11. татийанавакам̣

184. ‘‘идха пана, бхиккхаве, бхиккху самбахула̄ сан̇гха̄дисеса̄ а̄паттийо а̄паджджати парима̄н̣ампи апарима̄н̣ампи…пе… ваваттхитампи самбхиннампи. со сан̇гхам̣ та̄сам̣ а̄паттӣнам̣ самодха̄напарива̄сам̣ йа̄чати. тасса сан̇гхо та̄сам̣ а̄паттӣнам̣ самодха̄напарива̄сам̣ дети. со паривасанто антара̄ самбахула̄ сан̇гха̄дисеса̄ а̄паттийо а̄паджджати парима̄н̣а̄йо аппат̣иччханна̄йо. со сан̇гхам̣ антара̄а̄паттӣнам̣ мӯла̄йапат̣икассанам̣ йа̄чати. там̣ сан̇гхо антара̄а̄паттӣнам̣ мӯла̄йа пат̣икассати адхаммикена каммена куппена ат̣т̣ха̄на̄рахена, адхаммена самодха̄напарива̄сам̣ дети. со париваса̄мӣти ман̃н̃ама̄но антара̄ самбахула̄ сан̇гха̄дисеса̄ а̄паттийо а̄паджджати парима̄н̣а̄йо аппат̣иччханна̄йо. со тасмим̣ бхӯмийам̣ т̣хито пурима̄а̄паттӣнам̣ антара̄а̄паттийо сарати, апара̄а̄паттӣнам̣ антара̄а̄паттийо сарати. тасса евам̣ хоти – ‘ахам̣ кхо самбахула̄ сан̇гха̄дисеса̄ а̄паттийо а̄паджджим̣ парима̄н̣ампи апарима̄н̣ампи…пе… ваваттхитампи самбхиннампи. сохам̣ сан̇гхам̣ та̄сам̣ а̄паттӣнам̣ самодха̄напарива̄сам̣ йа̄чим̣. тасса ме сан̇гхо та̄сам̣ а̄паттӣнам̣ самодха̄напарива̄сам̣ ада̄си. сохам̣ паривасанто антара̄ самбахула̄ сан̇гха̄дисеса̄ а̄паттийо а̄паджджим̣ парима̄н̣а̄йо аппат̣иччханна̄йо. сохам̣ сан̇гхам̣ антара̄а̄паттӣнам̣ мӯла̄йапат̣икассанам̣ йа̄чим̣. там̣ мам̣ сан̇гхо антара̄а̄паттӣнам̣ мӯла̄йа пат̣икасси адхаммикена каммена куппена ат̣т̣ха̄на̄рахена, адхаммена самодха̄напарива̄сам̣ ада̄си. сохам̣ париваса̄мӣти ман̃н̃ама̄но антара̄ самбахула̄ сан̇гха̄дисеса̄ а̄паттийо а̄паджджим̣ парима̄н̣а̄йо аппат̣иччханна̄йо. сохам̣ тасмим̣ бхӯмийам̣ т̣хито пурима̄а̄паттӣнам̣ антара̄а̄паттийо сара̄ми, апара̄а̄паттӣнам̣ антара̄а̄паттийо сара̄ми. йам̣нӯна̄хам̣ сан̇гхам̣ пурима̄а̄паттӣнам̣ антара̄а̄паттӣнан̃ча апара̄а̄паттӣнам̣ антара̄а̄паттӣнан̃ча мӯла̄йапат̣икассанам̣ йа̄чеййам̣ дхаммикена каммена акуппена т̣ха̄на̄рахена, дхаммена самодха̄напарива̄сам̣; дхаммена ма̄наттам̣, дхаммена аббха̄на’нти. со сан̇гхам̣ пурима̄а̄паттӣнам̣ антара̄а̄паттӣнан̃ча, апара̄а̄паттӣнам̣ антара̄а̄паттӣнан̃ча, мӯла̄йапат̣икассанам̣ йа̄чати дхаммикена каммена акуппена т̣ха̄на̄рахена, дхаммена самодха̄напарива̄сам̣; дхаммена ма̄наттам̣, дхаммена аббха̄нам̣. там̣ сан̇гхо пурима̄а̄паттӣнам̣ антара̄а̄паттӣнан̃ча, апара̄а̄паттӣнам̣ антара̄а̄паттӣнан̃ча, мӯла̄йа пат̣икассати дхаммикена каммена акуппена т̣ха̄на̄рахена, дхаммена самодха̄напарива̄сам̣ дети; дхаммена ма̄наттам̣ дети, дхаммена аббхети. со, бхиккхаве, бхиккху висуддхо та̄хи а̄паттӣхи [айам̣ пат̣хамава̄ро сӣ сйа̄. поттхакесу парипун̣н̣о диссати].

‘‘идха пана, бхиккхаве, бхиккху самбахула̄ сан̇гха̄дисеса̄ а̄паттийо а̄паджджати парима̄н̣ампи апарима̄н̣ампи…пе… ваваттхитампи самбхиннампи. со сан̇гхам̣ та̄сам̣ а̄паттӣнам̣ самодха̄напарива̄сам̣ йа̄чати. тасса сан̇гхо та̄сам̣ а̄паттӣнам̣ самодха̄напарива̄сам̣ дети. со паривасанто антара̄ самбахула̄ сан̇гха̄дисеса̄ а̄паттийо а̄паджджати парима̄н̣а̄ пат̣иччханна̄йо. со сан̇гхам̣ антара̄а̄паттӣнам̣ мӯла̄йапат̣икассанам̣ йа̄чати. там̣ сан̇гхо антара̄а̄паттӣнам̣ мӯла̄йа пат̣икассати, адхаммикена каммена куппена ат̣т̣ха̄на̄рахена, адхаммена самодха̄напарива̄сам̣ дети. со париваса̄мӣти ман̃н̃ама̄но антара̄ самбахула̄ сан̇гха̄дисеса̄ а̄паттийо а̄паджджати парима̄н̣а̄ пат̣иччханна̄йо. со тасмим̣ бхӯмийам̣ т̣хито пурима̄а̄паттӣнам̣ [пурима̄нам̣ а̄паттӣнам̣ (ка.)] антара̄а̄паттийо сарати, апара̄а̄паттӣнам̣ антара̄а̄паттийо сарати. тасса евам̣ хоти – ‘ахам̣ кхо самбахула̄ сан̇гха̄дисеса̄ а̄паттийо а̄паджджим̣ парима̄н̣ампи апарима̄н̣ампи…пе… ваваттхитампи самбхиннампи. сохам̣ сан̇гхам̣ та̄сам̣ а̄паттӣнам̣ самодха̄напарива̄сам̣ йа̄чим̣. тасса ме сан̇гхо та̄сам̣ а̄паттӣнам̣ самодха̄напарива̄сам̣ ада̄си. сохам̣ паривасанто антара̄ самбахула̄ сан̇гха̄дисеса̄ а̄паттийо а̄паджджим̣ парима̄н̣а̄ пат̣иччханна̄йо. сохам̣ сан̇гхам̣ антара̄а̄паттӣнам̣ мӯла̄йапат̣икассанам̣ йа̄чим̣. там̣ мам̣ сан̇гхо антара̄а̄паттӣнам̣ мӯла̄йапат̣икасси, адхаммикена каммена куппена ат̣т̣ха̄на̄рахена, адхаммена самодха̄напарива̄сам̣ ада̄си. сохам̣ париваса̄мӣти ман̃н̃ама̄но антара̄ самбахула̄ сан̇гха̄дисеса̄ а̄паттийо а̄паджджим̣ парима̄н̣а̄ пат̣иччханна̄йо. сохам̣ тасмим̣ бхӯмийам̣ т̣хито пурима̄паттӣнам̣ антара̄а̄паттийо сара̄ми, апара̄а̄паттӣнам̣ антара̄а̄паттийо сара̄ми. йам̣нӯна̄хам̣ сан̇гхам̣ пурима̄паттӣнам̣ антара̄а̄паттӣнан̃ча, апара̄ а̄паттӣнам̣ антара̄а̄паттӣнан̃ча, мӯла̄йапат̣икассанам̣ йа̄чеййам̣ дхаммикена каммена акуппена т̣ха̄на̄рахена, дхаммена самодха̄напарива̄сам̣, дхаммена ма̄наттам̣, дхаммена аббха̄на’нти. со сан̇гхам̣ пурима̄паттӣнам̣ антара̄а̄паттӣнан̃ча, апара̄а̄паттӣнам̣ антара̄а̄паттӣнан̃ча мӯла̄йапат̣икассанам̣ йа̄чати дхаммикена каммена акуппена т̣ха̄на̄рахена, дхаммена самодха̄напарива̄сам̣, дхаммена ма̄наттам̣, дхаммена аббха̄нам̣. там̣ сан̇гхо пурима̄паттӣнам̣ антара̄а̄паттӣнан̃ча, апара̄а̄паттӣнам̣ антара̄а̄паттӣнан̃ча, мӯла̄йа пат̣икассати дхаммикена каммена акуппена т̣ха̄на̄рахена, дхаммена самодха̄напарива̄сам̣ дети, дхаммена ма̄наттам̣ дети, дхаммена аббхети. со, бхиккхаве, бхиккху висуддхо та̄хи а̄паттӣхи.

‘‘идха пана, бхиккхаве, бхиккху самбахула̄ сан̇гха̄дисеса̄ а̄паттийо а̄паджджати парима̄н̣ампи апарима̄н̣ампи…пе… ваваттхитампи самбхиннампи. со сан̇гхам̣ та̄сам̣ а̄паттӣнам̣ самодха̄напарива̄сам̣ йа̄чати. тасса сан̇гхо та̄сам̣ а̄паттӣнам̣ самодха̄напарива̄сам̣ дети. со паривасанто антара̄ самбахула̄ сан̇гха̄дисеса̄ а̄паттийо а̄паджджати парима̄н̣а̄ пат̣иччханна̄йопи аппат̣иччханна̄йопи. со сан̇гхам̣ антара̄а̄паттӣнам̣ мӯла̄йапат̣икассанам̣ йа̄чати. там̣ сан̇гхо антара̄а̄паттӣнам̣ мӯла̄йа пат̣икассати адхаммикена каммена куппена ат̣т̣ха̄на̄рахена, адхаммена самодха̄напарива̄сам̣ дети. со париваса̄мӣти ман̃н̃ама̄но антара̄ самбахула̄ сан̇гха̄дисеса̄ а̄паттийо а̄паджджати парима̄н̣а̄ пат̣иччханна̄йопи аппат̣иччханна̄йопи. со тасмим̣ бхӯмийам̣ т̣хито пурима̄паттӣнам̣ антара̄а̄паттийо сарати, апара̄а̄паттӣнам̣ антара̄а̄паттийо сарати. тасса евам̣ хоти – ‘ахам̣ кхо самбахула̄ сан̇гха̄дисеса̄ а̄паттийо а̄паджджим̣ парима̄н̣ампи апарима̄н̣ампи…пе… ваваттхитампи самбхиннампи. сохам̣ сан̇гхам̣ та̄сам̣ а̄паттӣнам̣ самодха̄напарива̄сам̣ йа̄чим̣. тасса ме сан̇гхо та̄сам̣ а̄паттӣнам̣ самодха̄напарива̄сам̣ ада̄си. сохам̣ паривасанто антара̄ самбахула̄ сан̇гха̄дисеса̄ а̄паттийо а̄паджджим̣ парима̄н̣а̄ пат̣иччханна̄йопи аппат̣иччханна̄йопи. сохам̣ сан̇гхам̣ антара̄а̄паттӣнам̣ мӯла̄йапат̣икассанам̣ йа̄чим̣. там̣ мам̣ сан̇гхо антара̄а̄паттӣнам̣ мӯла̄йа пат̣икасси адхаммикена каммена куппена ат̣т̣ха̄на̄рахена, адхаммена самодха̄напарива̄сам̣ ада̄си. сохам̣ париваса̄мӣти ман̃н̃ама̄но антара̄ самбахула̄ сан̇гха̄дисеса̄ а̄паттийо а̄паджджим̣ парима̄н̣а̄ пат̣иччханна̄йопи аппат̣иччханна̄йопи. сохам̣ тасмим̣ бхӯмийам̣ т̣хито пурима̄паттӣнам̣ антара̄а̄паттийо сара̄ми, апара̄а̄паттӣнам̣ антара̄а̄паттийо сара̄ми. йам̣нӯна̄хам̣ сан̇гхам̣ пурима̄паттӣнам̣ антара̄а̄паттӣнан̃ча, апара̄а̄паттӣнам̣ антара̄а̄паттӣнан̃ча, мӯла̄йапат̣икассанам̣ йа̄чеййам̣ дхаммикена каммена акуппена т̣ха̄на̄рахена, дхаммена самодха̄напарива̄сам̣, дхаммена ма̄наттам̣, дхаммена аббха̄на’нти. со сан̇гхам̣ пурима̄паттӣнам̣ антара̄ а̄паттӣнан̃ча, апара̄ а̄паттӣнам̣ антара̄ а̄паттӣнан̃ча, мӯла̄йапат̣икассанам̣ йа̄чати дхаммикена каммена акуппена т̣ха̄на̄рахена, дхаммена самодха̄напарива̄сам̣, дхаммена ма̄наттам̣, дхаммена аббха̄нам̣. там̣ сан̇гхо пурима̄паттӣнам̣ антара̄ а̄паттӣнан̃ча, апара̄ а̄паттӣнам̣ антара̄ а̄паттӣнан̃ча, мӯла̄йа пат̣икассати дхаммикена каммена акуппена т̣ха̄на̄рахена, дхаммена самодха̄напарива̄сам̣ дети, дхаммена ма̄наттам̣ дети, дхаммена аббхети. со, бхиккхаве, бхиккху висуддхо та̄хи а̄паттӣхи.

‘‘идха пана, бхиккхаве, бхиккху самбахула̄ сан̇гха̄дисеса̄ а̄паттийо а̄паджджати парима̄н̣ампи апарима̄н̣ампи…пе… ваваттхитампи самбхиннампи. со сан̇гхам̣ та̄сам̣ а̄паттӣнам̣ самодха̄напарива̄сам̣ йа̄чати. тасса сан̇гхо та̄сам̣ а̄паттӣнам̣ самодха̄напарива̄сам̣ дети. со паривасанто антара̄ самбахула̄ сан̇гха̄дисеса̄ а̄паттийо а̄паджджати апарима̄н̣а̄йо аппат̣иччханна̄йо…пе… апарима̄н̣а̄йо пат̣иччханна̄йо…пе… апарима̄н̣а̄йо пат̣иччханна̄йопи аппат̣иччханна̄йопи…пе… парима̄н̣а̄йопи апарима̄н̣а̄йопи аппат̣иччханна̄йо. со сан̇гхам̣ антара̄а̄паттӣнам̣ мӯла̄йапат̣икассанам̣ йа̄чати. там̣ сан̇гхо антара̄а̄паттӣнам̣ мӯла̄йа пат̣икасси адхаммикена каммена куппена ат̣т̣ха̄на̄рахена, адхаммена самодха̄напарива̄сам̣ дети. со париваса̄мӣти ман̃н̃ама̄но…пе… там̣ сан̇гхо пурима̄ а̄паттӣнам̣ антара̄а̄паттӣнан̃ча, апара̄а̄паттӣнам̣ антара̄а̄паттӣнан̃ча, мӯла̄йа пат̣икассати дхаммикена каммена акуппена т̣ха̄на̄рахена, дхаммена самодха̄напарива̄сам̣ дети, дхаммена ма̄наттам̣ дети, дхаммена аббхети. со, бхиккхаве, бхиккху висуддхо та̄хи а̄паттӣхи [имепи чатта̄ро ва̄ра̄ сӣ. сйа̄. поттхакесу парипун̣н̣а̄ диссанти].

‘‘идха пана, бхиккхаве, бхиккху самбахула̄ сан̇гха̄дисеса̄ а̄паттийо а̄паджджати парима̄н̣ампи апарима̄н̣ампи…пе… ваваттхитампи самбхиннампи. со сан̇гхам̣ та̄сам̣ а̄паттӣнам̣ самодха̄напарива̄сам̣ йа̄чати. тасса сан̇гхо та̄сам̣ а̄паттӣнам̣ самодха̄напарива̄сам̣ дети. со паривасанто антара̄ самбахула̄ сан̇гха̄дисеса̄ а̄паттийо а̄паджджати парима̄н̣а̄йопи апарима̄н̣а̄йопи пат̣иччханна̄йо. со сан̇гхам̣ антара̄а̄паттӣнам̣ мӯла̄йапат̣икассанам̣ йа̄чати. там̣ сан̇гхо антара̄а̄паттӣнам̣ мӯла̄йа пат̣икассати адхаммикена каммена куппена ат̣т̣ха̄на̄рахена, адхаммена самодха̄напарива̄сам̣ дети. со париваса̄мӣти ман̃н̃ама̄но антара̄ самбахула̄ сан̇гха̄дисеса̄ а̄паттийо а̄паджджати парима̄н̣а̄йопи апарима̄н̣а̄йопи пат̣иччханна̄йо. со тасмим̣ бхӯмийам̣ т̣хито пурима̄ а̄паттӣнам̣ антара̄а̄паттийо сарати, апара̄а̄паттӣнам̣ антара̄а̄паттийо сарати. тасса евам̣ хоти – ‘ахам̣ кхо самбахула̄ сан̇гха̄дисеса̄ а̄паттийо а̄паджджим̣ парима̄н̣ампи апарима̄н̣ампи…пе… ваваттхитампи самбхиннампи. сохам̣ сан̇гхам̣ та̄сам̣ а̄паттӣнам̣ самодха̄напарива̄сам̣ йа̄чим̣. тасса ме сан̇гхо та̄сам̣ а̄паттӣнам̣ самодха̄напарива̄сам̣ ада̄си. сохам̣ паривасанто антара̄ самбахула̄ сан̇гха̄дисеса̄ а̄паттийо а̄паджджим̣ парима̄н̣а̄йопи апарима̄н̣а̄йопи пат̣иччханна̄йо. сохам̣ сан̇гхам̣ антара̄а̄паттӣнам̣ мӯла̄йапат̣икассанам̣ йа̄чим̣. там̣ мам̣ сан̇гхо антара̄а̄паттӣнам̣ мӯла̄йапат̣икасси адхаммикена каммена куппена ат̣т̣ха̄на̄рахена, адхаммена самодха̄напарива̄сам̣ ада̄си. сохам̣ париваса̄мӣти ман̃н̃ама̄но антара̄ самбахула̄ сан̇гха̄дисеса̄ а̄паттийо а̄паджджим̣ парима̄н̣а̄йопи апарима̄н̣а̄йопи пат̣иччханна̄йо. сохам̣ тасмим̣ бхӯмийам̣ т̣хито пурима̄ а̄паттӣнам̣ антара̄а̄паттийо сара̄ми, апара̄а̄паттӣнам̣ антара̄а̄паттийо сара̄ми. йам̣нӯна̄хам̣ сан̇гхам̣ пурима̄ а̄паттӣнам̣ антара̄ паттӣнан̃ча, апара̄а̄паттӣна антара̄а̄паттӣнан̃ча, мӯла̄йапат̣икассанам̣ йа̄чеййам̣ дхаммикена каммена акуппена т̣ха̄на̄рахена, дхаммена самодха̄напарива̄сам̣, дхаммена ма̄наттам̣, дхаммена аббха̄на’нти. со сан̇гхам̣ пурима̄ а̄паттӣнам̣ антара̄а̄паттӣнан̃ча, апара̄а̄паттӣнам̣ антара̄а̄паттӣнан̃ча, мӯла̄йапат̣икассанам̣ йа̄чати дхаммикена каммена акуппена т̣ха̄на̄рахена, дхаммена самодха̄напарива̄сам̣, дхаммена ма̄наттам̣, дхаммена аббха̄нам̣. там̣ сан̇гхо пурима̄ а̄паттӣнам̣ антара̄а̄паттӣнан̃ча, апара̄а̄паттӣнам̣ антара̄а̄паттӣнан̃ча, мӯла̄йа пат̣икассати дхаммикена каммена акуппена т̣ха̄на̄рахена, дхаммена самодха̄напарива̄сам̣ дети, дхаммена ма̄наттам̣ дети, дхаммена аббхети. со, бхиккхаве, бхиккху висуддхо та̄хи а̄паттӣхи.

‘‘идха пана, бхиккхаве, бхиккху самбахула̄ сан̇гха̄дисеса̄ а̄паттийо а̄паджджати парима̄н̣ампи апарима̄н̣ампи…пе… ваваттхитампи самбхиннампи. со сан̇гхам̣ та̄сам̣ а̄паттӣнам̣ самодха̄напарива̄сам̣ йа̄чати. тасса сан̇гхо та̄сам̣ а̄паттӣнам̣ самодха̄напарива̄сам̣ дети. со паривасанто антара̄ самбахула̄ сан̇гха̄дисеса̄ а̄паттийо а̄паджджати парима̄н̣а̄йопи апарима̄н̣а̄йопи пат̣иччханна̄йопи аппат̣иччханна̄йопи. со сан̇гхам̣ антара̄а̄паттӣнам̣ мӯла̄йапат̣икассанам̣ йа̄чати. там̣ сан̇гхо антара̄а̄паттӣнам̣ мӯла̄йа пат̣икассати адхаммикена каммена куппена ат̣т̣ха̄на̄рахена, адхаммена самодха̄напарива̄сам̣ дети. со париваса̄мӣти ман̃н̃ама̄но антара̄ самбахула̄ сан̇гха̄дисеса̄ а̄паттийо а̄паджджати парима̄н̣а̄йопи апарима̄н̣а̄йопи пат̣иччханна̄йопи аппат̣иччханна̄йопи. со тасмим̣ бхӯмийам̣ т̣хито пурима̄ а̄паттӣнам̣ антара̄а̄паттийо сарати, апара̄а̄паттӣнам̣ антара̄а̄паттийо сарати. тасса евам̣ хоти – ‘ахам̣ кхо самбахула̄ сан̇гха̄дисеса̄ а̄паттийо а̄паджджим̣ парима̄н̣ампи апарима̄н̣ампи…пе… ваваттхитампи самбхиннампи. сохам̣ сан̇гхам̣ та̄сам̣ а̄паттӣнам̣ самодха̄напарива̄сам̣ йа̄чим̣. тасса ме сан̇гхо та̄сам̣ а̄паттӣнам̣ самодха̄напарива̄сам̣ ада̄си. сохам̣ паривасанто антара̄ самбахула̄ сан̇гха̄дисеса̄ а̄паттийо а̄паджджим̣ парима̄н̣а̄йопи апарима̄н̣а̄йопи пат̣иччханна̄йопи аппат̣иччханна̄йопи. сохам̣ сан̇гхам̣ антара̄а̄паттӣнам̣ мӯла̄йапат̣икассанам̣ йа̄чим̣. там̣ мам̣ сан̇гхо антара̄а̄паттӣнам̣ мӯла̄йа пат̣икасси адхаммикена каммена куппена ат̣т̣ха̄на̄рахена, адхаммена самодха̄напарива̄сам̣ ада̄си. сохам̣ париваса̄мӣти ман̃н̃ама̄но антара̄ самбахула̄ сан̇гха̄дисеса̄ а̄паттийо а̄паджджим̣ парима̄н̣а̄йопи апарима̄н̣а̄йопи пат̣иччханна̄йопи аппат̣иччханна̄йопи. сохам̣ тасмим̣ бхӯмийам̣ т̣хито пурима̄ а̄паттӣнам̣ антара̄а̄паттийо сара̄ми, апара̄а̄паттӣнам̣ антара̄а̄паттийо сара̄ми. йам̣нӯна̄хам̣ сан̇гхам̣ пурима̄паттӣнам̣ антара̄а̄паттӣнан̃ча, апара̄а̄паттӣнам̣ антара̄а̄паттӣнан̃ча, мӯла̄йапат̣икассанам̣ йа̄чеййам̣ дхаммикена каммена акуппена т̣ха̄на̄рахена, дхаммена самодха̄напарива̄сам̣, дхаммена ма̄наттам̣, дхаммена аббха̄на’нти. со сан̇гхам̣ пурима̄ а̄паттӣнам̣ антара̄а̄паттӣнан̃ча, апара̄а̄паттӣнам̣ антара̄а̄паттӣнан̃ча, мӯла̄йа пат̣икассанам̣ йа̄чати дхаммикена каммена акуппена т̣ха̄на̄рахена, дхаммена самодха̄напарива̄сам̣, дхаммена ма̄наттам̣, дхаммена аббха̄нам̣. там̣ сан̇гхо пурима̄ а̄паттӣнам̣ антара̄ а̄паттӣнан̃ча, апара̄ а̄паттӣнам̣ антара̄ а̄паттӣнан̃ча, мӯла̄йа пат̣икассати дхаммикена каммена акуппена т̣ха̄на̄рахена, дхаммена самодха̄напарива̄сам̣ дети, дхаммена ма̄наттам̣ дети, дхаммена аббхети. со, бхиккхаве, бхиккху висуддхо та̄хи а̄паттӣхи’’.

татийанавакам̣ нит̣т̣хитам̣.

самуччайаккхандхако татийо.

тассудда̄нам̣ –

аппат̣иччханна̄ ека̄ха-двӣха-тӣха-чатӯха ча;

пан̃ча̄хапаккхадасаннам̣, а̄паттима̄ха маха̄муни.

суддханто ча виббхаманто, парима̄н̣амукхам̣ две бхиккхӯ;

таттха сан̃н̃ино две йатха̄, вематика̄ татхева ча.

миссакадит̣т̣хино две ча, асуддхакекадит̣т̣хино;

две чева суддхадит̣т̣хино.

татхева ча еко чха̄дети, атха маккхаматена ча;

умматтакадесанан̃ча, мӯла̄ ат̣т̣ха̄раса [паннараса (ка.)] висуддхато.

а̄чарийа̄нам̣ вибхаджджапада̄нам̣ [вибхаджджава̄дӣнам̣ (сӣ.)], тамбапан̣н̣идӣпапаса̄дака̄нам̣;

маха̄виха̄рава̄сӣнам̣, ва̄чана̄ саддхаммат̣т̣хитийа̄ти.

самуччайаккхандхакам̣ нит̣т̣хитам̣.