123. н̃а̄така̄диггахан̣акатха̄

214. тена кхо пана самайена ан̃н̃атарам̣ бхиккхум̣ тадаху пава̄ран̣а̄йа н̃а̄така̄ ган̣хим̣су. бхагавато етаматтхам̣ а̄рочесум̣. идха пана, бхиккхаве, бхиккхум̣ тадаху пава̄ран̣а̄йа н̃а̄така̄ ган̣ханти. те н̃а̄така̄ бхиккхӯхи евамассу вачанӣйа̄ – ‘‘ин̇гха, тумхе а̄йасманто имам̣ бхиккхум̣ мухуттам̣ мун̃чатха, йа̄ва̄йам̣ бхиккху пава̄ретӣ’’ти. еван̃четам̣ лабхетха, иччетам̣ кусалам̣. но че лабхетха, те н̃а̄така̄ бхиккхӯхи евамассу вачанӣйа̄ – ‘‘ин̇гха, тумхе а̄йасманто мухуттам̣ екамантам̣ хотха, йа̄ва̄йам̣ бхиккху пава̄ран̣ам̣ детӣ’’ти. еван̃четам̣ лабхетха, иччетам̣ кусалам̣. но че лабхетха, те н̃а̄така̄ бхиккхӯхи евамассу вачанӣйа̄ – ‘‘ин̇гха, тумхе а̄йасманто имам̣ бхиккхум̣ мухуттам̣ ниссӣмам̣ нетха, йа̄ва сан̇гхо пава̄ретӣ’’ти. еван̃четам̣ лабхетха, иччетам̣ кусалам̣. но че лабхетха, на твева ваггена сан̇гхена пава̄ретаббам̣. пава̄реййа че, а̄патти дуккат̣асса.

идха пана, бхиккхаве, бхиккхум̣ тадаху пава̄ран̣а̄йа ра̄джа̄но ган̣ханти…пе… чора̄ ган̣ханти … дхутта̄ ган̣ханти… бхиккхупаччаттхика̄ ган̣ханти. те бхиккхупаччаттхика̄ бхиккхӯхи евамассу вачанӣйа̄ – ‘‘ин̇гха, тумхе а̄йасманто имам̣ бхиккхум̣ мухуттам̣ мун̃чатха, йа̄ва̄йам̣ бхиккху пава̄ретӣ’’ти. еван̃четам̣ лабхетха, иччетам̣ кусалам̣. но че лабхетха, те бхиккхупаччаттхика̄ бхиккхӯхи евамассу вачанӣйа̄ – ‘‘ин̇гха, тумхе а̄йасманто мухуттам̣ екамантам̣ хотха, йа̄ва̄йам̣ бхиккху пава̄ран̣ам̣ детӣ’’ти. еван̃четам̣ лабхетха, иччетам̣ кусалам̣. но че лабхетха, те бхиккхупаччаттхика̄ бхиккхӯхи евамассу вачанӣйа̄ – ‘‘ин̇гха, тумхе а̄йасманто имам̣ бхиккхум̣ мухуттам̣ ниссӣмам̣ нетха, йа̄ва сан̇гхо пава̄ретӣ’’ти. еван̃четам̣ лабхетха, иччетам̣ кусалам̣. но че лабхетха, на твева ваггена сан̇гхена пава̄ретаббам̣. пава̄реййа че, а̄патти дуккат̣асса̄ти.

н̃а̄така̄диггахан̣акатха̄ нит̣т̣хита̄.