхе че, бхиккхаве, камме ека̄йа каммава̄ча̄йа каммам̣ кароти, на ча н̃аттим̣ т̣хапети – адхаммакаммам̣. н̃аттичатуттхе че, бхиккхаве, камме двӣхи каммава̄ча̄хи каммам̣ кароти, на ча н̃аттим̣ т̣хапети – адхаммакаммам̣. н̃аттичатуттхе че, бхиккхаве, камме тӣхи каммава̄ча̄хи каммам̣ кароти, на ча н̃аттим̣ т̣хапети – адхаммакаммам̣. н̃аттичатуттхе че, бхиккхаве, камме чатӯхи каммава̄ча̄хи каммам̣ кароти, на ча н̃аттим̣ т̣хапети – адхаммакаммам̣. идам̣ вуччати, бхиккхаве, адхаммакаммам̣.

катаман̃ча, бхиккхаве, ваггакаммам̣? н̃аттидутийе че, бхиккхаве, камме йа̄ватика̄ бхиккхӯ каммаппатта̄ те ана̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти – ваггакаммам̣. н̃аттидутийе че, бхиккхаве, камме йа̄ватика̄ бхиккхӯ каммаппатта̄ те а̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти – ваггакаммам̣. н̃аттидутийе че, бхиккхаве, камме йа̄ватика̄ бхиккхӯ каммаппатта̄ те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ пат̣иккосанти – ваггакаммам̣. н̃аттичатуттхе че, бхиккхаве, камме йа̄ватика̄ бхиккхӯ каммаппатта̄ те ана̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти – ваггакаммам̣. н̃аттичатуттхе че, бхиккхаве, камме йа̄ватика̄ бхиккхӯ каммаппатта̄ те а̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти – ваггакаммам̣. н̃аттичатуттхе че, бхиккхаве, камме йа̄ватика̄ бхиккхӯ каммаппатта̄ те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ пат̣иккосанти – ваггакаммам̣. идам̣ вуччати, бхиккхаве, ваггакаммам̣.

катаман̃ча, бхиккхаве, самаггакаммам̣? н̃аттидутийе че, бхиккхаве, камме йа̄ватика̄ бхиккхӯ каммаппатта̄, те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ на пат̣иккосанти – самаггакаммам̣. н̃аттичатуттхе че, бхиккхаве, камме йа̄ватика̄ бхиккхӯ каммаппатта̄, те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ на пат̣иккосанти – самаггакаммам̣. идам̣ вуччати, бхиккхаве, самаггакаммам̣.

катаман̃ча, бхиккхаве, дхаммапатирӯпакена ваггакаммам̣? н̃аттидутийе че, бхиккхаве, камме пат̣хамам̣ каммава̄чам̣ анусса̄вети, паччха̄ н̃аттим̣ т̣хапети, йа̄ватика̄ бхиккхӯ каммаппатта̄ те ана̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти – дхаммапатирӯпакена ваггакаммам̣. н̃аттидутийе че, бхиккхаве, камме пат̣хамам̣ каммава̄чам̣ анусса̄вети, паччха̄ н̃аттим̣ т̣хапети, йа̄ватика̄ бхиккхӯ каммаппатта̄ те а̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти – дхаммапатирӯпакена ваггакаммам̣. н̃аттидутийе че, бхиккхаве, камме пат̣хамам̣ каммава̄чам̣ анусса̄вети, паччха̄ н̃аттим̣ т̣хапети, йа̄ватика̄ бхиккхӯ каммаппатта̄ те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ пат̣иккосанти – дхаммапатирӯпакена ваггакаммам̣. н̃аттичатуттхе че, бхиккхаве, камме пат̣хамам̣ каммава̄чам̣ анусса̄вети, паччха̄ н̃аттим̣ т̣хапети, йа̄ватика̄ бхиккхӯ каммаппатта̄ те ана̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти – дхаммапатирӯпакена ваггакаммам̣. н̃аттичатуттхе че, бхиккхаве, камме пат̣хамам̣ каммава̄чам̣ анусса̄вети, паччха̄ н̃аттим̣ т̣хапети, йа̄ватика̄ бхиккхӯ каммаппатта̄ те а̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти – дхаммапатирӯпакена ваггакаммам̣. н̃аттичатуттхе че, бхиккхаве, камме пат̣хамам̣ каммава̄чам̣ анусса̄вети, паччха̄ н̃аттим̣ т̣хапети, йа̄ватика̄ бхиккхӯ каммаппатта̄ те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ пат̣иккосанти – дхаммапатирӯпакена ваггакаммам̣. идам̣ вуччати, бхиккхаве, дхаммапатирӯпакена ваггакаммам̣.

катаман̃ча, бхиккхаве, дхаммапатирӯпакена самаггакаммам̣? н̃аттидутийе че, бхиккхаве, камме пат̣хамам̣ каммава̄чам̣ анусса̄вети, паччха̄ н̃аттим̣ т̣хапети, йа̄ватика̄ бхиккхӯ каммаппатта̄, те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ на пат̣иккосанти – дхаммапатирӯпакена самаггакаммам̣. н̃аттичатуттхе че, бхиккхаве, камме пат̣хамам̣ каммава̄чам̣ анусса̄вети, паччха̄ н̃аттим̣ т̣хапети, йа̄ватика̄ бхиккхӯ каммаппатта̄ те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ на пат̣иккосанти – дхаммапатирӯпакена самаггакаммам̣. идам̣ вуччати, бхиккхаве, дхаммапатирӯпакена самаггакаммам̣.

катаман̃ча, бхиккхаве, дхаммена самаггакаммам̣? н̃аттидутийе че, бхиккхаве, камме пат̣хамам̣ н̃аттим̣ т̣хапети, паччха̄ ека̄йа каммава̄ча̄йа каммам̣ кароти, йа̄ватика̄ бхиккхӯ каммаппатта̄ те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ на пат̣иккосанти – дхаммена самаггакаммам̣. н̃аттичатуттхе че, бхиккхаве, камме пат̣хамам̣ н̃аттим̣ т̣хапети, паччха̄ тӣхи каммава̄ча̄хи каммам̣ кароти, йа̄ватика̄ бхиккхӯ каммаппатта̄, те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ на пат̣иккосанти, дхаммена самаггакаммам̣. идам̣ вуччати, бхиккхаве, дхаммена самаггакаммам̣.

н̃аттивипаннакамма̄дикатха̄ нит̣т̣хита̄.

237. чатуваггакаран̣а̄дикатха̄

388. пан̃ча сан̇гха̄ – чатувагго бхиккхусан̇гхо пан̃чавагго бхиккхусан̇гхо, дасавагго бхиккхусан̇гхо, вӣсативагго бхиккхусан̇гхо, атирекавӣсативагго бхиккхусан̇гхо. татра, бхиккхаве, йва̄йам̣ чатувагго бхиккхусан̇гхо, т̣хапетва̄ тӣн̣и камма̄ни – упасампадам̣ пава̄ран̣ам̣ аббха̄нам̣, дхаммена самагго саббакаммесу каммаппатто. татра, бхиккхаве, йва̄йам̣ пан̃чавагго бхиккхусан̇гхо, т̣хапетва̄ две камма̄ни – маджджхимесу джанападесу упасампадам̣ аббха̄нам̣, дхаммена самагго саббакаммесу каммаппатто. татра, бхиккхаве, йва̄йам̣ дасавагго бхиккхусан̇гхо, т̣хапетва̄ екам̣ каммам̣ – аббха̄нам̣, дхаммена самагго саббакаммесу каммаппатто. татра, бхиккхаве, йва̄йам̣ вӣсативагго бхиккхусан̇гхо дхаммена самагго саббакаммесу каммаппатто. татра, бхиккхаве, йва̄йам̣ атирекавӣсативагго бхиккхусан̇гхо дхаммена самагго саббакаммесу каммаппатто.

389. чатуваггакаран̣ан̃че, бхиккхаве, каммам̣ бхиккхуничатуттхо каммам̣ кареййа – акаммам̣ на ча каран̣ӣйам̣. чатуваггакаран̣ан̃че, бхиккхаве, каммам̣ сиккхама̄начатуттхо каммам̣ кареййа… акаммам̣ на ча каран̣ӣйам̣…пе…. са̄ман̣ерачатуттхо каммам̣ кареййа… акаммам̣ на ча каран̣ӣйам̣. са̄ман̣еричатуттхо каммам̣ кареййа… акаммам̣ на ча каран̣ӣйам̣. сиккхам̣ паччаккха̄такачатуттхо каммам̣ кареййа… акаммам̣ на ча каран̣ӣйам̣. антимаваттхум̣ аджджха̄паннакачатуттхо каммам̣ кареййа… акаммам̣ на ча каран̣ӣйам̣. а̄паттийа̄ адассане уккхиттакачатуттхо каммам̣ кареййа… акаммам̣ на ча каран̣ӣйам̣. а̄паттийа̄ аппат̣икамме уккхиттакачатуттхо каммам̣ кареййа… акаммам̣ на ча каран̣ӣйам̣. па̄пика̄йа дит̣т̣хийа̄ аппат̣иниссагге уккхиттакачатуттхо каммам̣ кареййа… акаммам̣ на ча каран̣ӣйам̣. пан̣д̣акачатуттхо каммам̣ кареййа… акаммам̣ на ча каран̣ӣйам̣. тхеййасам̣ва̄сакачатуттхо каммам̣ кареййа… акаммам̣ на ча каран̣ӣйам̣. титтхийапаккантакачатуттхо каммам̣ кареййа… акаммам̣ на ча каран̣ӣйам̣. тираччха̄нагатачатуттхо каммам̣ кареййа… акаммам̣ на ча каран̣ӣйам̣. ма̄тугха̄такачатуттхо каммам̣ кареййа… акаммам̣ на ча каран̣ӣйам̣. питугха̄такачатуттхо каммам̣ кареййа… акаммам̣ на ча каран̣ӣйам̣. арахантагха̄такачатуттхо каммам̣ кареййа… акаммам̣ на ча каран̣ӣйам̣. бхиккхунидӯсакачатуттхо каммам̣ кареййа… акаммам̣ на ча каран̣ӣйам̣. сан̇гхабхедакачатуттхо каммам̣ кареййа… акаммам̣ на ча каран̣ӣйам̣. лохитуппа̄дакачатуттхо каммам̣ кареййа… акаммам̣ на ча каран̣ӣйам̣. убхатобйан̃джанакачатуттхо каммам̣ кареййа… акаммам̣ на ча каран̣ӣйам̣. на̄на̄сам̣ва̄сакачатуттхо каммам̣ кареййа… акаммам̣ на ча каран̣ӣйам̣. на̄на̄сӣма̄йа т̣хитачатуттхо каммам̣ кареййа… акаммам̣ на ча каран̣ӣйам̣. иддхийа̄ веха̄се т̣хитачатуттхо каммам̣ кареййа… акаммам̣ на ча каран̣ӣйам̣. йасса сан̇гхо каммам̣ кароти, там̣чатуттхо каммам̣ кареййа … акаммам̣ на ча каран̣ӣйам̣.

чатуваран̣ам̣.

390. пан̃чаваггакаран̣ан̃че, бхиккхаве, каммам̣ бхиккхунипан̃чамо каммам̣ кареййа… акаммам̣ на ча каран̣ӣйам̣. пан̃чаваггакаран̣ан̃че, бхиккхаве, каммам̣ сиккхама̄напан̃чамо каммам̣ кареййа…пе…. са̄ман̣ерапан̃чамо каммам̣ кареййа… са̄ман̣ерипан̃чамо каммам̣ кареййа … сиккхам̣ паччаккха̄такапан̃чамо каммам̣ кареййа… антимаваттхум̣ аджджха̄паннакапан̃чамо каммам̣ кареййа… а̄паттийа̄ адассане уккхиттакапан̃чамо каммам̣ кареййа… а̄паттийа̄ аппат̣икамме уккхиттакапан̃чамо каммам̣ кареййа… па̄пика̄йа дит̣т̣хийа̄ аппат̣иниссагге уккхиттакапан̃чамо каммам̣ кареййа… пан̣д̣акапан̃чамо каммам̣ кареййа… тхеййасам̣ва̄сакапан̃чамо каммам̣ кареййа… титтхийапаккантакапан̃чамо каммам̣ кареййа… тираччха̄нагатапан̃чамо каммам̣ кареййа… ма̄тугха̄такапан̃чамо каммам̣ кареййа… питугха̄такапан̃чамо каммам̣ кареййа… арахантагха̄такапан̃чамо каммам̣ кареййа… бхиккхунидӯсакапан̃чамо каммам̣ кареййа… сан̇гхабхедакапан̃чамо каммам̣ кареййа… лохитуппа̄дакапан̃чамо каммам̣ кареййа… убхатобйан̃джанакапан̃чамо каммам̣ кареййа… на̄на̄сам̣ва̄сакапан̃чамо каммам̣ кареййа… на̄на̄сӣма̄йа т̣хитапан̃чамо каммам̣ кареййа… иддхийа̄ веха̄се т̣хитапан̃чамо каммам̣ кареййа… йасса сан̇гхо каммам̣ кароти, там̣пан̃чамо каммам̣ кареййа – акаммам̣ на ча каран̣ӣйам̣.

пан̃чаваггакаран̣ам̣.

391. дасаваггакаран̣ан̃че, бхиккхаве, каммам̣ бхиккхунидасамо каммам̣ кареййа, акаммам̣ на ча каран̣ӣйам̣. дасаваггакаран̣ан̃че, бхиккхаве, каммам̣ сиккхама̄надасамо каммам̣ кареййа, акаммам̣ на ча каран̣ӣйам̣…пе…. дасаваггакаран̣ан̃че, бхиккхаве, каммам̣ йасса сан̇гхо каммам̣ кароти, там̣дасамо каммам̣ кареййа – акаммам̣ на ча каран̣ӣйам̣.

дасаваггакаран̣ам̣.

392. вӣсативаггакаран̣ан̃че, бхиккхаве, каммам̣ бхиккхунивӣсо каммам̣ кареййа – акаммам̣ на ча каран̣ӣйам̣. вӣсативаггакаран̣ан̃че, бхиккхаве, каммам̣ сиккхама̄навӣсо каммам̣ кареййа …пе… са̄ман̣еравӣсо каммам̣ кареййа… са̄ман̣еривӣсо каммам̣ кареййа… сиккхам̣ паччаккха̄такавӣсо каммам̣ кареййа… антимаваттхум̣ аджджха̄паннакавӣсо каммам̣ кареййа… а̄паттийа̄ адассане уккхиттакавӣсо каммам̣ кареййа… а̄паттийа̄ аппат̣икамме уккхиттакавӣсо каммам̣ кареййа… па̄пика̄йа дит̣т̣хийа̄ аппат̣иниссагге уккхиттакавӣсо каммам̣ кареййа… пан̣д̣акавӣсо каммам̣ кареййа… тхеййасам̣ва̄сакавӣсо каммам̣ кареййа… титтхийапаккантакавӣсо каммам̣ кареййа… тираччха̄нагатавӣсо каммам̣ кареййа… ма̄тугха̄такавӣсо каммам̣ кареййа… питугха̄такавӣсо каммам̣ кареййа… арахантагха̄такавӣсо каммам̣ кареййа… бхиккхунидӯсакавӣсо каммам̣ кареййа… сан̇гхабхедакавӣсо каммам̣ кареййа… лохитуппа̄дакавӣсо каммам̣ кареййа… убхатобйан̃джанакавӣсо каммам̣ кареййа… на̄на̄сам̣ва̄сакавӣсо каммам̣ кареййа… на̄на̄сӣма̄йа т̣хитавӣсо каммам̣ кареййа… иддхийа̄ веха̄се т̣хитавӣсо каммам̣ кареййа… йасса сан̇гхо каммам̣ кароти, там̣вӣсо каммам̣ кареййа – акаммам̣ на ча каран̣ӣйам̣.

вӣсативаггакаран̣ам̣.

чатуваггакаран̣а̄дикатха̄ нит̣т̣хита̄.

238. па̄рива̄сика̄дикатха̄

393. па̄рива̄сикачатуттхо че, бхиккхаве, парива̄сам̣ дадеййа, мӯла̄йа пат̣икассеййа, ма̄наттам̣ дадеййа, там̣вӣсо аббхеййа – акаммам̣ на ча каран̣ӣйам̣. мӯла̄йа пат̣икассана̄рахачатуттхо че, бхиккхаве, парива̄сам̣ дадеййа, мӯла̄йа пат̣икассеййа, ма̄наттам̣ дадеййа, там̣вӣсо аббхеййа – акаммам̣ на ча каран̣ӣйам̣. ма̄натта̄рахачатуттхо че, бхиккхаве, парива̄сам̣ дадеййа, мӯла̄йа пат̣икассеййа, ма̄наттам̣ дадеййа, там̣вӣсо аббхеййа – акаммам̣ на ча каран̣ӣйам̣. ма̄наттача̄рикачатуттхо че, бхиккхаве, парива̄сам̣ дадеййа, мӯла̄йа пат̣икассеййа, ма̄наттам̣ дадеййа, там̣вӣсо аббхеййа – акаммам̣ на ча каран̣ӣйам̣. аббха̄на̄рахачатуттхо че, бхиккхаве, парива̄сам̣ дадеййа, мӯла̄йа пат̣икассеййа, ма̄наттам̣ дадеййа, там̣вӣсо аббхеййа – акаммам̣ на ча каран̣ӣйам̣.

394. екаччасса, бхиккхаве, сан̇гхамаджджхе пат̣иккосана̄ рухати, екаччасса на рухати. касса ча, бхиккхаве, сан̇гхамаджджхе пат̣иккосана̄ на рухати? бхиккхунийа̄, бхиккхаве, сан̇гхамаджджхе пат̣иккосана̄ на рухати. сиккхама̄на̄йа, бхиккхаве…пе… са̄ман̣ерасса, бхиккхаве… са̄ман̣ерийа̄, бхиккхаве… сиккха̄паччаккха̄такасса бхиккхаве… антимаваттхум̣ аджджха̄паннакасса, бхиккхаве … умматтакасса, бхиккхаве… кхиттачиттасса, бхиккхаве… ведана̄т̣т̣асса, бхиккхаве… а̄паттийа̄ адассане уккхиттакасса, бхиккхаве… а̄паттийа̄ аппат̣икамме уккхиттакасса, бхиккхаве… па̄пика̄йа дит̣т̣хийа̄ аппат̣иниссагге уккхиттакасса, бхиккхаве… пан̣д̣акасса, бхиккхаве… тхеййасам̣ва̄сакасса, бхиккхаве… титтхийапаккантакасса, бхиккхаве … тираччха̄нагатасса бхиккхаве… ма̄тугха̄такасса, бхиккхаве… питугха̄такасса, бхиккхаве… арахантагха̄такасса, бхиккхаве… бхиккхунидӯсакасса, бхиккхаве… сан̇гхабхедакасса, бхиккхаве… лохитуппа̄дакасса, бхиккхаве… убхатобйан̃джанакасса, бхиккхаве… на̄на̄сам̣ва̄сакасса, бхиккхаве… на̄на̄сӣма̄йа т̣хитасса, бхиккхаве… иддхийа̄ веха̄се т̣хитасса, бхиккхаве, йасса сан̇гхо каммам̣ кароти, тасса ча [тасса (сйа̄.)], бхиккхаве, сан̇гхамаджджхе пат̣иккосана̄ на рухати. имесам̣ кхо, бхиккхаве, сан̇гхамаджджхе пат̣иккосана̄ на рухати.

касса ча, бхиккхаве, сан̇гхамаджджхе пат̣иккосана̄ рухати? бхиккхусса, бхиккхаве, пакататтасса

сама̄насам̣ва̄сакасса сама̄насӣма̄йа т̣хитасса антамасо а̄нантарикасса̄пи [анантарикасса̄пи (сйа̄.)] бхиккхуно вин̃н̃а̄пентасса сан̇гхамаджджхе пат̣иккосана̄ рухати. имасса кхо, бхиккхаве, сан̇гхамаджджхе пат̣иккосана̄ рухати.

па̄рива̄сика̄дикатха̄ нит̣т̣хита̄.

239. двенисса̄ран̣а̄дикатха̄

395. двема̄, бхиккхаве, нисса̄ран̣а̄. аттхи, бхиккхаве, пуггало аппатто нисса̄ран̣ам̣. тан̃че сан̇гхо нисса̄рети, екаччо сунисса̄рито, екаччо дуннисса̄рито. катамо ча, бхиккхаве, пуггало аппатто нисса̄ран̣ам̣, тан̃че сан̇гхо нисса̄рети – дуннисса̄рито? идха пана, бхиккхаве, бхиккху суддхо хоти ана̄паттико. тан̃че сан̇гхо нисса̄рети – дуннисса̄рито. айам̣ вуччати, бхиккхаве, пуггало аппатто нисса̄ран̣ам̣, тан̃че сан̇гхо нисса̄рети – дуннисса̄рито.

катамо ча, бхиккхаве, пуггало аппатто нисса̄ран̣ам̣, тан̃че сан̇гхо нисса̄рети – сунисса̄рито? идха пана, бхиккхаве, бхиккху ба̄ло хоти абйатто а̄паттибахуло анапада̄но, гихисам̣сат̣т̣хо вихарати анануломикехи гихисам̣саггехи, тан̃че сан̇гхо нисса̄рети – сунисса̄рито. айам̣ вуччати, бхиккхаве, пуггало аппатто нисса̄ран̣ам̣, тан̃че сан̇гхо нисса̄рети – сунисса̄рито.

396. двема̄, бхиккхаве, оса̄ран̣а̄. аттхи, бхиккхаве, пуггало аппатто оса̄ран̣ам̣ тан̃че сан̇гхо оса̄рети, екаччо соса̄рито, екаччо доса̄рито. катамо ча, бхиккхаве, пуггало аппатто оса̄ран̣ам̣, тан̃че сан̇гхо оса̄рети – доса̄рито? пан̣д̣ако, бхиккхаве, аппатто оса̄ран̣ам̣, тан̃че сан̇гхо оса̄рети – доса̄рито. тхеййасам̣ва̄сако, бхиккхаве, аппатто оса̄ран̣ам̣, тан̃че сан̇гхо оса̄рети – доса̄рито. титтхийапаккантако, бхиккхаве…пе… тираччха̄нагато, бхиккхаве… ма̄тугха̄тако, бхиккхаве… питугха̄тако, бхиккхаве… арахантагха̄тако, бхиккхаве… бхиккхунидӯсако, бхиккхаве… сан̇гхабхедако, бхиккхаве… лохитуппа̄дако, бхиккхаве… убхатобйан̃джанако, бхиккхаве, аппатто, оса̄ран̣ам̣, тан̃че сан̇гхо оса̄рети – доса̄рито. айам̣ вуччати, бхиккхаве, пуггало аппатто оса̄ран̣ам̣, тан̃че сан̇гхо оса̄рети – доса̄рито. име вуччанти, бхиккхаве, пуггала̄ аппатта̄ оса̄ран̣ам̣, те че сан̇гхо оса̄рети – доса̄рита̄.

катамо ча, бхиккхаве, пуггало аппатто оса̄ран̣ам̣, тан̃че сан̇гхо оса̄рети – соса̄рито? хаттхаччхинно, бхиккхаве, аппатто оса̄ран̣ам̣, тан̃че сан̇гхо оса̄рети, соса̄рито. па̄даччхинно, бхиккхаве…пе… хаттхапа̄даччхинно, бхиккхаве… кан̣н̣аччхинно, бхиккхаве… на̄саччхинно, бхиккхаве… кан̣н̣ана̄саччхинно, бхиккхаве… ан̇гуличчхинно, бхиккхаве… ал̣аччхинно, бхиккхаве… кан̣д̣араччхинно, бхиккхаве… пхан̣ахаттхако, бхиккхаве… кхуджджо, бхиккхаве… ва̄мано, бхиккхаве… галаган̣д̣ӣ, бхиккхаве… лаккхан̣а̄хато, бхиккхаве… каса̄хато, бхиккхаве… ликхитако, бхиккхаве… сӣпадико, бхиккхаве… па̄парогӣ, бхиккхаве… парисадӯсако, бхиккхаве… ка̄н̣о, бхиккхаве… кун̣ӣ, бхиккхаве… кхан̃джо, бхиккхаве… паккхахато, бхиккхаве… чхиннирийа̄патхо, бхиккхаве… джара̄дуббало, бхиккхаве… андхо, бхиккхаве… мӯго, бхиккхаве… бадхиро, бхиккхаве… андхамӯго, бхиккхаве… андхабадхиро, бхиккхаве… мӯгабадхиро, бхиккхаве… андхамӯгабадхиро, бхиккхаве, аппатто оса̄ран̣ам̣, тан̃че сан̇гхо оса̄рети – соса̄рито. айам̣ вуччати, бхиккхаве, пуггало аппатто оса̄ран̣ам̣, тан̃че сан̇гхо оса̄рети – соса̄рито. име вуччанти, бхиккхаве, пуггала̄ аппатта̄ оса̄ран̣ам̣, те че сан̇гхо оса̄рети – соса̄рита̄.

двенисса̄ран̣а̄дикатха̄ нит̣т̣хита̄.

ва̄сабхага̄мабха̄н̣ава̄ро нит̣т̣хито пат̣хамо.

240. адхаммакамма̄дикатха̄

397. идха пана, бхиккхаве, бхиккхусса на хоти а̄патти дат̣т̣хабба̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пассасетам̣ а̄патти’’нти? со евам̣ вадети – ‘‘наттхи ме, а̄вусо, а̄патти, йамахам̣ пассеййа’’нти. там̣ сан̇гхо а̄паттийа̄ адассане уккхипати – адхаммакаммам̣.

идха пана, бхиккхаве, бхиккхусса на хоти а̄патти пат̣ика̄табба̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пат̣икарохи там̣ а̄патти’’нти. со евам̣ вадети – ‘‘наттхи ме, а̄вусо, а̄патти, йамайам̣ пат̣икареййа’’нти. там̣ сан̇гхо а̄паттийа̄ аппат̣икамме уккхипати – адхаммакаммам̣.

идха пана, бхиккхаве, бхиккхусса на хоти па̄пика̄ дит̣т̣хи пат̣иниссаджджета̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘па̄пика̄ те, а̄вусо, дит̣т̣хи, пат̣иниссаджджетам̣ па̄пикам̣ дит̣т̣хи’’нти. со евам̣ вадети – ‘‘наттхи ме, а̄вусо, па̄пика̄ дит̣т̣хи, йамахам̣ пат̣иниссаджджеййа’’нти. там̣ сан̇гхо па̄пика̄йа дит̣т̣хийа̄ аппат̣иниссагге уккхипати – адхаммакаммам̣.

идха пана, бхиккхаве, бхиккхусса на хоти а̄патти дат̣т̣хабба̄, на хоти а̄патти пат̣ика̄табба̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пассасетам̣ а̄патти? пат̣икарохи там̣ а̄патти’’нти. со евам̣ вадети – ‘‘наттхи ме, а̄вусо, а̄патти, йамахам̣ пассеййам̣. наттхи ме, а̄вусо, а̄патти, йамахам̣ пат̣икареййа’’нти. там̣ сан̇гхо адассане ва̄ аппат̣икамме ва̄ уккхипати – адхаммакаммам̣.

идха пана, бхиккхаве, бхиккхусса на хоти а̄патти дат̣т̣хабба̄, на хоти па̄пика̄ дит̣т̣хи пат̣иниссаджджета̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пассасетам̣ а̄паттим̣? па̄пика̄ те дит̣т̣хи, пат̣иниссаджджетам̣ па̄пикам̣ дит̣т̣хи’’нти. со евам̣ вадети – ‘‘наттхи ме, а̄вусо, а̄патти, йамахам̣ пассеййам̣; наттхи ме, а̄вусо, па̄пика̄ дит̣т̣хи, йамахам̣ пат̣иниссаджджеййа’’нти. там̣ сан̇гхо адассане ва̄ аппат̣иниссагге ва̄ уккхипати – адхаммакаммам̣.

идха пана, бхиккхаве, бхиккхусса на хоти а̄патти пат̣ика̄табба̄, на хоти па̄пика̄ дит̣т̣хи пат̣иниссаджджета̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пат̣икарохи там̣ а̄паттим̣; па̄пика̄ те дит̣т̣хи, пат̣иниссаджджетам̣ па̄пикам̣ дит̣т̣хи’’нти. со евам̣ вадети – ‘‘наттхи ме, а̄вусо, а̄патти, йамахам̣ пат̣икареййам̣. наттхи ме, а̄вусо, па̄пика̄ дит̣т̣хи, йамахам̣ пат̣иниссаджджеййа’’нти. там̣ сан̇гхо аппат̣икамме ва̄ аппат̣иниссагге ва̄ уккхипати – адхаммакаммам̣.

идха пана, бхиккхаве, бхиккхусса на хоти а̄патти дат̣т̣хабба̄, на хоти а̄патти пат̣ика̄табба̄, на хоти па̄пика̄ дит̣т̣хи пат̣иниссаджджета̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пассасетам̣ а̄паттим̣? пат̣икарохи там̣ а̄паттим̣; па̄пика̄ те дит̣т̣хи, пат̣иниссаджджетам̣ па̄пикам̣ дит̣т̣хи’’нти. со евам̣ вадети – ‘‘наттхи ме, а̄вусо, а̄патти, йамахам̣ пассеййам̣. наттхи ме, а̄вусо, а̄патти, йамахам̣ пат̣икареййам̣. наттхи ме, а̄вусо, па̄пика̄ дит̣т̣хи, йамахам̣ пат̣иниссаджджеййа’’нти. там̣ сан̇гхо адассане ва̄ аппат̣икамме ва̄ аппат̣иниссагге ва̄ уккхипати – адхаммакаммам̣.

398. идха пана, бхиккхаве, бхиккхусса хоти а̄патти дат̣т̣хабба̄. таменам̣ чодети. сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пассасетам̣ а̄патти’’нти? со евам̣ вадети – ‘‘а̄ма̄вусо, пасса̄мӣ’’ти. там̣ сан̇гхо а̄паттийа̄ адассане уккхипати – адхаммакаммам̣.

идха пана, бхиккхаве, бхиккхусса хоти а̄патти пат̣ика̄табба̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пат̣икарохи там̣ а̄патти’’нти. со евам̣ вадети – ‘‘а̄ма̄вусо, пат̣икарисса̄мӣ’’ти. там̣ сан̇гхо а̄паттийа̄ аппат̣икамме уккхипати – адхаммакаммам̣.

идха пана, бхиккхаве, бхиккхусса хоти па̄пика̄ дит̣т̣хи пат̣иниссаджджета̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘па̄пика̄ те, а̄вусо, дит̣т̣хи; пат̣иниссаджджетам̣ па̄пикам̣ дит̣т̣хи’’нти. со евам̣ вадети – ‘‘а̄ма̄вусо, пат̣иниссаджджисса̄мӣ’’ти. там̣ сан̇гхо па̄пика̄йа дит̣т̣хийа̄ аппат̣иниссагге уккхипати – адхаммакаммам̣.

идха пана, бхиккхаве, бхиккхусса хоти а̄патти дат̣т̣хабба̄, хоти а̄патти пат̣ика̄табба̄…пе… хоти а̄патти дат̣т̣хабба̄, хоти па̄пика̄ дит̣т̣хи пат̣иниссаджджета̄…пе… хоти а̄патти пат̣ика̄табба̄, хоти па̄пика̄ дит̣т̣хи пат̣иниссаджджета̄…пе… хоти а̄патти дат̣т̣хабба̄, хоти а̄патти пат̣ика̄табба̄, хоти па̄пика̄ дит̣т̣хи пат̣иниссаджджета̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пассасетам̣ а̄паттим̣? пат̣икарохи там̣ а̄паттим̣; па̄пика̄ те дит̣т̣хи, пат̣иниссаджджетам̣ па̄пикам̣ дит̣т̣хи’’нти. со евам̣ вадети – ‘‘а̄ма̄вусо, пасса̄ми, а̄ма пат̣икарисса̄ми, а̄ма пат̣иниссаджджисса̄мӣ’’ти. там̣ сан̇гхо адассане ва̄ аппат̣икамме ва̄ аппат̣иниссагге ва̄ уккхипати – адхаммакаммам̣.

399. идха пана, бхиккхаве, бхиккхусса хоти а̄патти дат̣т̣хабба̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пассасетам̣ а̄патти’’нти? со евам̣ вадети – ‘‘наттхи ме, а̄вусо, а̄патти, йамахам̣ пассеййа’’нти. там̣ сан̇гхо а̄паттийа̄ адассане уккхипати – дхаммакаммам̣.

идха пана, бхиккхаве, бхиккхусса хоти а̄патти пат̣ика̄табба̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пат̣икарохи там̣ а̄патти’’нти. со евам̣ вадети – ‘‘наттхи ме, а̄вусо, а̄патти, йамахам̣ пат̣икареййа’’нти. там̣ сан̇гхо а̄паттийа̄ аппат̣икамме уккхипати – дхаммакаммам̣.

идха пана, бхиккхаве, бхиккхусса хоти па̄пика̄ дит̣т̣хи пат̣иниссаджджета̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘па̄пика̄ те, а̄вусо, дит̣т̣хи, пат̣иниссаджджетам̣ па̄пикам̣ дит̣т̣хи’’нти. со евам̣ вадети – ‘‘наттхи ме, а̄вусо, па̄пика̄ дит̣т̣хи, йамахам̣ пат̣иниссаджджеййа’’нти. там̣ сан̇гхо па̄пика̄йа дит̣т̣хийа̄ аппат̣иниссагге уккхипати – дхаммакаммам̣.

идха пана, бхиккхаве, бхиккхусса хоти а̄патти дат̣т̣хабба̄, хоти а̄патти пат̣ика̄табба̄…пе…

хоти а̄патти дат̣т̣хабба̄, хоти па̄пика̄ дит̣т̣хи пат̣иниссаджджета̄…пе… хоти а̄патти пат̣ика̄табба̄, хоти па̄пика̄ дит̣т̣хи пат̣иниссаджджета̄ …пе… хоти а̄патти дат̣т̣хабба̄, хоти а̄патти пат̣ика̄табба̄, хоти па̄пика̄ дит̣т̣хи пат̣иниссаджджета̄. таменам̣ чодети сан̇гхо ва̄ самбахула̄ ва̄ екапуггало ва̄ – ‘‘а̄паттим̣ твам̣, а̄вусо, а̄панно, пассасетам̣ а̄паттим̣? пат̣икарохи там̣ а̄паттим̣. па̄пика̄ те дит̣т̣хи, пат̣иниссаджджетам̣ па̄пикам̣ дит̣т̣хи’’нти. со евам̣ вадети – ‘‘наттхи ме, а̄вусо, а̄патти, йамахам̣ пассеййам̣. наттхи ме, а̄вусо, а̄патти йамахам̣ пат̣икареййам̣. наттхи ме, а̄вусо, па̄пика̄ дит̣т̣хи, йамахам̣ пат̣иниссаджджеййа’’нти. там̣ сан̇гхо адассане ва̄ аппат̣икамме ва̄ аппат̣иниссагге ва̄ уккхипати – дхаммакамманти.

адхаммакамма̄дикатха̄ нит̣т̣хита̄.

241. упа̄липуччха̄катха̄

400. атха кхо а̄йасма̄ упа̄ли йена бхагава̄ тенупасан̇ками, упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо а̄йасма̄ упа̄ли бхагавантам̣ етадавоча – ‘‘йо ну кхо, бханте, самагго сан̇гхо саммукха̄каран̣ӣйам̣ каммам̣ асаммукха̄ кароти, дхаммакаммам̣ ну кхо там̣, бханте, винайакамма’’нти? ‘‘адхаммакаммам̣ там̣, упа̄ли, авинайакамма’’нти. ‘‘йо ну кхо, бханте, самагго сан̇гхо пат̣ипуччха̄каран̣ӣйам̣ каммам̣ аппат̣ипуччха̄ кароти…пе… пат̣ин̃н̃а̄йакаран̣ӣйам̣ каммам̣ апат̣ин̃н̃а̄йа кароти… сативинайа̄рахасса амӯл̣хавинайам̣ дети… амӯл̣хавинайа̄рахасса тассапа̄пийасика̄каммам̣ кароти… тассапа̄пийасика̄камма̄рахасса таджджанӣйакаммам̣ кароти… таджджанӣйакамма̄рахасса нийассакаммам̣ кароти … нийассакамма̄рахасса пабба̄джанӣйакаммам̣ кароти… пабба̄джанӣйакамма̄рахасса пат̣иса̄ран̣ӣйакаммам̣ кароти… пат̣иса̄ран̣ӣйакамма̄рахасса уккхепанӣйакаммам̣ кароти… уккхепанӣйакамма̄рахасса парива̄сам̣ дети… парива̄са̄рахам̣ мӯла̄йа пат̣икассати… мӯла̄йапат̣икассана̄рахасса ма̄наттам̣ дети… ма̄натта̄рахам̣ аббхети… аббха̄на̄рахам̣ упасампа̄дети, дхаммакаммам̣ ну кхо там̣, бханте, винайакамма’’нти? ‘‘адхаммакаммам̣ там̣, упа̄ли, авинайакаммам̣’’.

‘‘йо кхо, упа̄ли, самагго сан̇гхо саммукха̄каран̣ӣйам̣ каммам̣ асаммукха̄ кароти, евам̣ кхо, упа̄ли, адхаммакаммам̣ хоти авинайакаммам̣, еван̃ча пана сан̇гхо са̄тиса̄ро хоти. йо кхо, упа̄ли, самагго сан̇гхо пат̣ипуччха̄каран̣ӣйам̣ каммам̣ аппат̣ипуччха̄ кароти…пе… пат̣ин̃н̃а̄йакаран̣ӣйам̣ каммам̣ апат̣ин̃н̃а̄йа кароти… сативинайа̄рахасса амӯл̣хавинайам̣ дети… амӯл̣хавинайа̄рахасса тассапа̄пийасика̄каммам̣ кароти… тассапа̄пийасика̄камма̄рахасса таджджанӣйакаммам̣ кароти… таджджанӣйакамма̄рахасса нийассакаммам̣ кароти… нийассакамма̄рахасса пабба̄джанӣйакаммам̣ кароти… пабба̄джанӣйакамма̄рахасса пат̣иса̄ран̣ӣйакаммам̣ кароти… пат̣иса̄ран̣ӣйакамма̄рахасса уккхепанӣйакаммам̣ кароти… уккхепанӣйакамма̄рахасса парива̄сам̣ дети… парива̄са̄рахам̣ мӯла̄йа пат̣икассати… мӯла̄йапат̣икассана̄рахасса ма̄наттам̣ дети… ма̄натта̄рахам̣ аббхети… аббха̄на̄рахам̣ упасампа̄дети, евам̣ кхо, упа̄ли, адхаммакаммам̣ хоти авинайакаммам̣. еван̃ча пана сан̇гхо са̄тиса̄ро хотӣ’’ти.

401. ‘‘йо ну кхо, бханте, самагго сан̇гхо саммукха̄каран̣ӣйам̣ каммам̣ саммукха̄ кароти, дхаммакаммам̣ ну кхо там̣, бханте, винайакамма’’нти? ‘‘дхаммакаммам̣ там̣, упа̄ли, винайакамма’’нти. ‘‘йо ну кхо, бханте, самагго сан̇гхо пат̣ипуччха̄каран̣ӣйам̣ каммам̣ пат̣ипуччха̄ кароти…пе… пат̣ин̃н̃а̄йакаран̣ӣйам̣ каммам̣ пат̣ин̃н̃а̄йа кароти… сативинайа̄рахасса сативинайам̣ дети… амӯл̣хавинайа̄рахасса амӯл̣хавинайам̣ дети… тассапа̄пийасика̄камма̄рахасса тассапа̄пийасика̄каммам̣ кароти… таджджанӣйакамма̄рахасса таджджанӣйакаммам̣ кароти… нийассакамма̄рахасса нийассакаммам̣ кароти… пабба̄джанӣйакамма̄рахасса пабба̄джанӣйакаммам̣ кароти… пат̣иса̄ран̣ӣйакамма̄рахасса пат̣иса̄ран̣ӣйакаммам̣ кароти… уккхепанӣйакамма̄рахасса уккхепанӣйакаммам̣ кароти… парива̄са̄рахасса парива̄сам̣ дети мӯла̄йапат̣икассана̄рахам̣ мӯла̄йа пат̣икассати… ма̄натта̄рахасса ма̄наттам̣ дети… аббха̄на̄рахам̣ аббхети… упасампада̄рахам̣ упасампа̄дети, дхаммакаммам̣ ну кхо там̣, бханте, винайакамма’’нти? ‘‘дхаммакаммам̣ там̣, упа̄ли, винайакаммам̣.

‘‘йо кхо, упа̄ли, самагго сан̇гхо саммукха̄каран̣ӣйам̣ каммам̣ саммукха̄ кароти, евам̣ кхо, упа̄ли, дхаммакаммам̣ хоти винайакаммам̣. еван̃ча пана сан̇гхо анатиса̄ро хоти. йо кхо, упа̄ли, самагго сан̇гхо пат̣ипуччха̄каран̣ӣйам̣ каммам̣ пат̣ипуччха̄ кароти… пат̣ин̃н̃а̄йакаран̣ӣйам̣ каммам̣ пат̣ин̃н̃а̄йа кароти… сативинайа̄рахасса сативинайам̣ дети… амӯл̣хавинайа̄рахасса амӯл̣хавинайам̣ дети… тассапа̄пийасика̄камма̄рахасса тассапа̄пийасика̄каммам̣ кароти… таджджанӣйакамма̄рахасса таджджанӣйакаммам̣ кароти… нийассакамма̄рахасса нийассакаммам̣ кароти… пабба̄джанӣйакамма̄рахасса пабба̄джанӣйакаммам̣ кароти … пат̣иса̄ран̣ӣйакамма̄рахасса пат̣иса̄ран̣ӣйакаммам̣ кароти… уккхепанӣйакамма̄рахасса уккхепанӣйакаммам̣ кароти… парива̄са̄рахасса парива̄сам̣ дети… мӯла̄йапат̣икассана̄рахам̣ мӯла̄йа пат̣икассати… ма̄натта̄рахасса ма̄наттам̣ дети… аббха̄на̄рахам̣ аббхети… упасампада̄рахам̣ упасампа̄дети, евам̣ кхо, упа̄ли, дхаммакаммам̣ хоти винайакаммам̣. еван̃ча пана сан̇гхо анатиса̄ро хотӣ’’ти.

402. ‘‘йо ну кхо, бханте, самагго сан̇гхо сативинайа̄рахасса амӯл̣хавинайам̣ дети, амӯл̣хавинайа̄рахасса сативинайам̣ дети, дхаммакаммам̣ ну кхо там̣, бханте, винайакамма’’нти? ‘‘адхаммакаммам̣ там̣, упа̄ли, авинайакамма’’нти. ‘‘йо ну кхо, бханте, самагго сан̇гхо амӯл̣хавинайа̄рахасса тассапа̄пийасика̄каммам̣ кароти, тассапа̄пийасика̄камма̄рахасса амӯл̣хавинайам̣ дети…пе… тассапа̄пийасика̄камма̄рахасса таджджанӣйакаммам̣ кароти, таджджанӣйакамма̄рахасса тассапа̄пийасика̄каммам̣ кароти… таджджанӣйакамма̄рахасса нийассакаммам̣ кароти, нийассакамма̄рахасса таджджанӣйакаммам̣ кароти… нийассакамма̄рахасса пабба̄джанӣйакаммам̣ кароти, пабба̄джанӣйакамма̄рахасса нийассакаммам̣ кароти… пабба̄джанӣйакамма̄рахасса пат̣иса̄ран̣ӣйакаммам̣ кароти, пат̣иса̄ран̣ӣйакамма̄рахасса пабба̄джанӣйакаммам̣ кароти… пат̣иса̄ран̣ӣйакамма̄рахасса уккхепанӣйакаммам̣ кароти, уккхепанӣйакамма̄рахасса пат̣иса̄ран̣ӣйакаммам̣ кароти… уккхепанӣйакамма̄рахасса парива̄сам̣ дети, парива̄са̄рахасса уккхепанӣйакаммам̣ кароти… парива̄са̄рахам̣ мӯла̄йа пат̣икассати, мӯла̄йапат̣икассана̄рахасса парива̄сам̣ дети… мӯла̄йапат̣икассана̄рахасса ма̄наттам̣ дети, ма̄натта̄рахам̣ мӯла̄йа пат̣икассати… ма̄натта̄рахам̣ аббхети, аббха̄на̄рахасса ма̄наттам̣ дети… аббха̄на̄рахам̣ упасампа̄дети, упасампада̄рахам̣ аббхети, дхаммакаммам̣ ну кхо там̣, бханте, винайакамма’’нти? ‘‘адхаммакаммам̣ там̣, упа̄ли, авинайакамма’’нти.

‘‘йо кхо, упа̄ли, самагго сан̇гхо сативинайа̄рахасса амӯл̣хавинайам̣ дети, амӯл̣хавинайа̄рахасса сативинайам̣ дети, евам̣ кхо, упа̄ли, адхаммакаммам̣ хоти авинайакаммам̣. еван̃ча пана сан̇гхо са̄тиса̄ро хоти. йо кхо, упа̄ли, самагго сан̇гхо амӯл̣хавинайа̄рахасса тассапа̄пийасика̄каммам̣ кароти, тассапа̄пийасика̄камма̄рахасса амӯл̣хавинайам̣ дети…пе… тассапа̄пийасика̄камма̄рахасса таджджанӣйакаммам̣ кароти, таджджанӣйакамма̄рахасса тассапа̄пийасика̄каммам̣ кароти… таджджанӣйакамма̄рахасса нийассакаммам̣ кароти, нийассакамма̄рахасса таджджанӣйакаммам̣ кароти… нийассакамма̄рахасса пабба̄джанӣйакаммам̣ кароти, пабба̄джанӣйакамма̄рахасса нийассакаммам̣ кароти… пабба̄джанӣйакамма̄рахасса пат̣иса̄ран̣ӣйакаммам̣ кароти, пат̣иса̄ран̣ӣйакамма̄рахасса пабба̄джанӣйакаммам̣ кароти… пат̣иса̄ран̣ӣйакамма̄рахасса уккхепанӣйакаммам̣ кароти, уккхепанӣйакамма̄рахасса пат̣иса̄ран̣ӣйакаммам̣ кароти… уккхепанӣйакамма̄рахасса парива̄сам̣ дети, парива̄са̄рахасса уккхепанӣйакаммам̣ кароти… парива̄са̄рахам̣ мӯла̄йа пат̣икассати, мӯла̄йапат̣икассана̄рахасса парива̄сам̣ дети… мӯла̄йапат̣икассана̄рахасса ма̄наттам̣ дети, ма̄натта̄рахам̣ мӯла̄йа пат̣икассати – ма̄натта̄рахам̣ аббхети, аббха̄на̄рахасса ма̄наттам̣ дети… аббха̄на̄рахам̣ упасампа̄дети, упасампада̄рахам̣ аббхети, евам̣ кхо, упа̄ли, адхаммакаммам̣ хоти авинайакаммам̣. еван̃ча пана сан̇гхо са̄тиса̄ро хотӣ’’ти.

403. ‘‘йо ну кхо, бханте, самагго сан̇гхо сативинайа̄рахасса сативинайам̣ дети, амӯл̣хавинайа̄рахасса амӯл̣хавинайам̣ дети, дхаммакаммам̣ ну кхо там̣, бханте, винайакамма’’нти? ‘‘дхаммакаммам̣ там̣, упа̄ли, винайакамма’’нти. ‘‘йо ну кхо, бханте, самагго сан̇гхо амӯл̣хавинайа̄рахасса амӯл̣хавинайам̣ дети…пе… тассапа̄пийасика̄камма̄рахасса тассапа̄пийасика̄каммам̣ кароти…пе… таджджанӣйакамма̄рахасса таджджанӣйакаммам̣ кароти…пе… нийассакамма̄рахасса нийассакаммам̣ кароти…пе… пабба̄джанӣйакамма̄рахасса пабба̄джанӣйакаммам̣ кароти…пе… пат̣иса̄ран̣ӣйакамма̄рахасса пат̣иса̄ран̣ӣйакаммам̣ кароти…пе… уккхепанӣйакамма̄рахасса уккхепанӣйакаммам̣ кароти…пе… парива̄са̄рахасса парива̄сам̣ дети…пе… мӯла̄йапат̣икассана̄рахам̣ мӯла̄йа пат̣икассати…пе… ма̄натта̄рахасса ма̄наттам̣ дети…пе… аббха̄на̄рахам̣ аббхети, упасампада̄рахам̣ упасампа̄дети, дхаммакаммам̣ ну кхо там̣, бханте, винайакамма’’нти? ‘‘дхаммакаммам̣ там̣, упа̄ли, винайакаммам̣’’.

‘‘йо кхо, упа̄ли, самагго сан̇гхо сативинайа̄рахасса сативинайам̣ дети, амӯл̣хавинайа̄рахасса амӯл̣хавинайам̣ дети, евам̣ кхо, упа̄ли, дхаммакаммам̣ хоти винайакаммам̣. еван̃ча пана сан̇гхо анатиса̄ро хоти. йо кхо, упа̄ли, самагго сан̇гхо амӯл̣хавинайа̄рахасса амӯл̣хавинайам̣ дети …пе… тассапа̄пийасика̄камма̄рахасса тассапа̄пийасика̄каммам̣ кароти…пе… таджджанӣйакамма̄рахасса таджджанӣйакаммам̣ кароти…пе… нийассакамма̄рахасса нийассакаммам̣ кароти…пе… пабба̄джанӣйакамма̄рахасса пабба̄джанӣйакаммам̣ кароти…пе… пат̣иса̄ран̣ӣйакамма̄рахасса пат̣иса̄ран̣ӣйакаммам̣ кароти…пе… уккхепанӣйакамма̄рахасса уккхепанӣйакаммам̣ кароти…пе… парива̄са̄рахасса парива̄сам̣ дети…пе… мӯла̄йа пат̣икассана̄рахам̣ мӯла̄йа пат̣икассати…пе… ма̄натта̄рахасса ма̄наттам̣ дети…пе… аббха̄на̄рахам̣ аббхети, упасампада̄рахам̣ упасампа̄дети, евам̣ кхо, упа̄ли, дхаммакаммам̣ хоти винайакаммам̣. еван̃ча пана сан̇гхо анатиса̄ро хотӣ’’ти.

404. атха кхо бхагава̄ бхиккхӯ а̄мантеси – йо кхо, бхиккхаве, самагго сан̇гхо сативинайа̄рахасса амӯл̣хавинайам̣ дети, евам̣ кхо, бхиккхаве, адхаммакаммам̣ хоти авинайакаммам̣. еван̃ча пана сан̇гхо са̄тиса̄ро хоти. йо кхо, бхиккхаве, самагго сан̇гхо сативинайа̄рахасса тассапа̄пийасика̄каммам̣ кароти…пе… сативинайа̄рахасса таджджанӣйакаммам̣ кароти… сативинайа̄рахасса нийассакаммам̣ кароти… сативинайа̄рахасса пабба̄джанӣйакаммам̣ кароти… сативинайа̄рахасса пат̣иса̄ран̣ӣйакаммам̣ кароти… сативинайа̄рахасса уккхепанӣйакаммам̣ кароти … сативинайа̄рахасса парива̄сам̣ дети… сативинайа̄рахам̣ мӯла̄йа пат̣икассати… сативинайа̄рахасса ма̄наттам̣ дети… сативинайа̄рахам̣ аббхети… сативинайа̄рахам̣ упасампа̄дети, евам̣ кхо, бхиккхаве, адхаммакаммам̣ хоти авинайакаммам̣. еван̃ча пана сан̇гхо са̄тиса̄ро хоти.

405. йо кхо, бхиккхаве, самагго сан̇гхо амӯл̣хавинайа̄рахасса тассапа̄пийасика̄каммам̣ кароти, евам̣ кхо, бхиккхаве, адхаммакаммам̣ хоти авинайакаммам̣. еван̃ча пана сан̇гхо са̄тиса̄ро хоти. йо кхо, бхиккхаве, самагго сан̇гхо амӯл̣хавинайа̄рахасса таджджанӣйакаммам̣ кароти…пе… амӯл̣хавинайа̄рахасса нийассакаммам̣ кароти… амӯл̣хавинайа̄рахасса пабба̄джанӣйакаммам̣ кароти… амӯл̣хавинайа̄рахасса пат̣иса̄ран̣ӣйакаммам̣ кароти… амӯл̣хавинайа̄рахасса уккхепанӣйакаммам̣ кароти… амӯл̣хавинайа̄рахасса парива̄сам̣ дети… амӯл̣хавинайа̄рахам̣ мӯла̄йа пат̣икассати… амӯл̣хавинайа̄рахасса ма̄наттам̣ дети… амӯл̣хавинайа̄рахам̣ аббхети… амӯл̣хавинайа̄рахам̣ упасампа̄дети… амӯл̣хавинайа̄рахасса сативинайам̣ дети, евам̣ кхо, бхиккхаве, адхаммакаммам̣ хоти авинайакаммам̣. еван̃ча пана сан̇гхо са̄тиса̄ро хоти.

406. йо кхо, бхиккхаве, самагго сан̇гхо тассапа̄пийасика̄камма̄рахасса таджджанӣйакаммам̣ кароти…пе… таджджанӣйакамма̄рахасса… нийассакамма̄рахасса… пабба̄джанӣйакамма̄рахасса… пат̣иса̄ран̣ӣйакамма̄рахасса… уккхепанӣйакамма̄рахасса… парива̄са̄рахам̣… мӯла̄йапат̣икассана̄рахасса… ма̄натта̄рахам̣… аббха̄на̄рахам̣… упасампада̄рахасса сативинайам̣ дети, евам̣ кхо, бхиккхаве, адхаммакаммам̣ хоти авинайакаммам̣. еван̃ча пана сан̇гхо са̄тиса̄ро хоти. йо кхо, бхиккхаве, самагго сан̇гхо упасампада̄рахасса амӯл̣хавинайам̣ дети…пе… упасампада̄рахасса тассапа̄пийасика̄каммам̣ кароти… упасампада̄рахасса таджджанӣйакаммам̣ кароти… упасампада̄рахасса нийассакаммам̣ кароти… упасампада̄рахасса пабба̄джанӣйакаммам̣ кароти… упасампада̄рахасса пат̣иса̄ран̣ӣйакаммам̣ кароти… упасампада̄рахасса уккхепанӣйакаммам̣ кароти… упасампада̄рахасса парива̄сам̣ дети… упасампада̄рахам̣ мӯла̄йа пат̣икассати… упасампада̄рахасса ма̄наттам̣ дети… упасампада̄рахам̣ аббхети, евам̣ кхо, бхиккхаве, адхаммакаммам̣ хоти авинайакаммам̣. еван̃ча пана сан̇гхо са̄тиса̄ро хотӣти.

упа̄липуччха̄катха̄ нит̣т̣хита̄.

упа̄липуччха̄бха̄н̣ава̄ро нит̣т̣хито дутийо.

242. таджджанӣйакаммакатха̄

407. идха пана, бхиккхаве, бхиккху бхан̣д̣анака̄рако хоти калахака̄рако вива̄дака̄рако бхассака̄рако сан̇гхе адхикаран̣ака̄рако. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху бхан̣д̣анака̄рако калахака̄рако вива̄дака̄рако бхассака̄рако сан̇гхе адхикаран̣ака̄рако. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато адхаммена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – адхаммена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато адхаммена самаггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммапатирӯпакена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена самагга̄.

408. идха пана, бхиккхаве, бхиккху бхан̣д̣анака̄рако хоти калахака̄рако вива̄дака̄рако бхассака̄рако сан̇гхе адхикаран̣ака̄рако. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху бхан̣д̣анака̄рако калахака̄рако вива̄дака̄рако бхассака̄рако сан̇гхе адхикаран̣ака̄рако. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – адхаммена самагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато адхаммена самаггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммапатирӯпакена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммапатирӯпакена самаггехи. хандасса майам̣ таджджанӣйакаммам̣ карома̄’ти. те тасса таджджанӣйакаммам̣ каронти – адхаммена вагга̄.

409. идха пана, бхиккхаве, бхиккху бхан̣д̣анака̄рако хоти калахака̄рако вива̄дака̄рако бхассака̄рако сан̇гхе адхикаран̣ака̄рако. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху бхан̣д̣анака̄рако калахака̄рако вива̄дака̄рако бхассака̄рако сан̇гхе адхикаран̣ака̄рако. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммапатирӯпакена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммапатирӯпакена самаггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – адхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато адхаммена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – адхаммена самагга̄.

410. идха пана, бхиккхаве, бхиккху бхан̣д̣анака̄рако хоти калахака̄рако вива̄дака̄рако бхассака̄рако сан̇гхе адхикаран̣ака̄рако. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху бхан̣д̣анака̄рако калахака̄рако вива̄дака̄рако бхассака̄рако сан̇гхе адхикаран̣ака̄рако. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммапатирӯпакена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммапатирӯпакена самаггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – адхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато адхаммена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – адхаммена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато адхаммена самаггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммена вагга̄.

411. идха пана, бхиккхаве, бхиккху бхан̣д̣анака̄рако хоти калахака̄рако вива̄дака̄рако бхассака̄рако сан̇гхе адхикаран̣ака̄рако. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху бхан̣д̣анака̄рако калахака̄рако вива̄дака̄рако бхассака̄рако сан̇гхе адхикаран̣ака̄рако. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена самагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммапатирӯпакена самаггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – адхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато адхаммена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – адхаммена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато адхаммена самаггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато дхаммена ваггехи. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена вагга̄.

таджджанӣйакаммакатха̄ нит̣т̣хита̄.

243. нийассакаммакатха̄

412. идха пана, бхиккхаве, бхиккху ба̄ло хоти абйатто а̄паттибахуло анапада̄но, гихисам̣сат̣т̣хо вихарати анануломикехи гихисам̣саггехи. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху ба̄ло абйатто а̄паттибахуло анапада̄но, гихисам̣сат̣т̣хо вихарати анануломикехи гихисам̣саггехи. хандасса майам̣ нийассакаммам̣ карома̄’’ти. те тасса нийассакаммам̣ каронти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена нийассакаммакато адхаммена ваггехи. хандасса майам̣ нийассакаммам̣ карома̄’’ти. те тасса нийассакаммам̣ каронти – адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

йатха̄ хет̣т̣ха̄, татха̄ чаккам̣ ка̄таббам̣.

нийассакаммакатха̄ нит̣т̣хита̄.

244. пабба̄джанӣйакаммакатха̄

413. идха пана, бхиккхаве, бхиккху куладӯсако хоти па̄пасама̄ча̄ро. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху куладӯсако па̄пасама̄ча̄ро. хандасса майам̣ пабба̄джанӣйакаммам̣ карома̄’’ти. те тасса пабба̄джанӣйакаммам̣ каронти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена пабба̄джанӣйакаммакато адхаммена ваггехи. хандасса майам̣ пабба̄джанӣйакаммам̣ карома̄’’ти. те тасса пабба̄джанӣйакаммам̣ каронти – адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

чаккам̣ ка̄таббам̣.

пабба̄джанӣйакаммаката̄ нит̣т̣хита̄.

245. пат̣иса̄ран̣ӣйакаммакатха̄

414. идха пана, бхиккхаве, бхиккху гихӣ аккосати парибха̄сати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху гихӣ аккосати парибха̄сати. хандасса майам̣ пат̣иса̄ран̣ӣйакаммам̣ карома̄’’ти. те тасса пат̣иса̄ран̣ӣйакаммам̣ каронти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена пат̣иса̄ран̣ӣйакаммакато адхаммена ваггехи. хандасса майам̣ пат̣иса̄ран̣ӣйакаммам̣ карома̄’’ти. те тасса пат̣иса̄ран̣ӣйакаммам̣ каронти – адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

чаккам̣ ка̄таббам̣.

пат̣иса̄ран̣ӣйакаммакатха̄ нит̣т̣хита̄.

246. адассане уккхепанӣйакаммакатха̄

415. идха пана, бхиккхаве, бхиккху а̄паттим̣ а̄паджджитва̄ на иччхати а̄паттим̣ пасситум̣. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху а̄паттим̣ а̄паджджитва̄ на иччхати а̄паттим̣ пасситум̣. хандасса майам̣ а̄паттийа̄ адассане уккхепанӣйакаммам̣ карома̄’’ти. те тасса а̄паттийа̄ адассане уккхепанӣйакаммам̣ каронти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена а̄паттийа̄ адассане уккхепанӣйакаммакато адхаммена ваггехи. хандасса майам̣ а̄паттийа̄ адассане уккхепанӣйакаммам̣ карома̄’’ти. те тасса а̄паттийа̄ адассане уккхепанӣйакаммам̣ каронти – адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

чаккам̣ ка̄таббам̣.

адассане уккхепанӣйакаммакатха̄ нит̣т̣хита̄.

247. аппат̣икамме уккхепанӣйакаммакатха̄

416. идха пана, бхиккхаве, бхиккху а̄паттим̣ а̄паджджитва̄ на иччхати а̄паттим̣ пат̣ика̄тум̣. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху а̄паттим̣ а̄паджджитва̄ на иччхати а̄паттим̣ пат̣ика̄тум̣. хандасса майам̣ а̄паттийа̄ аппат̣икамме уккхепанӣйакаммам̣ карома̄’’ти. те тасса а̄паттийа̄ аппат̣икамме уккхепанӣйакаммам̣ каронти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена а̄паттийа̄ аппат̣икамме уккхепанӣйакаммакато адхаммена ваггехи. хандасса майам̣ а̄паттийа̄ аппат̣икамме уккхепанӣйакаммам̣ карома̄’’ти. те тасса а̄паттийа̄ аппат̣икамме уккхепанӣйакаммам̣ каронти – адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

чаккам̣ ка̄таббам̣.

аппат̣икамме уккхепанӣйакаммакатха̄ нит̣т̣хита̄.

248. аппат̣иниссагге уккхепанӣйакаммакатха̄

417. идха пана, бхиккхаве, бхиккху на иччхати па̄пикам̣ дит̣т̣хим̣ пат̣иниссаджджитум̣. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху на иччхати па̄пикам̣ дит̣т̣хим̣ пат̣иниссаджджитум̣. хандасса майам̣ па̄пика̄йа дит̣т̣хийа̄ аппат̣иниссагге уккхепанӣйакаммам̣ карома̄’’ти. те тасса па̄пика̄йа дит̣т̣хийа̄ аппат̣иниссагге уккхепанӣйакаммам̣ каронти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена па̄пика̄йа дит̣т̣хийа̄ аппат̣иниссагге уккхепанӣйакаммакато адхаммена ваггехи. хандасса майам̣ па̄пика̄йа дит̣т̣хийа̄ аппат̣иниссагге уккхепанӣйакаммам̣ карома̄’’ти. те тасса па̄пика̄йа дит̣т̣хийа̄ аппат̣иниссагге уккхепанӣйакаммам̣ каронти – адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

чаккам̣ ка̄таббам̣.

аппат̣иниссагге уккхепанӣйакаммакатха̄ нит̣т̣хита̄.

249. таджджанӣйакаммапат̣иппассаддхикатха̄

418. идха пана, бхиккхаве, бхиккху сан̇гхена таджджанӣйакаммакато самма̄ ваттати, ломам̣ па̄тети, неттха̄рам̣ ваттати, таджджанӣйасса каммасса пат̣иппассаддхим̣ йа̄чати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато самма̄ ваттати, ломам̣ па̄тети, неттха̄рам̣ ваттати, таджджанӣйасса каммасса пат̣иппассаддхим̣ йа̄чати. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ адхаммена самаггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – адхаммена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ адхаммена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммапатирӯпакена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммапатирӯпакена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммапатирӯпакена самагга̄.

419. идха пана, бхиккхаве, бхиккху сан̇гхена таджджанӣйакаммакато самма̄ ваттати, ломам̣ па̄тети, неттха̄рам̣ ваттати, таджджанӣйасса каммасса пат̣иппассаддхим̣ йа̄чати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато самма̄ ваттати, ломам̣ па̄тети, неттха̄рам̣ ваттати, таджджанӣйасса каммасса пат̣иппассаддхим̣ йа̄чати. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – адхаммена самагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ адхаммена самаггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммапатирӯпакена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммапатирӯпакена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммапатирӯпакена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммапатирӯпакена самаггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – адхаммена вагга̄.

420. идха пана, бхиккхаве, бхиккху сан̇гхена таджджанӣйакаммакато самма̄ ваттати, ломам̣ па̄тети, неттха̄рам̣ ваттати, таджджанӣйасса каммасса пат̣иппассаддхим̣ йа̄чати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато самма̄ ваттати, ломам̣ па̄тети, неттха̄рам̣ ваттати, таджджанӣйасса каммасса пат̣иппассаддхим̣ йа̄чати. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммапатирӯпакена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммапатирӯпакена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммапатирӯпакена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммапатирӯпакена самаггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – адхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ адхаммена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – адхаммена самагга̄.

421. идха пана, бхиккхаве, бхиккху сан̇гхена таджджанӣйакаммакато самма̄ ваттати, ломам̣ па̄тети, неттха̄рам̣ ваттати, таджджанӣйасса каммасса пат̣иппассаддхим̣ йа̄чати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато самма̄ ваттати, ломам̣ па̄тети, неттха̄рам̣ ваттати, таджджанӣйасса каммасса пат̣иппассаддхим̣ йа̄чати. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммапатирӯпакена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммапатирӯпакена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммапатирӯпакена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммапатирӯпакена самаггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – адхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ адхаммена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – адхаммена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ адхаммена самаггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммена вагга̄.

422. идха пана, бхиккхаве, бхиккху сан̇гхена таджджанӣйакаммакато самма̄ ваттати, ломам̣ па̄тети, неттха̄рам̣ ваттати, таджджанӣйасса каммасса пат̣иппассаддхим̣ йа̄чати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена таджджанӣйакаммакато самма̄ ваттати, ломам̣ па̄тети, неттха̄рам̣ ваттати, таджджанӣйасса каммасса пат̣иппассаддхим̣ йа̄чати. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммапатирӯпакена самагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммапатирӯпакена самаггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – адхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ адхаммена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – адхаммена самагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ адхаммена самаггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммена вагга̄. со тамха̄пи а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена таджджанӣйакаммам̣ пат̣иппассаддхам̣ дхаммена ваггехи. хандасса майам̣ таджджанӣйакаммам̣ пат̣иппассамбхема̄’’ти. те тасса таджджанӣйакаммам̣ пат̣иппассамбхенти – дхаммапатирӯпакена вагга̄.

таджджанӣйакаммапат̣иппассаддхикатха̄ нит̣т̣хита̄.

250. нийассакаммапат̣иппассаддхикатха̄

423. идха пана, бхиккхаве, бхиккху сан̇гхена нийассакаммакато самма̄ ваттати, ломам̣ па̄тети, неттха̄рам̣ ваттати, нийассасса каммасса пат̣иппассаддхим̣ йа̄чати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена нийассакаммакато самма̄ ваттати, ломам̣ па̄тети, неттха̄рам̣ ваттати, нийассасса каммасса пат̣иппассаддхим̣ йа̄чати. хандасса майам̣ нийассакаммам̣ пат̣иппассамбхема̄’’ти. те тасса нийассакаммам̣ пат̣иппассамбхенти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена нийассакаммам̣ пат̣иппассаддхам̣ адхаммена ваггехи. хандасса майам̣ нийассакаммам̣ пат̣иппассамбхема̄’’ти. те тасса нийассакаммам̣ пат̣иппассамбхенти – адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

чаккам̣ ка̄таббам̣.

нийассакаммапат̣иппассаддхикатха̄ нит̣т̣хита̄.

251. пабба̄джанӣйакаммапат̣иппассаддхикатха̄

424. идха пана, бхиккхаве, бхиккху сан̇гхена пабба̄джанӣйакаммакато самма̄ ваттати, ломам̣ па̄тети, неттха̄рам̣ ваттати, пабба̄джанӣйасса каммасса пат̣иппассаддхим̣ йа̄чати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена пабба̄джанӣйакаммакато самма̄ ваттати, ломам̣ па̄тети, неттха̄рам̣ ваттати, пабба̄джанӣйасса каммасса пат̣иппассаддхим̣ йа̄чати. хандасса майам̣ пабба̄джанӣйакаммам̣ пат̣иппассамбхема̄’’ти. те тасса пабба̄джанӣйакаммам̣ пат̣иппассамбхенти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена пабба̄джанӣйакаммам̣ пат̣иппассаддхам̣ адхаммена ваггехи. хандасса майам̣ пабба̄джанӣйакаммам̣ пат̣иппассамбхема̄’’ти. те тасса пабба̄джанӣйакаммам̣ пат̣иппассамбхенти – адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

чаккам̣ ка̄таббам̣.

пабба̄джанӣйакаммапат̣иппассаддхикатха̄ нит̣т̣хита̄.

252. пат̣иса̄ран̣ӣйакаммапат̣иппассаддхикатха̄

425. идха пана, бхиккхаве, бхиккху сан̇гхена пат̣иса̄ран̣ӣйакаммакато самма̄ ваттати, ломам̣ па̄тети, неттха̄рам̣ ваттати, пат̣иса̄ран̣ӣйасса каммасса пат̣иппассаддхим̣ йа̄чати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена пат̣иса̄ран̣ӣйакаммакато самма̄ ваттати, ломам̣ па̄тети, неттха̄рам̣ ваттати, пат̣иса̄ран̣ӣйасса каммасса пат̣иппассаддхим̣ йа̄чати. хандасса майам̣ пат̣иса̄ран̣ӣйакаммам̣ пат̣иппассамбхема̄’’ти. те тасса пат̣иса̄ран̣ӣйакаммам̣ пат̣иппассамбхенти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена пат̣иса̄ран̣ӣйакаммам̣ пат̣иппассаддхам̣ адхаммена ваггехи. хандасса майам̣ пат̣иса̄ран̣ӣйакаммам̣ пат̣иппассамбхема̄’’ти. те тасса пат̣иса̄ран̣ӣйакаммам̣ пат̣иппассамбхенти – адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

чаккам̣ ка̄таббам̣.

пат̣иса̄ран̣ӣйакаммапат̣иппассаддхикатха̄ нит̣т̣хита̄.

253. адассане уккхепанӣйакаммапат̣иппассаддхикатха̄

426. идха пана, бхиккхаве, бхиккху сан̇гхена а̄паттийа̄ адассане уккхепанӣйакаммакато самма̄ ваттати, ломам̣ па̄тети, неттха̄рам̣ ваттати, а̄паттийа̄ адассане уккхепанӣйасса каммасса пат̣иппассаддхим̣ йа̄чати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена а̄паттийа̄ адассане уккхепанӣйакаммакато самма̄ ваттати, ломам̣ па̄тети, неттха̄рам̣ ваттати, а̄паттийа̄ адассане уккхепанӣйасса каммасса пат̣иппассаддхим̣ йа̄чати. хандасса майам̣ а̄паттийа̄ адассане уккхепанӣйакаммам̣ пат̣иппассамбхема̄’’ти. те тасса а̄паттийа̄ адассане уккхепанӣйакаммам̣ пат̣иппассамбхенти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена а̄паттийа̄ адассане уккхепанӣйакаммам̣ пат̣иппассаддхам̣ адхаммена ваггехи. хандасса майам̣ а̄паттийа̄ адассане уккхепанӣйакаммам̣ пат̣иппассамбхема̄’’ти. те тасса а̄паттийа̄ адассане уккхепанӣйакаммам̣ пат̣иппассамбхенти – адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

чаккам̣ ка̄таббам̣.

адассане уккхепанӣйакаммапат̣иппассаддхикатха̄ нит̣т̣хита̄.

254. аппат̣икамме уккхепанӣйакаммапат̣иппассаддхикатха̄

427. идха пана, бхиккхаве, бхиккху сан̇гхена а̄паттийа̄ аппат̣икамме уккхепанӣйакаммакато самма̄ ваттати, ломам̣ па̄тети, неттха̄рам̣ ваттати, а̄паттийа̄ аппат̣икамме уккхепанӣйасса каммасса пат̣иппассаддхим̣ йа̄чати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена а̄паттийа̄ аппат̣икамме уккхепанӣйакаммакато самма̄ ваттати, ломам̣ па̄тети, неттха̄рам̣ ваттати, а̄паттийа̄ аппат̣икамме уккхепанӣйасса каммасса пат̣иппассаддхим̣ йа̄чати. хандасса майам̣ а̄паттийа̄ аппат̣икамме уккхепанӣйакаммам̣ пат̣иппассамбхема̄’’ти. те тасса а̄паттийа̄ аппат̣икамме уккхепанӣйакаммам̣ пат̣иппассамбхенти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена а̄паттийа̄ аппат̣икамме уккхепанӣйакаммам̣ пат̣иппассаддхам̣ – адхаммена ваггехи. хандасса майам̣ а̄паттийа̄ аппат̣икамме уккхепанӣйакаммам̣ пат̣иппассамбхема̄’’ти. те тасса а̄паттийа̄ аппат̣икамме уккхепанӣйакаммам̣ пат̣иппассамбхенти – адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

чаккам̣ ка̄таббам̣.

аппат̣икамме уккхепанӣйакаммапат̣иппассаддхикатха̄ нит̣т̣хита̄.

255. аппат̣иниссагге уккхепанӣйакаммапат̣иппассаддхикатха̄

428. идха пана, бхиккхаве, бхиккху сан̇гхена па̄пика̄йа дит̣т̣хийа̄ аппат̣иниссагге уккхепанӣйакаммакато самма̄ ваттати, ломам̣ па̄тети, неттха̄рам̣ ваттати, па̄пика̄йа дит̣т̣хийа̄ аппат̣иниссагге уккхепанӣйасса каммасса пат̣иппассаддхим̣ йа̄чати. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху сан̇гхена па̄пика̄йа дит̣т̣хийа̄ аппат̣иниссагге уккхепанӣйакаммакато самма̄ ваттати, ломам̣ па̄тети, неттха̄рам̣ ваттати, па̄пика̄йа дит̣т̣хийа̄ аппат̣иниссагге уккхепанӣйасса каммасса пат̣иппассаддхим̣ йа̄чати. хандасса майам̣ па̄пика̄йа дит̣т̣хийа̄ аппат̣иниссагге уккхепанӣйакаммам̣ пат̣иппассамбхема̄’’ти. те тасса па̄пика̄йа дит̣т̣хийа̄ аппат̣иниссагге уккхепанӣйакаммам̣ пат̣иппассамбхенти – адхаммена вагга̄. со тамха̄ а̄ва̄са̄ ан̃н̃ам̣ а̄ва̄сам̣ гаччхати. таттхапи бхиккхӯнам̣ евам̣ хоти – ‘‘имасса кхо, а̄вусо, бхиккхуно сан̇гхена па̄пика̄йа дит̣т̣хийа̄ аппат̣иниссагге уккхепанӣйакаммам̣ пат̣иппассаддхам̣ – адхаммена ваггехи. хандасса майам̣ па̄пика̄йа дит̣т̣хийа̄ аппат̣иниссагге уккхепанӣйакаммам̣ пат̣иппассамбхема̄’’ти. те тасса па̄пика̄йа дит̣т̣хийа̄ аппат̣иниссагге уккхепанӣйакаммам̣ пат̣иппассамбхенти… адхаммена самагга̄…пе… дхаммена вагга̄… дхаммапатирӯпакена вагга̄… дхаммапатирӯпакена самагга̄…пе….

чаккам̣ ка̄таббам̣.

аппат̣иниссагге уккхепанӣйакаммапат̣иппассаддхикатха̄ нит̣т̣хита̄.

256. таджджанӣйакаммавива̄дакатха̄

429. идха пана, бхиккхаве, бхиккху бхан̣д̣анака̄рако хоти калахака̄рако вива̄дака̄рако бхассака̄рако сан̇гхе адхикаран̣ака̄рако. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху бхан̣д̣анака̄рако…пе… сан̇гхе адхикаран̣ака̄рако. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – адхаммена вагга̄. татрат̣т̣хо сан̇гхо вивадати – ‘‘адхаммена ваггакаммам̣, адхаммена самаггакаммам̣, дхаммена ваггакаммам̣, дхаммапатирӯпакена ваггакаммам̣, дхаммапатирӯпакена самаггакаммам̣, акатам̣ каммам̣ дуккат̣ам̣ каммам̣ пуна ка̄таббам̣ камма’’нти. татра, бхиккхаве, йе те бхиккхӯ евама̄хам̣су – ‘‘адхаммена ваггакамма’’нти, йе ча те бхиккхӯ евама̄хам̣су – ‘‘акатам̣ каммам̣ дуккат̣ам̣ каммам̣ пуна ка̄таббам̣ камма’’нти, име таттха бхиккхӯ дхаммава̄дино.

430. идха пана, бхиккхаве, бхиккху бхан̣д̣анака̄рако хоти…пе… сан̇гхе адхикаран̣ака̄рако. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху бхан̣д̣анака̄рако…пе… сан̇гхе адхикаран̣ака̄рако. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – адхаммена самагга̄. татрат̣т̣хо сан̇гхо вивадати – ‘‘адхаммена ваггакаммам̣, адхаммена самаггакаммам̣, дхаммена ваггакаммам̣, дхаммапатирӯпакена ваггакаммам̣, дхаммапатирӯпакена самаггакаммам̣, акатам̣ каммам̣ дуккат̣ам̣ каммам̣ пуна ка̄таббам̣ камма’’нти. татра, бхиккхаве, йе те бхиккхӯ евама̄хам̣су – ‘‘адхаммена самаггакамма’’нти, йе ча те бхиккхӯ евама̄хам̣су – ‘‘акатам̣ каммам̣ дуккат̣ам̣ каммам̣ пуна ка̄таббам̣ камма’’нти, име таттха бхиккхӯ дхаммава̄дино.

431. идха пана, бхиккхаве, бхиккху бхан̣д̣анака̄рако хоти…пе… сан̇гхе адхикаран̣ака̄рако. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху бхан̣д̣анака̄рако…пе… сан̇гхе адхикаран̣ака̄рако хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммена вагга̄. татрат̣т̣хо сан̇гхо вивадати – ‘‘адхаммена ваггакаммам̣, адхаммена самаггакаммам̣, дхаммена ваггакаммам̣, дхаммапатирӯпакена ваггакаммам̣, дхаммапатирӯпакена самаггакаммам̣, акатам̣ каммам̣ дуккат̣ам̣ каммам̣ пуна ка̄таббам̣ камма’’нти. татра, бхиккхаве, йе те бхиккхӯ евама̄хам̣су – ‘‘дхаммена ваггакамма’’нти, йе ча те бхиккхӯ евама̄хам̣су – ‘‘акатам̣ каммам̣ дуккат̣ам̣ каммам̣ пуна ка̄таббам̣ камма’’нти, име таттха бхиккхӯ дхаммава̄дино.

432. идха пана, бхиккхаве, бхиккху бхан̣д̣анака̄рако хоти…пе… сан̇гхе адхикаран̣ака̄рако. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху бхан̣д̣анака̄рако…пе… сан̇гхе адхикаран̣ака̄рако. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена вагга̄. татрат̣т̣хо сан̇гхо вивадати – ‘‘адхаммена ваггакаммам̣, адхаммена самаггакаммам̣, дхаммена ваггакаммам̣, дхаммапатирӯпакена ваггакаммам̣, дхаммапатирӯпакена самаггакаммам̣, акатам̣ каммам̣ дуккат̣ам̣ каммам̣ пуна ка̄таббам̣ камма’’нти. татра, бхиккхаве, йе те бхиккхӯ евама̄хам̣су – ‘‘дхаммапатирӯпакена самаггакамма’’нти, йе ча те бхиккхӯ евама̄хам̣су – ‘‘акатам̣ каммам̣ дуккат̣ам̣ каммам̣ пуна ка̄таббам̣ камма’’нти, име таттха бхиккхӯ дхаммава̄дино.

433. идха пана, бхиккхаве, бхиккху бхан̣д̣анака̄рако хоти…пе… сан̇гхе адхикаран̣ака̄рако. татра че бхиккхӯнам̣ евам̣ хоти – ‘‘айам̣ кхо, а̄вусо, бхиккху бхан̣д̣анака̄рако хоти…пе… сан̇гхе адхикаран̣ака̄рако. хандасса майам̣ таджджанӣйакаммам̣ карома̄’’ти. те тасса таджджанӣйакаммам̣ каронти – дхаммапатирӯпакена самагга̄. татрат̣т̣хо сан̇гхо вивадати – ‘‘адхаммена ваггакаммам̣, адхаммена самаггакаммам̣, дхаммена ваггакаммам̣, дхаммапатирӯпакена ваггакаммам̣, дхаммапатирӯпакена самаггакаммам̣, акатам̣ каммам̣ дуккат̣ам̣ каммам̣ пуна ка̄таббам̣ камма’’нти. татра, бхиккхаве, йе те бхиккхӯ евама̄хам̣су – ‘‘дхаммапатирӯпакена самаггакамма’’нти, йе ча те бхиккхӯ евама̄хам̣су – ‘‘акатам̣ каммам̣ дуккат̣ам̣ каммам̣ пуна ка̄таббам̣ камма’’нти, име таттха бхиккхӯ дхаммава̄дино.

таджджанӣйакаммавива̄дакатха̄ нит̣т̣хита̄.

257. нийассакаммавива̄дакатха̄