42. сиккха̄падакатха̄

106. атха кхо са̄ман̣ера̄нам̣ етадахоси – ‘‘кати ну кхо амха̄кам̣ сиккха̄пада̄ни, каттха ча амхехи сиккхитабба’’нти? бхагавато етаматтхам̣ а̄рочесум̣…пе… ануджа̄на̄ми, бхиккхаве, са̄ман̣ера̄нам̣ даса сиккха̄пада̄ни, тесу ча са̄ман̣ерехи сиккхитум̣ – па̄н̣а̄типа̄та̄ вераман̣ӣ [вераман̣и, вераман̣им̣ (ка.)], адинна̄да̄на̄ вераман̣ӣ, абрахмачарийа̄ вераман̣ӣ, муса̄ва̄да̄ вераман̣ӣ, сура̄мерайамаджджапама̄дат̣т̣ха̄на̄ вераман̣ӣ, вика̄лабходжана̄ вераман̣ӣ, наччагӣтава̄дитависӯкадассана̄ вераман̣ӣ, ма̄ла̄гандхавилепанадха̄ран̣аман̣д̣анавибхӯсанат̣т̣ха̄на̄ вераман̣ӣ, учча̄сайанамаха̄сайана̄ вераман̣ӣ, джа̄тарӯпараджатапат̣иггахан̣а̄ вераман̣ӣ. ануджа̄на̄ми, бхиккхаве, са̄ман̣ера̄нам̣ има̄ни даса сиккха̄пада̄ни, имесу ча са̄ман̣ерехи сиккхитунти.

сиккха̄падакатха̄ нит̣т̣хита̄.