276. ат̣т̣ха̄расаваттхукатха̄

468. атха кхо косамбака̄ бхиккхӯ сена̄санам̣ сам̣са̄метва̄ паттачӣварама̄да̄йа йена са̄ваттхи тенупасан̇камим̣су. ассоси кхо а̄йасма̄ са̄рипутто – ‘‘те кира косамбака̄ бхиккхӯ бхан̣д̣анака̄рака̄ калахака̄рака̄ вива̄дака̄рака̄ бхассака̄рака̄ сан̇гхе адхикаран̣ака̄рака̄ са̄ваттхим̣ а̄гаччхантӣ’’ти. атха кхо а̄йасма̄ са̄рипутто йена бхагава̄ тенупасан̇ками, упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо а̄йасма̄ са̄рипутто бхагавантам̣ етадавоча – ‘‘те кира, бханте, косамбака̄ бхиккхӯ бхан̣д̣анака̄рака̄ калахака̄рака̄ вива̄дака̄рака̄ бхассака̄рака̄ сан̇гхе адхикаран̣ака̄рака̄ са̄ваттхим̣ а̄гаччханти. катха̄хам̣, бханте, тесу бхиккхӯсу пат̣ипаджджа̄мӣ’’ти? ‘‘тена хи твам̣, са̄рипутта, йатха̄ дхаммо татха̄ тит̣т̣ха̄хӣ’’ти. ‘‘катха̄хам̣, бханте, джа̄неййам̣ дхаммам̣ ва̄ адхаммам̣ ва̄’’ти?

ат̣т̣ха̄расахи кхо, са̄рипутта, ваттхӯхи адхаммава̄дӣ джа̄нитаббо. идха, са̄рипутта, бхиккху адхаммам̣ дхаммоти дӣпети, дхаммам̣ адхаммоти дӣпети; авинайам̣ винайоти дӣпети, винайам̣ авинайоти дӣпети; абха̄ситам̣ алапитам̣ татха̄гатена бха̄ситам̣ лапитам̣ татха̄гатена̄ти дӣпети, бха̄ситам̣ лапитам̣ татха̄гатена абха̄ситам̣ алапитам̣ татха̄гатена̄ти дӣпети; ана̄чин̣н̣ам̣ татха̄гатена а̄чин̣н̣ам̣ татха̄гатена̄ти дӣпети, а̄чин̣н̣ам̣ татха̄гатена ана̄чин̣н̣ам̣ татха̄гатена̄ти дӣпети; апан̃н̃аттам̣ татха̄гатена пан̃н̃аттам̣ татха̄гатена̄ти дӣпети, пан̃н̃аттам̣ татха̄гатена апан̃н̃аттам̣ татха̄гатена̄ти дӣпети; ана̄паттим̣ а̄паттӣти дӣпети, а̄паттим̣ ана̄паттӣти дӣпети; лахукам̣ а̄паттим̣ гарука̄ а̄паттӣти дӣпети, гарукам̣ а̄паттим̣ лахука̄ а̄паттӣти дӣпети; са̄васесам̣ а̄паттим̣ анавасеса̄ а̄паттӣти дӣпети, анавасесам̣ а̄паттим̣ са̄васеса̄ а̄паттӣти дӣпети; дут̣т̣хуллам̣ а̄паттим̣ адут̣т̣хулла̄ а̄паттӣти дӣпети, адут̣т̣хуллам̣ а̄паттим̣ дут̣т̣хулла̄ а̄паттӣти дӣпети – имехи кхо, са̄рипутта, ат̣т̣ха̄расахи ваттхӯхи адхаммава̄дӣ джа̄нитаббо.

ат̣т̣ха̄расахи ча кхо, са̄рипутта, ваттхӯхи дхаммава̄дӣ джа̄нитаббо. идха, са̄рипутта, бхиккху адхаммам̣ адхаммоти дӣпети, дхаммам̣ дхаммоти дӣпети; авинайам̣ авинайоти дӣпети, винайам̣ винайоти дӣпети; абха̄ситам̣ алапитам̣ татха̄гатена абха̄ситам̣ алапитам̣ татха̄гатена̄ти дӣпети, бха̄ситам̣ лапитам̣ татха̄гатена бха̄ситам̣ лапитам̣ татха̄гатена̄ти дӣпети; ана̄чин̣н̣ам̣ татха̄гатена ана̄чин̣н̣ам̣ татха̄гатена̄ти дӣпети, а̄чин̣н̣ам̣ татха̄гатена а̄чин̣н̣ам̣ татха̄гатена̄ти дӣпети; апан̃н̃аттам̣ татха̄гатена апан̃н̃аттам̣ татха̄гатена̄ти дӣпети, пан̃н̃аттам̣ татха̄гатена пан̃н̃аттам̣ татха̄гатена̄ти дӣпети; ана̄паттим̣ ана̄паттӣти дӣпети, а̄паттим̣ а̄паттӣти дӣпети; лахукам̣ а̄паттим̣ лахука̄ а̄паттӣти дӣпети, гарукам̣ а̄паттим̣ гарука̄ а̄паттӣти дӣпети; са̄васесам̣ а̄паттим̣ са̄васеса̄ а̄паттӣти дӣпети, анавасесам̣ а̄паттим̣ анавасеса̄ а̄паттӣти дӣпети; дут̣т̣хуллам̣ а̄паттим̣ дут̣т̣хулла̄ а̄паттӣти дӣпети, адут̣т̣хуллам̣ а̄паттим̣ адут̣т̣хулла̄ а̄паттӣти дӣпети – имехи кхо, са̄рипутта, ат̣т̣ха̄расахи ваттхӯхи дхаммава̄дӣ джа̄нитабботи.

469. ассоси кхо а̄йасма̄ маха̄моггалла̄но…пе… ассоси кхо а̄йасма̄ маха̄кассапо… ассоси кхо а̄йасма̄ маха̄качча̄но… ассоси кхо а̄йасма̄ маха̄кот̣т̣хико … ассоси кхо а̄йасма̄ маха̄каппино… ассоси кхо а̄йасма̄ маха̄чундо… ассоси кхо а̄йасма̄ ануруддхо… ассоси кхо а̄йасма̄ ревато … ассоси кхо а̄йасма̄ упа̄ли… ассоси кхо а̄йасма̄ а̄нандо… ассоси кхо а̄йасма̄ ра̄хуло – ‘‘те кира косамбака̄ бхиккхӯ бхан̣д̣анака̄рака̄ калахака̄рака̄ вива̄дака̄рака̄ бхассака̄рака̄ сан̇гхе адхикаран̣ака̄рака̄ са̄ваттхим̣ а̄гаччхантӣ’’ти. атха кхо а̄йасма̄ ра̄хуло йена бхагава̄ тенупасан̇ками, упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо а̄йасма̄ ра̄хуло бхагавантам̣ етадавоча – ‘‘те кира, бханте, косамбака̄ бхиккхӯ бхан̣д̣анака̄рака̄ калахака̄рака̄ вива̄дака̄рака̄ бхассака̄рака̄ сан̇гхе адхикаран̣ака̄рака̄ са̄ваттхим̣ а̄гаччханти. катха̄хам̣, бханте, тесу бхиккхӯсу пат̣ипаджджа̄мӣ’’ти? ‘‘тена хи твам̣, ра̄хула, йатха̄ дхаммо татха̄ тит̣т̣ха̄хӣ’’ти. ‘‘катха̄хам̣, бханте, джа̄неййам̣ дхаммам̣ ва̄ адхаммам̣ ва̄’’ти?

ат̣т̣ха̄расахи кхо, ра̄хула, ваттхӯхи адхаммава̄дӣ джа̄нитаббо. идха, ра̄хула, бхиккху адхаммам̣ дхаммоти дӣпети, дхаммам̣ адхаммоти дӣпети; авинайам̣ винайоти дӣпети, винайам̣ авинайоти дӣпети; абха̄ситам̣ алапитам̣ татха̄гатена бха̄ситам̣ лапитам̣ татха̄гатена̄ти дӣпети, бха̄ситам̣ лапитам̣ татха̄гатена абха̄ситам̣ алапитам̣ татха̄гатена̄ти дӣпети; ана̄чин̣н̣ам̣ татха̄гатена а̄чин̣н̣ам̣ татха̄гатена̄ти дӣпети, а̄чин̣н̣ам̣ татха̄гатена ана̄чин̣н̣ам̣ татха̄гатена̄ти дӣпети; апан̃н̃аттам̣ татха̄гатена пан̃н̃аттам̣ татха̄гатена̄ти дӣпети, пан̃н̃аттам̣ татха̄гатена апан̃н̃аттам̣ татха̄гатена̄ти дӣпети; ана̄паттим̣ а̄паттӣти дӣпети, а̄паттим̣ ана̄паттӣти дӣпети; лахукам̣ а̄паттим̣ гарука̄ а̄паттӣти дӣпети, гарукам̣ а̄паттим̣ лахука̄ а̄паттӣти дӣпети; са̄васесам̣ а̄паттим̣ анавасеса̄ а̄паттӣти дӣпети, анавасесам̣ а̄паттим̣ са̄васеса̄ а̄паттӣти дӣпети; дут̣т̣хуллам̣ а̄паттим̣ адут̣т̣хулла̄ а̄паттӣти дӣпети, адут̣т̣хуллам̣ а̄паттим̣ дут̣т̣хулла̄ а̄паттӣти дӣпети – имехи кхо, ра̄хула, ат̣т̣ха̄расахи ваттхӯхи адхаммава̄дӣ джа̄нитаббо.

ат̣т̣ха̄расахи ча кхо, ра̄хула, ваттхӯхи дхаммава̄дӣ джа̄нитаббо. идха, ра̄хула, бхиккху адхаммам̣ адхаммоти дӣпети, дхаммам̣ дхаммоти дӣпети; авинайам̣ авинайоти дӣпети, винайам̣ винайоти дӣпети; абха̄ситам̣ алапитам̣ татха̄гатена абха̄ситам̣ алапитам̣ татха̄гатена̄ти дӣпети, бха̄ситам̣ лапитам̣ татха̄гатена бха̄ситам̣ лапитам̣ татха̄гатена̄ти дӣпети; ана̄чин̣н̣ам̣ татха̄гатена ана̄чин̣н̣ам̣ татха̄гатена̄ти дӣпети, а̄чин̣н̣ам̣ татха̄гатена а̄чин̣н̣ам̣ татха̄гатена̄ти дӣпети; апан̃н̃аттам̣ татха̄гатена апан̃н̃аттам̣ татха̄гатена̄ти дӣпети, пан̃н̃аттам̣ татха̄гатена пан̃н̃аттам̣ татха̄гатена̄ти дӣпети; ана̄паттим̣ ана̄паттӣти дӣпети, а̄паттим̣ а̄паттӣти дӣпети; лахукам̣ а̄паттим̣ лахука̄ а̄паттӣти дӣпети, гарукам̣ а̄паттим̣ гарука̄ а̄паттӣти дӣпети; са̄васесам̣ а̄паттим̣ са̄васеса̄ а̄паттӣти дӣпети, анавасесам̣ а̄паттим̣ анавасеса̄ а̄паттӣти дӣпети; дут̣т̣хуллам̣ а̄паттим̣ дут̣т̣хулла̄ а̄паттӣти дӣпети, адут̣т̣хуллам̣ а̄паттим̣ адут̣т̣хулла̄ а̄паттӣти дӣпети – имехи кхо, ра̄хула, ат̣т̣ха̄расахи ваттхӯхи дхаммава̄дӣ джа̄нитабботи.

470. ассоси кхо маха̄паджа̄пати [маха̄паджа̄патӣ (сӣ. сйа̄.)] готамӣ – ‘‘те кира косамбака̄ бхиккхӯ бхан̣д̣анака̄рака̄ калахака̄рака̄ вива̄дака̄рака̄ бхассака̄рака̄ сан̇гхе адхикаран̣ака̄рака̄ са̄ваттхим̣ а̄гаччхантӣ’’ти. атха кхо маха̄паджа̄пати готамӣ йена бхагава̄ тенупасан̇ками, упасан̇камитва̄ бхагавантам̣ абхива̄детва̄ екамантам̣ ат̣т̣ха̄си. екамантам̣ т̣хита̄ кхо маха̄паджа̄пати готамӣ бхагавантам̣ етадавоча – ‘‘те кира, бханте, косамбака̄ бхиккхӯ бхан̣д̣анака̄рака̄ калахака̄рака̄ вива̄дака̄рака̄ бхассака̄рака̄ сан̇гхе адхикаран̣ака̄рака̄ са̄ваттхим̣ а̄гаччханти. катха̄хам̣, бханте, тесу бхиккхӯсу пат̣ипаджджа̄мӣ’’ти? ‘‘тена хи твам̣, готами, убхайаттха дхаммам̣ сун̣а. убхайаттха дхаммам̣ сутва̄ йе таттха бхиккхӯ дхаммава̄дино тесам̣ дит̣т̣хин̃ча кхантин̃ча ручин̃ча а̄да̄йан̃ча рочехи. йан̃ча кин̃чи бхиккхунисан̇гхена бхиккхусан̇гхато пачча̄сӣситаббам̣ саббам̣ там̣ дхаммава̄дитова пачча̄сӣситабба’’нти.

471. ассоси кхо ана̄тхапин̣д̣ико гахапати – ‘‘те кира косамбака̄ бхиккхӯ бхан̣д̣анака̄рака̄ калахака̄рака̄ вива̄дака̄рака̄ бхассака̄рака̄ сан̇гхе адхикаран̣ака̄рака̄ са̄ваттхим̣ а̄гаччхантӣ’’ти. атха кхо ана̄тхапин̣д̣ико гахапати йена бхагава̄ тенупасан̇ками, упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо ана̄тхапин̣д̣ико гахапати бхагавантам̣ етадавоча – ‘‘те кира, бханте, косамбака̄ бхиккхӯ бхан̣д̣анака̄рака̄ калахака̄рака̄ вива̄дака̄рака̄ бхассака̄рака̄ сан̇гхе адхикаран̣ака̄рака̄ са̄ваттхим̣ а̄гаччханти. катха̄хам̣, бханте, тесу бхиккхӯсу пат̣ипаджджа̄мӣ’’ти? ‘‘тена хи твам̣, гахапати, убхайаттха да̄нам̣ дехи. убхайаттха да̄нам̣ датва̄ убхайаттха дхаммам̣ сун̣а. убхайаттха дхаммам̣ сутва̄ йе таттха бхиккхӯ дхаммава̄дино тесам̣ дит̣т̣хин̃ча кхантин̃ча ручин̃ча а̄да̄йан̃ча рочехӣ’’ти.

472. ассоси кхо виса̄кха̄ мига̄рама̄та̄ – ‘‘те кира косамбака̄ бхиккхӯ бхан̣д̣анака̄рака̄ калахака̄рака̄ вива̄дака̄рака̄ бхассака̄рака̄ сан̇гхе адхикаран̣ака̄рака̄ са̄ваттхим̣ а̄гаччхантӣ’’ти. атха кхо виса̄кха̄ мига̄рама̄та̄ йена бхагава̄ тенупасан̇ками, упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинна̄ кхо виса̄кха̄ мига̄рама̄та̄ бхагавантам̣ етадавоча – ‘‘те кира, бханте, косамбака̄ бхиккхӯ бхан̣д̣анака̄рака̄ калахака̄рака̄ вива̄дака̄рака̄ бхассака̄рака̄ сан̇гхе адхикаран̣ака̄рака̄ са̄ваттхим̣ а̄гаччханти. катха̄хам̣, бханте, тесу бхиккхӯсу пат̣ипаджджа̄мӣ’’ти? ‘‘тена хи твам̣, виса̄кхе, убхайаттха да̄нам̣ дехи. убхайаттха да̄нам̣ датва̄ убхайаттха дхаммам̣ сун̣а. убхайаттха дхаммам̣ сутва̄ йе таттха бхиккхӯ дхаммава̄дино тесам̣ дит̣т̣хин̃ча кхантин̃ча ручин̃ча а̄да̄йан̃ча рочехӣ’’ти.

473. атха кхо косамбака̄ бхиккхӯ анупуббена йена са̄ваттхи тадавасарум̣. атха кхо а̄йасма̄ са̄рипутто йена бхагава̄ тенупасан̇ками, упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо а̄йасма̄ са̄рипутто бхагавантам̣ етадавоча – ‘‘те кира, бханте, косамбака̄ бхиккхӯ бхан̣д̣анака̄рака̄ калахака̄рака̄ вива̄дака̄рака̄ бхассака̄рака̄ сан̇гхе адхикаран̣ака̄рака̄ са̄ваттхим̣ ануппатта̄. катхам̣ ну кхо, бханте, тесу бхиккхӯсу сена̄сане [сена̄санесу (ка.), сена̄санам̣ (сйа̄.)] пат̣ипаджджитабба’’нти? ‘‘тена хи, са̄рипутта, вивиттам̣ сена̄санам̣ да̄табба’’нти. ‘‘саче пана, бханте, вивиттам̣ на хоти, катхам̣ пат̣ипаджджитабба’’нти? ‘‘тена хи, са̄рипутта, вивиттам̣ катва̄пи да̄таббам̣, на твева̄хам̣, са̄рипутта, кеначи парийа̄йена вуд̣д̣хатарасса бхиккхуно сена̄санам̣ пат̣иба̄хитаббанти вада̄ми. йо пат̣иба̄хеййа, а̄патти дуккат̣асса̄’’ти.

‘‘а̄мисе пана, бханте, катхам̣ пат̣ипаджджитабба’’нти? ‘‘а̄мисам̣ кхо, са̄рипутта, саббесам̣ самакам̣ бха̄джетабба’’нти.

ат̣т̣ха̄расаваттхукатха̄ нит̣т̣хита̄.