55. анупаджджха̄йака̄диваттхӯни

117. тена кхо пана самайена бхиккхӯ анупаджджха̄йакам̣ упасампа̄денти. бхагавато етаматтхам̣ а̄рочесум̣. на, бхиккхаве, анупаджджха̄йако упасампа̄детаббо. йо упасампа̄деййа, а̄патти дуккат̣асса̄ти.

тена кхо пана самайена бхиккхӯ сан̇гхена упаджджха̄йена упасампа̄денти. бхагавато етаматтхам̣ а̄рочесум̣. на, бхиккхаве, сан̇гхена упаджджха̄йена упасампа̄детаббо. йо упасампа̄деййа, а̄патти дуккат̣асса̄ти.

тена кхо пана самайена бхиккхӯ ган̣ена упаджджха̄йена упасампа̄денти. бхагавато етаматтхам̣ а̄рочесум̣. на, бхиккхаве, ган̣ена упаджджха̄йена упасампа̄детаббо. йо упасампа̄деййа, а̄патти дуккат̣асса̄ти.

тена кхо пана самайена бхиккхӯ пан̣д̣акупаджджха̄йена упасампа̄денти…пе… тхеййасам̣ва̄сакупаджджха̄йена упасампа̄денти…пе… титтхийапаккантакупаджджха̄йена упасампа̄денти …пе… тираччха̄нагатупаджджха̄йена упасампа̄денти…пе… ма̄тугха̄такупаджджха̄йена упасампа̄денти…пе… питугха̄такупаджджха̄йена упасампа̄денти…пе… арахантагха̄такупаджджха̄йена упасампа̄денти…пе… бхиккхунидӯсакупаджджха̄йена упасампа̄денти…пе… сан̇гхабхедакупаджджха̄йена упасампа̄денти…пе… лохитуппа̄дакупаджджха̄йена упасампа̄денти…пе… убхатобйан̃джанакупаджджха̄йена упасампа̄денти бхагавато етаматтхам̣ а̄рочесум̣. на, бхиккхаве, пан̣д̣акупаджджха̄йена упасампа̄детаббо…пе… на, бхиккхаве, тхеййасам̣ва̄сакупаджджха̄йена упасампа̄детаббо…пе… на, бхиккхаве, титтхийапаккантакупаджджха̄йена упасампа̄детаббо…пе… на, бхиккхаве, тираччха̄нагатупаджджха̄йена упасампа̄детаббо…пе… на, бхиккхаве, ма̄тугха̄такупаджджха̄йена упасампа̄детаббо …пе… на, бхиккхаве, питугха̄такупаджджха̄йена упасампа̄детаббо…пе… на, бхиккхаве, арахантагха̄такупаджджха̄йена упасампа̄детаббо…пе… на, бхиккхаве, бхиккхунидӯсакупаджджха̄йена упасампа̄детаббо …пе… на, бхиккхаве, сан̇гхабхедакупаджджха̄йена упасампа̄детаббо…пе… на, бхиккхаве, лохитуппа̄дакупаджджха̄йена упасампа̄детаббо…пе… на, бхиккхаве, убхатобйан̃джанакупаджджха̄йена упасампа̄детаббо. йо упасампа̄деййа, а̄патти дуккат̣асса̄ти.