102. на̄на̄сам̣ва̄сака̄дӣхи упосатхакаран̣ам̣

180. идха пана, бхиккхаве, а̄гантука̄ бхиккхӯ пассанти а̄ва̄сике бхиккхӯ на̄на̄сам̣ва̄саке. те сама̄насам̣ва̄сакадит̣т̣хим̣ пат̣илабханти; сама̄насам̣ва̄сакадит̣т̣хим̣ пат̣илабхитва̄ на пуччханти; апуччхитва̄ екато упосатхам̣ каронти. ана̄патти. те пуччханти; пуччхитва̄ на̄бхивитаранти; анабхивитаритва̄ екато упосатхам̣ каронти. а̄патти дуккат̣асса. те пуччханти; пуччхитва̄ на̄бхивитаранти; анабхивитаритва̄ па̄т̣еккам̣ упосатхам̣ каронти. ана̄патти.

идха пана, бхиккхаве, а̄гантука̄ бхиккхӯ пассанти а̄ва̄сике бхиккхӯ сама̄насам̣ва̄саке. те на̄на̄сам̣ва̄сакадит̣т̣хим̣ пат̣илабханти; на̄на̄сам̣ва̄сакадит̣т̣хим̣ пат̣илабхитва̄ на пуччханти; апуччхитва̄ екато упосатхам̣ каронти. а̄патти дуккат̣асса. те пуччханти; пуччхитва̄ абхивитаранти; абхивитаритва̄ па̄т̣еккам̣ упосатхам̣ каронти. а̄патти дуккат̣асса. те пуччханти; пуччхитва̄ абхивитаранти; абхивитаритва̄ екато упосатхам̣ каронти. ана̄патти.

идха пана, бхиккхаве, а̄ва̄сика̄ бхиккхӯ пассанти а̄гантуке бхиккхӯ на̄на̄сам̣ва̄саке. те сама̄насам̣ва̄сакадит̣т̣хим̣ пат̣илабханти; сама̄насам̣ва̄сакадит̣т̣хим̣ пат̣илабхитва̄ на пуччханти; апуччхитва̄ екато упосатхам̣ каронти. ана̄патти. те пуччханти; пуччхитва̄ на̄бхивитаранти; анабхивитаритва̄ екато упосатхам̣ каронти. а̄патти дуккат̣асса. те пуччханти; пуччхитва̄ на̄бхивитаранти; анабхивитаритва̄ па̄т̣еккам̣ упосатхам̣ каронти. ана̄патти.

идха пана, бхиккхаве, а̄ва̄сика̄ бхиккхӯ пассанти а̄гантуке бхиккхӯ сама̄насам̣ва̄саке. те на̄на̄сам̣ва̄сакадит̣т̣хим̣ пат̣илабханти; на̄на̄сам̣ва̄сакадит̣т̣хим̣ пат̣илабхитва̄ на пуччханти; апуччхитва̄ екато упосатхам̣ каронти. а̄патти дуккат̣асса. те пуччханти; пуччхитва̄ абхивитаранти; абхивитаритва̄ па̄т̣еккам̣ упосатхам̣ каронти. а̄патти дуккат̣асса. те пуччханти; пуччхитва̄ абхивитаранти; абхивитаритва̄ екато упосатхам̣ каронти. ана̄патти.

на̄на̄сам̣ва̄сака̄дӣхи упосатхакаран̣ам̣ нит̣т̣хитам̣.