7. катхинаккхандхако

187. катхина̄нуджа̄нана̄

306. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена тим̣саматта̄ па̄веййака̄ [па̄т̣хеййака̄ (сӣ. сйа̄.)] бхиккхӯ, саббе а̄ран̃н̃ика̄ саббе пин̣д̣апа̄тика̄ саббе пам̣сукӯлика̄ саббе течӣварика̄ са̄ваттхим̣ а̄гаччханта̄ бхагавантам̣ дассана̄йа упакат̣т̣ха̄йа вассӯпана̄йика̄йа на̄саккхим̣су са̄ваттхийам̣ вассӯпана̄йикам̣ самбха̄ветум̣; антара̄магге са̄кете вассам̣ упагаччхим̣су. те уккан̣т̣хитарӯпа̄ вассам̣ васим̣су – а̄саннева но бхагава̄ вихарати ито чхасу йоджанесу, на ча майам̣ лабха̄ма бхагавантам̣ дассана̄йа̄ти. атха кхо те бхиккхӯ вассам̣вут̣т̣ха̄, тема̄саччайена ката̄йа пава̄ран̣а̄йа, деве вассанте, удакасан̇гахе удакачиккхалле окапун̣н̣ехи чӣварехи килантарӯпа̄ йена са̄ваттхи джетаванам̣ ана̄тхапин̣д̣икасса а̄ра̄мо, йена бхагава̄ тенупасан̇камим̣су; упасан̇камитва̄ бхагавантам̣ абхива̄детва̄ екамантам̣ нисӣдим̣су. а̄чин̣н̣ам̣ кхо панетам̣ буддха̄нам̣ бхагаванта̄нам̣ а̄гантукехи бхиккхӯхи саддхим̣ пат̣исаммодитум̣. атха кхо бхагава̄ те бхиккхӯ етадавоча – ‘‘каччи, бхиккхаве, кхаманӣйам̣, каччи йа̄панӣйам̣, каччи самагга̄ саммодама̄на̄ авивадама̄на̄ пха̄сукам̣ вассам̣ васиттха, на ча пин̣д̣акена киламиттха̄’’ти? ‘‘кхаманӣйам̣, бхагава̄; йа̄панӣйам̣, бхагава̄; самагга̄ ча майам̣, бханте, саммодама̄на̄ авивадама̄на̄ вассам̣ васимха̄, на ча пин̣д̣акена киламимха̄. идха майам̣, бханте, тим̣саматта̄ па̄веййака̄ бхиккхӯ са̄ваттхим̣ а̄гаччханта̄ бхагавантам̣ дассана̄йа упакат̣т̣ха̄йа вассӯпана̄йика̄йа на̄саккхимха̄ са̄ваттхийам̣ вассӯпана̄йикам̣ самбха̄ветум̣, антара̄магге са̄кете вассам̣ упагаччхимха̄. те майам̣, бханте, уккан̣т̣хитарӯпа̄ вассам̣ васимха̄ – ‘а̄саннева но бхагава̄ вихарати ито чхасу йоджанесу, на ча майам̣ лабха̄ма бхагавантам̣ дассана̄йа̄’ти. атха кхо майам̣, бханте, вассам̣вут̣т̣ха̄, тема̄саччайена ката̄йа пава̄ран̣а̄йа, деве вассанте, удакасан̇гахе удакачиккхалле окапун̣н̣ехи чӣварехи килантарӯпа̄ аддха̄нам̣ а̄гата̄ти. атха кхо бхагава̄ етасмим̣ нида̄не етасмим̣ пакаран̣е дхаммим̣ катхам̣ катва̄ бхиккхӯ а̄мантеси – ‘‘ануджа̄на̄ми, бхиккхаве, вассам̣вут̣т̣ха̄нам̣ бхиккхӯнам̣ катхинам̣ [кат̣хинам̣ (сӣ. сйа̄.)] аттхаритум̣. аттхатакатхина̄нам̣ во, бхиккхаве, пан̃ча капписсанти – ана̄мантача̄ро, асама̄да̄нача̄ро, ган̣абходжанам̣, йа̄вадаттхачӣварам̣, йо ча таттха чӣваруппа̄до со несам̣ бхависсатӣти. аттхатакатхина̄нам̣ во, бхиккхаве, има̄ни пан̃ча капписсанти. еван̃ча пана, бхиккхаве, катхинам̣ аттхаритаббам̣. бйаттена бхиккхуна̄ пат̣ибалена сан̇гхо н̃а̄петаббо –

307. ‘‘сун̣а̄ту ме, бханте, сан̇гхо. идам̣ сан̇гхасса катхинадуссам̣ уппаннам̣. йади сан̇гхасса паттакаллам̣, сан̇гхо имам̣ катхинадуссам̣ иттханна̄масса бхиккхуно дадеййа катхинам̣ аттхаритум̣. еса̄ н̃атти.

‘‘сун̣а̄ту ме, бханте, сан̇гхо. идам̣ сан̇гхасса катхинадуссам̣ уппаннам̣. сан̇гхо имам̣ катхинадуссам̣ иттханна̄масса бхиккхуно дети катхинам̣ аттхаритум̣. йасса̄йасмато кхамати имасса катхинадуссасса иттханна̄масса бхиккхуно да̄нам̣ катхинам̣ аттхаритум̣, со тун̣хасса; йасса наккхамати, со бха̄сеййа.

‘‘диннам̣ идам̣ сан̇гхена катхинадуссам̣ иттханна̄масса бхиккхуно катхинам̣ аттхаритум̣. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

308. ‘‘евам̣ кхо, бхиккхаве, аттхатам̣ хоти катхинам̣, евам̣ анаттхатам̣. катхан̃ча пана, бхиккхаве, анаттхатам̣ хоти катхинам̣? на улликхитаматтена аттхатам̣ хоти катхинам̣, на дхованаматтена аттхатам̣ хоти катхинам̣, на чӣваравича̄ран̣аматтена [на ган̣т̣усакаран̣аматтена (ка.)] аттхатам̣ хоти катхинам̣, на чхеданаматтена аттхатам̣ хоти катхинам̣, на бандханаматтена аттхатам̣ хоти катхинам̣, на оват̣т̣ийакаран̣аматтена [на оват̣т̣еййакаран̣аматтена (сӣ. сйа̄.), на овадеййакаран̣аматтена (ка.)] аттхатам̣ хоти катхинам̣, на кан̣д̣усакаран̣аматтена аттхатам̣ хоти катхинам̣, на дал̣хӣкаммакаран̣аматтена аттхатам̣ хоти катхинам̣, на анува̄такаран̣аматтена аттхатам̣ хоти катхинам̣, на парибхан̣д̣акаран̣аматтена аттхатам̣ хоти катхинам̣, на оваддхеййакаран̣аматтена аттхатам̣ хоти катхинам̣, на камбаламадданаматтена аттхатам̣ хоти катхинам̣, на нимиттакатена аттхатам̣ хоти катхинам̣, на парикатха̄катена аттхатам̣ хоти катхинам̣, на куккукатена аттхатам̣ хоти катхинам̣, на саннидхикатена аттхатам̣ хоти катхинам̣, на ниссаггийена аттхатам̣ хоти катхинам̣, на акаппакатена аттхатам̣ хоти катхинам̣, на ан̃н̃атра сан̇гха̄т̣ийа̄ аттхатам̣ хоти катхинам̣, на ан̃н̃атра уттара̄сан̇гена аттхатам̣ хоти катхинам̣, на ан̃н̃атра антарава̄сакена аттхатам̣ хоти катхинам̣, на ан̃н̃атра пан̃чакена ва̄ атирекапан̃чакена ва̄ тадахева сан̃чхиннена саман̣д̣алӣкатена аттхатам̣ хоти катхинам̣, на ан̃н̃атра пуггаласса аттха̄ра̄ аттхатам̣ хоти катхинам̣; самма̄ чева аттхатам̣ хоти катхинам̣, тан̃че ниссӣмат̣т̣хо анумодати, евампи анаттхатам̣ хоти катхинам̣. евам̣ кхо, бхиккхаве, анаттхатам̣ хоти катхинам̣.

309. ‘‘катхан̃ча, бхиккхаве, аттхатам̣ хоти катхинам̣? ахатена аттхатам̣ хоти катхинам̣, ахатакаппена аттхатам̣ хоти катхинам̣, пилотика̄йа аттхатам̣ хоти катхинам̣, пам̣сукӯлена аттхатам̣ хоти катхинам̣, па̄пан̣икена аттхатам̣ хоти катхинам̣, анимиттакатена аттхатам̣ хоти катхинам̣, апарикатха̄катена аттхатам̣ хоти катхинам̣, акуккукатена аттхатам̣ хоти катхинам̣, асаннидхикатена аттхатам̣ хоти катхинам̣, аниссаггийена аттхатам̣ хоти катхинам̣, каппакатена аттхатам̣ хоти катхинам̣, сан̇гха̄т̣ийа̄ аттхатам̣ хоти катхинам̣, уттара̄сан̇гена аттхатам̣ хоти катхинам̣, антарава̄сакена аттхатам̣ хоти катхинам̣, пан̃чакена ва̄ атирекапан̃чакена ва̄ тадахева сан̃чхиннена саман̣д̣алӣкатена аттхатам̣ хоти катхинам̣, пуггаласса аттха̄ра̄ аттхатам̣ хоти катхинам̣; самма̄ че аттхатам̣ хоти катхинам̣, тан̃че сӣмат̣т̣хо анумодати, евампи аттхатам̣ хоти катхинам̣. евам̣ кхо, бхиккхаве, аттхатам̣ хоти катхинам̣.

310. ‘‘катхан̃ча, бхиккхаве, уббхатам̣ хоти катхинам̣? ат̣т̣хима̄, бхиккхаве, ма̄тика̄ катхинасса уббха̄ра̄йа – паккаманантика̄, нит̣т̣ха̄нантика̄, саннит̣т̣ха̄нантика̄, на̄санантика̄, саванантика̄, а̄са̄ваччхедика̄, сӣма̄тиккантика̄, сахуббха̄ра̄’’ти [сауббха̄ра̄ти (ка.)].

катхина̄нуджа̄нана̄ нит̣т̣хита̄.

188. а̄да̄йасаттакам̣

311. бхиккху аттхатакатхино катачӣварам̣ а̄да̄йа паккамати – ‘‘на паччесса’’нти. тасса бхиккхуно паккаманантико катхинуддха̄ро.

бхиккху аттхатакатхино чӣварам̣ а̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино чӣварам̣ а̄да̄йа паккамати. тасса бахисӣмагатасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино чӣварам̣ а̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино чӣварам̣ а̄да̄йа паккамати – ‘‘паччесса’’нти. со бахисӣмагато там̣ чӣварам̣ ка̄рети. со катачӣваро сун̣а̄ти ‘‘уббхатам̣ кира тасмим̣ а̄ва̄се катхина’’нти. тасса бхиккхуно саванантико катхинуддха̄ро.

бхиккху аттхатакатхино чӣварам̣ а̄да̄йа паккамати – ‘‘паччесса’’нти. со бахисӣмагато там̣ чӣварам̣ ка̄рети. со катачӣваро – ‘‘паччессам̣ паччесса’’нти – бахиддха̄ катхинуддха̄рам̣ вӣтина̄мети. тасса бхиккхуно сӣма̄тиккантико катхинуддха̄ро.

бхиккху аттхатакатхино чӣварам̣ а̄да̄йа паккамати – ‘‘паччесса’’нти. со бахисӣмагато там̣ чӣварам̣ ка̄рети. со катачӣваро – ‘‘паччессам̣ паччесса’’нти – самбхун̣а̄ти катхинуддха̄рам̣. тасса бхиккхуно саха бхиккхӯхи катхинуддха̄ро.

а̄да̄йасаттакам̣ нит̣т̣хитам̣ […дутийам̣ нит̣т̣хитам̣ (ка.)].

189. сама̄да̄йасаттакам̣

312. бхиккху аттхатакатхино катачӣварам̣ сама̄да̄йа паккамати ‘‘на паччесса’’нти. тасса бхиккхуно паккаманантико катхинуддха̄ро.

бхиккху аттхатакатхино чӣварам̣ сама̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино чӣварам̣ сама̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино чӣварам̣ сама̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино чӣварам̣ сама̄да̄йа паккамати – ‘‘паччесса’’нти. со бахисӣмагато там̣ чӣварам̣ ка̄рети. со катачӣваро сун̣а̄ти – ‘‘уббхатам̣ кира тасмим̣ а̄ва̄се катхина’’нти. тасса бхиккхуно саванантико катхинуддха̄ро.

бхиккху аттхатакатхино чӣварам̣ сама̄да̄йа паккамати – ‘‘паччесса’’нти. со бахисӣмагато там̣ чӣварам̣ ка̄рети. со катачӣваро – ‘‘паччессам̣ паччесса’’нти – бахиддха̄ катхинуддха̄рам̣ вӣтина̄мети. тасса бхиккхуно сӣма̄тиккантико катхинуддха̄ро.

бхиккху аттхатакатхино чӣварам̣ сама̄да̄йа паккамати – ‘‘паччесса’’нти. со бахисӣмагато там̣ чӣварам̣ ка̄рети. со катачӣваро – ‘‘паччессам̣ паччесса’’нти – самбхун̣а̄ти катхинуддха̄рам̣. тасса бхиккхуно саха бхиккхӯхи катхинуддха̄ро.

сама̄да̄йасаттакам̣ нит̣т̣хитам̣.

190. а̄да̄йачхаккам̣

313. бхиккху аттхатакатхино виппакатачӣварам̣ а̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ а̄да̄йа паккамати. тасса бахисӣмагатасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ а̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣ на паччесса’’нти. со там̣ чӣварам̣ ка̄рети. тассам̣ там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино виппакатачӣварам̣ а̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро сун̣а̄ти – ‘‘уббхатам̣ кира тасмим̣ а̄ва̄се катхина’’нти. тасса бхиккхуно саванантико катхинуддха̄ро.

бхиккху аттхатакатхино виппакатачӣварам̣ а̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро ‘‘паччессам̣ паччесса’’нти бахиддха̄ катхинуддха̄рам̣ вӣтина̄мети. тасса бхиккхуно сӣма̄тиккантико катхинуддха̄ро.

бхиккху аттхатакатхино виппакатачӣварам̣ а̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро ‘‘паччессам̣ паччесса’’нти самбхун̣а̄ти катхинуддха̄рам̣. тасса бхиккхуно саха бхиккхӯхи катхинуддха̄ро.

а̄да̄йачхаккам̣ нит̣т̣хитам̣.

191. сама̄да̄йачхаккам̣

314. бхиккху аттхатакатхино виппакатачӣварам̣ сама̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати. тасса бахисӣмагатасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро сун̣а̄ти – ‘‘уббхатам̣ кира тасмим̣ а̄ва̄се катхина’’нти. тасса бхиккхуно саванантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро ‘‘паччессам̣ паччесса’’нти бахиддха̄ катхинуддха̄рам̣ вӣтина̄мети. тасса бхиккхуно сӣма̄тиккантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро ‘‘паччессам̣ паччесса’’нти самбхун̣а̄ти катхинуддха̄рам̣. тасса бхиккхуно саха бхиккхӯхи катхинуддха̄ро.

сама̄да̄йачхаккам̣ нит̣т̣хитам̣.

192. а̄да̄йапаннарасакам̣

315. бхиккху аттхатакатхино чӣварам̣ а̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино чӣварам̣ а̄да̄йа паккамати. тасса бахисӣмагатасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино чӣварам̣ а̄да̄йа паккамати. тасса бахисӣмагатасса евам̣ хоти –

‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

тикам̣.

бхиккху аттхатакатхино чӣварам̣ а̄да̄йа паккамати ‘‘на паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄ресса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино чӣварам̣ а̄да̄йа паккамати ‘‘на паччесса’’нти. тасса бахисӣмагатасса евам̣ хоти – ‘‘невимам̣ чӣварам̣ ка̄ресса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино чӣварам̣ а̄да̄йа паккамати ‘‘на паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄ресса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

тикам̣.

бхиккху аттхатакатхино чӣварам̣ а̄да̄йа паккамати анадхит̣т̣хитена; невасса хоти ‘‘паччесса’’нти, на панасса хоти ‘‘на паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино чӣварам̣ а̄да̄йа паккамати анадхит̣т̣хитена; невасса хоти ‘‘паччесса’’нти, на панасса хоти ‘‘на паччесса’’нти. тасса бахисӣмагатасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино чӣварам̣ а̄да̄йа паккамати анадхит̣т̣хитена; невасса хоти ‘‘паччесса’’нти, на панасса хоти ‘‘на паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

тикам̣.

бхиккху аттхатакатхино чӣварам̣ а̄да̄йа паккамати ‘‘паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино чӣварам̣ а̄да̄йа паккамати ‘‘паччесса’’нти. тасса бахисӣмагатасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино чӣварам̣ а̄да̄йа паккамати ‘‘паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино чӣварам̣ а̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро сун̣а̄ти – ‘‘уббхатам̣ кира тасмим̣ а̄ва̄се катхина’’нти. тасса бхиккхуно саванантико катхинуддха̄ро.

бхиккху аттхатакатхино чӣварам̣ а̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро ‘‘паччессам̣ паччесса’’нти – бахиддха̄ катхинуддха̄рам̣ вӣтина̄мети. тасса бхиккхуно сӣма̄тиккантико катхинуддха̄ро.

бхиккху аттхатакатхино чӣварам̣ а̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро – ‘‘паччессам̣ паччесса’’нти самбхун̣а̄ти катхинуддха̄рам̣. тасса бхиккхуно саха бхиккхӯхи катхинуддха̄ро.

чхаккам̣.

а̄да̄йапаннарасакам̣ нит̣т̣хитам̣.

193. сама̄да̄йапаннарасака̄ди

316. бхиккху аттхатакатхино чӣварам̣ сама̄да̄йа паккамати…пе….

(а̄да̄йава̄расадисам̣ евам̣ виттха̄ретаббам̣.)

бхиккху аттхатакатхино виппакатачӣварам̣ а̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро…пе….

(сама̄да̄йава̄расадисам̣ евам̣ виттха̄ретаббам̣.)

сама̄да̄йапаннарасака̄ди нит̣т̣хита̄.

194. виппакатасама̄да̄йапаннарасакам̣

317. бхиккху аттхатакатхино виппакатачӣварам̣ сама̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати. тасса бахисӣмагатасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

тикам̣.

бхиккху аттхатакатхино виппакатачӣварам̣ сама̄да̄йа паккамати ‘‘на паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄ресса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати ‘‘на паччесса’’нти. тасса бахисӣмагатасса евам̣ хоти – ‘‘невимам̣ чӣварам̣ ка̄ресса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати ‘‘на паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄ресса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

тикам̣.

бхиккху аттхатакатхино виппакатачӣварам̣ сама̄да̄йа паккамати анадхит̣т̣хитена; невасса хоти – ‘‘паччесса’’нти, на панасса хоти – ‘‘на паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати анадхит̣т̣хитена; невасса хоти – ‘‘паччесса’’нти, на панасса хоти – ‘‘на паччесса’’нти. тасса бахисӣмагатасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати анадхит̣т̣хитена; невасса хоти – ‘‘паччесса’’нти, на панасса хоти – ‘‘на паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

тикам̣.

бхиккху аттхатакатхино виппакатачӣварам̣ сама̄да̄йа паккамати ‘‘паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати ‘‘паччесса’’нти. тасса бахисӣмагатасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати ‘‘паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро сун̣а̄ти – ‘‘уббхатам̣ кира тасмим̣ а̄ва̄се катхина’’нти. тасса бхиккхуно саванантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро – ‘‘паччессам̣ паччесса’’нти бахиддха̄ катхинуддха̄рам̣ вӣтина̄мети. тасса бхиккхуно сӣма̄тиккантико катхинуддха̄ро.

бхиккху аттхатакатхино виппакатачӣварам̣ сама̄да̄йа паккамати ‘‘паччесса’’нти. со бахисӣмагато там̣ чӣварам̣ ка̄рети. со катачӣваро ‘‘паччессам̣ паччесса’’нти самбхун̣а̄ти катхинуддха̄рам̣. тасса бхиккхуно саха бхиккхӯхи катхинуддха̄ро.

чхаккам̣.

виппакатасама̄да̄йапаннарасакам̣ нит̣т̣хитам̣.

а̄да̄йабха̄н̣ава̄ро.

195. ана̄са̄дол̣асакам̣

318. бхиккху аттхатакатхино чӣвара̄са̄йа паккамати. со бахисӣмагато там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино чӣвара̄са̄йа паккамати. со бахисӣмагато там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино чӣвара̄са̄йа паккамати. со бахисӣмагато там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино чӣвара̄са̄йа паккамати. тасса бахисӣмагатасса евам̣ хоти – ‘‘идхевимам̣ чӣвара̄сам̣ пайирупа̄сиссам̣, на паччесса’’нти. со там̣ чӣвара̄сам̣ пайирупа̄сати. тасса са̄ чӣвара̄са̄ упаччхиджджати. тасса бхиккхуно а̄са̄ваччхедико катхинуддха̄ро.

бхиккху аттхатакатхино чӣвара̄са̄йа паккамати ‘‘на паччесса’’нти. со бахисӣмагато там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄ресса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино чӣвара̄са̄йа паккамати ‘‘на паччесса’’нти. со бахисӣмагато там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘невимам̣ чӣварам̣ ка̄ресса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино чӣвара̄са̄йа паккамати ‘‘на паччесса’’нти. со бахисӣмагато там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄ресса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино чӣвара̄са̄йа паккамати ‘‘на паччесса’’нти. тасса бахисӣмагатасса евам̣ хоти – ‘‘идхевимам̣ чӣвара̄сам̣ пайирупа̄сисса’’нти. со там̣ чӣвара̄сам̣ пайирупа̄сати. тасса са̄ чӣвара̄са̄ упаччхиджджати. тасса бхиккхуно а̄са̄ваччхедико катхинуддха̄ро.

бхиккху аттхатакатхино чӣвара̄са̄йа паккамати анадхит̣т̣хитена; невасса хоти – ‘‘паччессанти, на панасса хоти – ‘‘на паччесса’’нти. со бахисӣмагато там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино чӣвара̄са̄йа паккамати анадхит̣т̣хитена; невасса хоти – ‘‘паччесса’’нти, на панасса хоти – ‘‘на паччесса’’нти. со бахисӣмагато там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино чӣвара̄са̄йа паккамати анадхит̣т̣хитена; невасса хоти – ‘‘паччесса’’нти, на панасса хоти – ‘‘на паччесса’’нти. со бахисӣмагато там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино чӣвара̄са̄йа паккамати анадхит̣т̣хитена; невасса хоти – ‘‘паччесса’’нти, на панасса хоти – ‘‘на паччесса’’нти. тасса бахисӣмагатасса евам̣ хоти – ‘‘идхевимам̣ чӣвара̄сам̣ пайирупа̄сиссам̣, на паччесса’’нти. со там̣ чӣвара̄сам̣ пайирупа̄сати. тасса са̄ чӣвара̄са̄ упаччхиджджати. тасса бхиккхуно а̄са̄ваччхедико катхинуддха̄ро.

ана̄са̄дол̣асакам̣ [ана̄са̄два̄дасакам̣ (сӣ.)] нит̣т̣хитам̣.

196. а̄са̄дол̣асакам̣

319. бхиккху аттхатакатхино чӣвара̄са̄йа паккамати ‘‘паччесса’’нти. со бахисӣмагато там̣ чӣвара̄сам̣ пайирупа̄сати. а̄са̄йа лабхати, ана̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино чӣвара̄са̄йа паккамати ‘‘паччесса’’нти. со бахисӣмагато там̣ чӣвара̄сам̣ пайирупа̄сати. а̄са̄йа лабхати, ана̄са̄йа на лабхати. тасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино чӣвара̄са̄йа паккамати ‘‘паччесса’’нти. со бахисӣмагато там̣ чӣвара̄сам̣ пайирупа̄сати. а̄са̄йа лабхати, ана̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино чӣвара̄са̄йа паккамати ‘‘паччесса’’нти. тасса бахисӣмагатасса евам̣ хоти – ‘‘идхевимам̣ чӣвара̄сам̣ пайирупа̄сиссам̣, на паччесса’’нти. со там̣ чӣвара̄сам̣ пайирупа̄сати. тасса са̄ чӣвара̄са̄ упаччхиджджати. тасса бхиккхуно а̄са̄ваччхедико катхинуддха̄ро.

бхиккху аттхатакатхино чӣвара̄са̄йа паккамати ‘‘паччесса’’нти. со бахисӣмагато сун̣а̄ти – ‘‘уббхатам̣ кира тасмим̣ а̄ва̄се катхина’’нти. тасса евам̣ хоти – ‘‘йато тасмим̣ а̄ва̄се уббхатам̣ катхинам̣, идхевимам̣ чӣвара̄сам̣ пайирупа̄сисса’’нти. со там̣ чӣвара̄сам̣ пайирупа̄сати. а̄са̄йа лабхати, ана̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино чӣвара̄са̄йа паккамати ‘‘паччесса’’нти. со бахисӣмагато сун̣а̄ти – ‘‘уббхатам̣ кира тасмим̣ а̄ва̄се катхина’’нти. тасса евам̣ хоти – ‘‘йато тасмим̣ а̄ва̄се уббхатам̣ катхинам̣, идхевимам̣ чӣвара̄сам̣ пайирупа̄сисса’’нти. со там̣ чӣвара̄сам̣ пайирупа̄сати. а̄са̄йа лабхати, ана̄са̄йа на лабхати. тасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино чӣвара̄са̄йа паккамати ‘‘паччесса’’нти. со бахисӣмагато сун̣а̄ти – ‘‘уббхатам̣ кира тасмим̣ а̄ва̄се катхина’’нти. тасса евам̣ хоти – ‘‘йато тасмим̣ а̄ва̄се уббхатам̣ катхинам̣, идхевимам̣ чӣвара̄сам̣ пайирупа̄сисса’’нти. со там̣ чӣвара̄сам̣ пайирупа̄сати. а̄са̄йа лабхати, ана̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино чӣвара̄са̄йа паккамати ‘‘паччесса’’нти. со бахисӣмагато сун̣а̄ти – ‘‘уббхатам̣ кира тасмим̣ а̄ва̄се катхина’’нти. тасса евам̣ хоти – ‘‘йато тасмим̣ а̄ва̄се уббхатам̣ катхинам̣, идхевимам̣ чӣвара̄сам̣ пайирупа̄сиссам̣, на паччесса’’нти. со там̣ чӣвара̄сам̣ пайирупа̄сати. тасса са̄ чӣвара̄са̄ упаччхиджджати. тасса бхиккхуно а̄са̄ваччхедико катхинуддха̄ро.

бхиккху аттхатакатхино чӣвара̄са̄йа паккамати ‘‘паччесса’’нти. со бахисӣмагато там̣ чӣвара̄сам̣ пайирупа̄сати. а̄са̄йа лабхати, ана̄са̄йа на лабхати. со там̣ чӣварам̣ ка̄рети. со катачӣваро сун̣а̄ти – ‘‘уббхатам̣ кира тасмим̣ а̄ва̄се катхина’’нти. тасса бхиккхуно саванантико катхинуддха̄ро.

бхиккху аттхатакатхино чӣвара̄са̄йа паккамати ‘‘паччесса’’нти. тасса бахисӣмагатасса евам̣ хоти – ‘‘идхевимам̣ чӣвара̄сам̣ пайирупа̄сиссам̣, на паччесса’’нти. со там̣ чӣвара̄сам̣ пайирупа̄сати. тасса са̄ чӣвара̄са̄ упаччхиджджати. тасса бхиккхуно а̄са̄ваччхедико катхинуддха̄ро.

бхиккху аттхатакатхино чӣвара̄са̄йа паккамати ‘‘паччесса’’нти. со бахисӣмагато там̣ чӣвара̄сам̣ пайирупа̄сати. а̄са̄йа лабхати, ана̄са̄йа на лабхати. со там̣ чӣварам̣ ка̄рети. со катачӣваро ‘‘паччессам̣ паччесса’’нти – бахиддха̄ катхинуддха̄рам̣ вӣтина̄мети. тасса бхиккхуно сӣма̄тиккантико катхинуддха̄ро.

бхиккху аттхатакатхино чӣвара̄са̄йа паккамати ‘‘паччесса’’нти. со бахисӣмагато там̣ чӣвара̄сам̣ пайирупа̄сати. а̄са̄йа лабхати, ана̄са̄йа на лабхати. со там̣ чӣварам̣ ка̄рети. со катачӣваро ‘‘паччессам̣ паччесса’’нти – самбхун̣а̄ти катхинуддха̄рам̣. тасса бхиккхуно саха бхиккхӯхи катхинуддха̄ро.

а̄са̄дол̣асакам̣ нит̣т̣хитам̣.

197. каран̣ӣйадол̣асакам̣

320. бхиккху аттхатакатхино кеначидева каран̣ӣйена паккамати. тасса бахисӣмагатасса чӣвара̄са̄ уппаджджати. со там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино кеначидева каран̣ӣйена паккамати. тасса бахисӣмагатасса чӣвара̄са̄ уппаджджати. со там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино кеначидева каран̣ӣйена паккамати. тасса бахисӣмагатасса чӣвара̄са̄ уппаджджати. со там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино кеначидева каран̣ӣйена паккамати. тасса бахисӣмагатасса чӣвара̄са̄ уппаджджати. тасса евам̣ хоти – ‘‘идхевимам̣ чӣвара̄сам̣ пайирупа̄сиссам̣, на паччесса’’нти. со там̣ чӣвара̄сам̣ пайирупа̄сати. тасса са̄ чӣвара̄са̄ упаччхиджджати. тасса бхиккхуно а̄са̄ваччхедико катхинуддха̄ро.

бхиккху аттхатакатхино кеначидева каран̣ӣйена паккамати ‘‘на паччесса’’нти. тасса бахисӣмагатасса чӣвара̄са̄ уппаджджати. со там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄ресса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино кеначидева каран̣ӣйена паккамати ‘‘на паччесса’’нти. тасса бахисӣмагатасса чӣвара̄са̄ уппаджджати. со там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘невимам̣ чӣварам̣ ка̄ресса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино кеначидева каран̣ӣйена паккамати ‘‘на паччесса’’нти. тасса бахисӣмагатасса чӣвара̄са̄ уппаджджати. со там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄ресса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино кеначидева каран̣ӣйена паккамати ‘‘на паччесса’’нти. тасса бахисӣмагатасса чӣвара̄са̄ уппаджджати. тасса евам̣ хоти – ‘‘идхевимам̣ чӣвара̄сам̣ пайирупа̄сисса’’нти. со там̣ чӣвара̄сам̣ пайирупа̄сати. тасса са̄ чӣвара̄са̄ упаччхиджджати. тасса бхиккхуно а̄са̄ваччхедико катхинуддха̄ро.

бхиккху аттхатакатхино кеначидева каран̣ӣйена паккамати анадхит̣т̣хитена; невасса хоти – ‘‘паччесса’’нти, на панасса хоти – ‘‘на паччесса’’нти. тасса бахисӣмагатасса чӣвара̄са̄ уппаджджати. со там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино кеначидева каран̣ӣйена паккамати анадхит̣т̣хитена; невасса хоти – ‘‘паччесса’’нти, на панасса хоти – ‘‘на паччесса’’нти. тасса бахисӣмагатасса чӣвара̄са̄ уппаджджати. со там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино кеначидева каран̣ӣйена паккамати анадхит̣т̣хитена; невасса хоти – ‘‘паччесса’’нти, на панасса хоти – ‘‘на паччесса’’нти. тасса бахисӣмагатасса чӣвара̄са̄ уппаджджати. со там̣ чӣвара̄сам̣ пайирупа̄сати. ана̄са̄йа лабхати, а̄са̄йа на лабхати. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

бхиккху аттхатакатхино кеначидева каран̣ӣйена паккамати анадхит̣т̣хитена; невасса хоти – ‘‘паччесса’’нти, на панасса хоти – ‘‘на паччесса’’нти. тасса бахисӣмагатасса чӣвара̄са̄ уппаджджати. тасса евам̣ хоти – ‘‘идхевимам̣ чӣвара̄сам̣ пайирупа̄сиссам̣, на паччесса’’нти. со там̣ чӣвара̄сам̣ пайирупа̄сати. тасса са̄ чӣвара̄са̄ упаччхиджджати. тасса бхиккхуно а̄са̄ваччхедико катхинуддха̄ро.

каран̣ӣйадол̣асакам̣ нит̣т̣хитам̣.

198. апавила̄йананавакам̣

321. бхиккху аттхатакатхино дисам̣гамико паккамати чӣварапат̣ивӣсам̣ апавила̄йама̄но [апавинайама̄но (сӣ.), апачинайама̄но (ка.)]. таменам̣ дисан̇гатам̣ бхиккхӯ пуччханти – ‘‘кахам̣ твам̣, а̄вусо, вассам̣вут̣т̣хо, каттха ча те чӣварапат̣ивӣсо’’ти? со евам̣ вадети – ‘‘амукасмим̣ а̄ва̄се вассам̣вут̣т̣хомхи. таттха ча ме чӣварапат̣ивӣсо’’ти. те евам̣ ваданти – ‘‘гаччха̄вусо, там̣ чӣварам̣ а̄хара, майам̣ те идха чӣварам̣ карисса̄ма̄’’ти. со там̣ а̄ва̄сам̣ гантва̄ бхиккхӯ пуччхати – ‘‘кахам̣ ме, а̄вусо, чӣварапат̣ивӣсо’’ти? те евам̣ ваданти – ‘‘айам̣ те, а̄вусо, чӣварапат̣ивӣсо; кахам̣ гамиссасӣ’’ти? со евам̣ вадети – ‘‘амукам̣ на̄ма [амукан̃ча (ка.)] а̄ва̄сам̣ гамисса̄ми, таттха ме бхиккхӯ чӣварам̣ кариссантӣ’’ти. те евам̣ ваданти – ‘‘алам̣, а̄вусо, ма̄ агама̄си. майам̣ те идха чӣварам̣ карисса̄ма̄’’ти. тасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино дисам̣гамико паккамати…пе… ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино дисам̣гамико паккамати…пе… ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

322. бхиккху аттхатакатхино дисам̣гамико паккамати чӣварапат̣ивӣсам̣ апавила̄йама̄но. таменам̣ дисам̣гатам̣ бхиккхӯ пуччханти – ‘‘кахам̣ твам̣, а̄вусо, вассам̣вут̣т̣хо, каттха ча те чӣварапат̣ивӣсо’’ти? со евам̣ вадети – ‘‘амукасмим̣ а̄ва̄се вассам̣вут̣т̣хомхи, таттха ча ме чӣварапат̣ивӣсо’’ти. те евам̣ ваданти – ‘‘гаччха̄вусо, там̣ чӣварам̣ а̄хара, майам̣ те идха чӣварам̣ карисса̄ма̄’’ти. со там̣ а̄ва̄сам̣ гантва̄ бхиккхӯ пуччхати – ‘‘кахам̣ ме, а̄вусо, чӣварапат̣ивӣсо’’ти? те евам̣ ваданти – ‘‘айам̣ те, а̄вусо, чӣварапат̣ивӣсо’’ти. со там̣ чӣварам̣ а̄да̄йа там̣ а̄ва̄сам̣ гаччхати. таменам̣ антара̄магге бхиккхӯ пуччханти – ‘‘а̄вусо, кахам̣ гамиссасӣ’’ти? со евам̣ вадети – ‘‘амукам̣ на̄ма а̄ва̄сам̣ гамисса̄ми, таттха ме бхиккхӯ чӣварам̣ кариссантӣ’’ти. те евам̣ ваданти – ‘‘алам̣, а̄вусо, ма̄ агама̄си, майам̣ те идха чӣварам̣ карисса̄ма̄’’ти. тасса евам̣ хоти – ‘‘идхевимам̣ чӣварам̣ ка̄рессам̣ на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино дисам̣гамико паккамати чӣварапат̣ивӣсам̣ апавила̄йама̄но. таменам̣ дисам̣гатам̣ бхиккхӯ пуччханти – ‘‘кахам̣ твам̣, а̄вусо, вассам̣вут̣т̣хо, каттха ча те чӣварапат̣ивӣсо’’ти? со евам̣ вадети – ‘‘амукасмим̣ а̄ва̄се вассам̣вут̣т̣хомхи, таттха ча ме чӣварапат̣ивӣсо’’ти. те евам̣ ваданти – ‘‘гаччха̄вусо, там̣ чӣварам̣ а̄хара, майам̣ те идха чӣварам̣ карисса̄ма̄’’ти. со там̣ а̄ва̄сам̣ гантва̄ бхиккхӯ пуччхати – ‘‘кахам̣ ме, а̄вусо, чӣварапат̣ивӣсо’’ти? те евам̣ ваданти – ‘‘айам̣ те, а̄вусо, чӣварапат̣ивӣсо’’ти. со там̣ чӣварам̣ а̄да̄йа там̣ а̄ва̄сам̣ гаччхати. таменам̣ антара̄магге бхиккхӯ пуччханти – ‘‘а̄вусо, кахам̣ гамиссасӣ’’ти? со евам̣ вадети – ‘‘амукам̣ на̄ма а̄ва̄сам̣ гамисса̄ми, таттха ме бхиккхӯ чӣварам̣ кариссантӣ’’ти. те евам̣ ваданти – ‘‘алам̣, а̄вусо, ма̄ агама̄си, майам̣ те идха чӣварам̣ карисса̄ма̄’’ти. тасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино дисам̣гамико паккамати…пе… ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

323. бхиккху аттхатакатхино дисам̣гамико паккамати чӣварапат̣ивӣсам̣ апавила̄йама̄но. таменам̣ дисам̣гатам̣ бхиккхӯ пуччханти – ‘‘кахам̣ твам̣, а̄вусо, вассам̣вут̣т̣хо, каттха ча те чӣварапат̣ивӣсо’’ти? со евам̣ вадети – ‘‘амукасмим̣ а̄ва̄се вассам̣вут̣т̣хомхи, таттха ча ме чӣварапат̣ивӣсо’’ти. те евам̣ ваданти – ‘‘гаччха̄вусо, там̣ чӣварам̣ а̄хара, майам̣ те идха чӣварам̣ карисса̄ма̄’’ти. со там̣ а̄ва̄сам̣ гантва̄ бхиккхӯ пуччхати – ‘‘кахам̣ ме, а̄вусо, чӣварапат̣ивӣсо’’ти? те евам̣ ваданти – ‘‘айам̣ те, а̄вусо, чӣварапат̣ивӣсо’’ти. со там̣ чӣварам̣ а̄да̄йа там̣ а̄ва̄сам̣ гаччхати. тасса там̣ а̄ва̄сам̣ гатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино дисам̣гамико паккамати…пе… ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.

бхиккху аттхатакатхино дисам̣гамико паккамати…пе… ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса там̣ чӣварам̣ кайирама̄нам̣ нассати. тасса бхиккхуно на̄санантико катхинуддха̄ро.

апавила̄йананавакам̣ нит̣т̣хитам̣.

199. пха̄сувиха̄рапан̃чакам̣

324. бхиккху аттхатакатхино пха̄сувиха̄рико чӣварам̣ а̄да̄йа паккамати – ‘‘амукам̣ на̄ма а̄ва̄сам̣ гамисса̄ми; таттха ме пха̄су бхависсати васисса̄ми, но че ме пха̄су бхависсати, амукам̣ на̄ма а̄ва̄сам̣ гамисса̄ми; таттха ме пха̄су бхависсати васисса̄ми, но че ме пха̄су бхависсати, амукам̣ на̄ма а̄ва̄сам̣ гамисса̄ми; таттха ме пха̄су бхависсати васисса̄ми, но че ме пха̄су бхависсати, паччесса’’нти. тасса бахисӣмагатасса евам̣ хоти – ‘‘идхевимам̣ чӣварам̣ ка̄рессам̣, на паччесса’’нти. со там̣ чӣварам̣ ка̄рети. тасса бхиккхуно нит̣т̣ха̄нантико катхинуддха̄ро.

бхиккху аттхатакатхино пха̄сувиха̄рико чӣварам̣ а̄да̄йа паккамати – ‘‘амукам̣ на̄ма а̄ва̄сам̣ гамисса̄ми; таттха ме пха̄су бхависсати васисса̄ми, но че ме пха̄су бхависсати, амукам̣ на̄ма а̄ва̄сам̣ гамисса̄ми; таттха ме пха̄су бхависсати васисса̄ми, но че ме пха̄су бхависсати, амукам̣ на̄ма а̄ва̄сам̣ гамисса̄ми; таттха ме пха̄су бхависсати васисса̄ми, но че ме пха̄су бхависсати, паччесса’’нти. тасса бахисӣмагатасса евам̣ хоти – ‘‘невимам̣ чӣварам̣ ка̄рессам̣, на паччесса’’нти. тасса бхиккхуно саннит̣т̣ха̄нантико катхинуддха̄ро.