3. самуччайаккхандхакам̣

1. суккависсат̣т̣хи

97. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена а̄йасма̄ уда̄йӣ екам̣ а̄паттим̣ а̄панно хоти сан̃четаникам̣ суккависсат̣т̣хим̣ аппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. катхам̣ ну кхо майа̄ пат̣ипаджджитабба’’нти? бхагавато [те бхиккхӯ бхагавато (сйа̄.)] етаматтхам̣ а̄рочесум̣. ‘‘тена хи, бхиккхаве, сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ дету. еван̃ча пана, бхиккхаве, да̄таббам̣ –

аппат̣иччханнама̄наттам̣

98. ‘‘тена, бхиккхаве, уда̄йина̄ бхиккхуна̄ сан̇гхам̣ упасан̇камитва̄ екам̣сам̣ уттара̄сан̇гам̣ каритва̄ вуд̣д̣ха̄нам̣ бхиккхӯнам̣ па̄де вандитва̄ уккут̣икам̣ нисӣдитва̄ ан̃джалим̣ паггахетва̄ евамасса вачанӣйо – ‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣, бханте, сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄ча̄ми. ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. дутийампи, сохам̣ [дутийампи (сӣ. ка.)] бханте, сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄ча̄ми. ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. татийампи сохам̣ [татийампи (сӣ. ка.)], бханте, сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄ча̄мӣ’ти. ‘‘бйаттена бхиккхуна̄ пат̣ибалена сан̇гхо н̃а̄петаббо –

99. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чати. йади сан̇гхасса паттакаллам̣, сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ дадеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чати. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ дети. йасса̄йасмато кхамати уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттасса да̄нам̣, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми – сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чати. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ дети. йасса̄йасмато кхамати уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттасса да̄нам̣, со тун̣хасса; йасса наккхамати, со бха̄сеййа.

‘‘татийампи етаматтхам̣ вада̄ми – сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чати. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ дети. йасса̄йасмато кхамати уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттасса да̄нам̣, со тун̣хасса; йасса наккхамати, со бха̄сеййа.

‘‘диннам̣ сан̇гхена уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

аппат̣иччханнааббха̄нам̣

100. со чин̣н̣ама̄натто бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. сохам̣ чин̣н̣ама̄натто. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йим̣ бхиккхум̣ аббхету. еван̃ча пана, бхиккхаве, аббхетаббо –

тена, бхиккхаве, уда̄йина̄ бхиккхуна̄ сан̇гхам̣ упасан̇камитва̄ екам̣сам̣ уттара̄сан̇гам̣ каритва̄ вуд̣д̣ха̄нам̣ бхиккхӯнам̣ па̄де вандитва̄ уккут̣икам̣ нисӣдитва̄ ан̃джалим̣ паггахетва̄ евамасса вачанӣйо – ‘‘ахам̣ бханте екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣, сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. сохам̣, бханте, чин̣н̣ама̄натто сан̇гхам̣ аббха̄нам̣ йа̄ча̄ми.

‘‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. сохам̣ чин̣н̣ама̄натто дутийампи, бханте, сан̇гхам̣ аббха̄нам̣ йа̄ча̄ми.

‘‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. сохам̣ чин̣н̣ама̄натто татийампи, бханте, сан̇гхам̣ аббха̄нам̣ йа̄ча̄мӣти. бйаттена бхиккхуна̄ пат̣ибалена сан̇гхо н̃а̄петаббо –

101. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. со чин̣н̣ама̄натто сан̇гхам̣ аббха̄нам̣ йа̄чати. йади сан̇гхасса паттакаллам̣, сан̇гхо уда̄йим̣ бхиккхум̣ аббхеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. со чин̣н̣ама̄натто сан̇гхам̣ аббха̄нам̣ йа̄чати. сан̇гхо уда̄йим̣ бхиккхум̣ аббхети. йасса̄йасмато кхамати уда̄йисса бхиккхуно аббха̄нам̣, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми – сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. со чин̣н̣ама̄натто сан̇гхам̣ аббха̄нам̣ йа̄чати. сан̇гхо уда̄йим̣ бхиккхум̣ аббхети. йасса̄йасмато кхамати уда̄йисса бхиккхуно аббха̄нам̣, со тун̣хасса; йасса наккхамати, со бха̄сеййа.

‘‘татийампи етаматтхам̣ вада̄ми – сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. со чин̣н̣ама̄натто сан̇гхам̣ аббха̄нам̣ йа̄чати. сан̇гхо уда̄йим̣ бхиккхум̣ аббхети. йасса̄йасмато кхамати уда̄йисса бхиккхуно аббха̄нам̣, со тун̣хасса; йасса наккхамати, со бха̄сеййа.

‘‘аббхито сан̇гхена уда̄йӣ бхиккху. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

ека̄хаппат̣иччханнапарива̄сам̣

102. тена кхо пана самайена а̄йасма̄ уда̄йӣ екам̣ а̄паттим̣ а̄панно хоти сан̃четаникам̣ суккависсат̣т̣хим̣ ека̄хаппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ ека̄хаппат̣иччханнам̣. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ дету. еван̃ча пана, бхиккхаве, да̄таббо –

‘‘тена, бхиккхаве, уда̄йина̄ бхиккхуна̄ сан̇гхам̣ упасан̇камитва̄ екам̣сам̣ уттара̄сан̇гам̣ каритва̄ вуд̣д̣ха̄нам̣ бхиккхӯнам̣ па̄де вандитва̄ уккут̣икам̣ нисӣдитва̄ ан̃джалим̣ паггахетва̄ евамасса вачанӣйо – ‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ ека̄хаппат̣иччханнам̣. сохам̣, бханте, сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ йа̄ча̄мӣ’ти. дутийампи йа̄читаббо. татийампи йа̄читаббо. ‘‘бйаттена бхиккхуна̄ пат̣ибалена сан̇гхо н̃а̄петаббо –

103. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ ека̄хаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ йа̄чати. йади сан̇гхасса паттакаллам̣, сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ дадеййа. еса̄ н̃атти.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘динно сан̇гхена уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄со. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

ека̄хаппат̣иччханнама̄наттам̣

104. со паривуттхапарива̄со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ ека̄хаппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ ада̄си. сохам̣ паривуттхапарива̄со. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ дету. еван̃ча пана, бхиккхаве, да̄таббам̣ –

105. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ ека̄хаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ ада̄си. со паривуттхапарива̄со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ йа̄чати. йади сан̇гхасса паттакаллам̣, сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ дадеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ ека̄хаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ ада̄си. со паривуттхапарива̄со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ йа̄чати. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ дети. йасса̄йасмато кхамати уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттасса да̄нам̣, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘диннам̣ сан̇гхена уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

ека̄хаппат̣иччханнааббха̄нам̣

106. со чин̣н̣ама̄натто бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ ека̄хаппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ ада̄си. сохам̣ паривуттхапарива̄со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ ада̄си. сохам̣ чин̣н̣ама̄натто. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йим̣ бхиккхум̣ аббхету. еван̃ча пана, бхиккхаве, аббхетаббо –

‘‘тена бхиккхаве, уда̄йина̄ бхиккхуна̄ сан̇гхам̣ упасан̇камитва̄…пе… евамасса вачанӣйо – ‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ ека̄хаппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ ада̄си. сохам̣ паривуттхапарива̄со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ ада̄си. сохам̣, бханте, чин̣н̣ама̄натто сан̇гхам̣ аббха̄нам̣ йа̄ча̄мӣ’ти. дутийампи йа̄читаббам̣. татийампи йа̄читаббам̣. бйаттена бхиккхуна̄ пат̣ибалена сан̇гхо н̃а̄петаббо –

107. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ ека̄хаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ ада̄си. со паривуттхапарива̄со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ ада̄си. со чин̣н̣ама̄натто сан̇гхам̣ аббха̄нам̣ йа̄чати. йади сан̇гхасса паттакаллам̣, сан̇гхо уда̄йим̣ бхиккхум̣ аббхеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ ека̄хаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа ека̄хапарива̄сам̣ ада̄си. со паривуттхапарива̄со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ ека̄хаппат̣иччханна̄йа чха̄раттам̣ ма̄наттам̣ ада̄си. со чин̣н̣ама̄натто сан̇гхам̣ аббха̄нам̣ йа̄чати. сан̇гхо уда̄йим̣ бхиккхум̣ аббхети. йасса̄йасмато кхамати уда̄йисса бхиккхуно аббха̄нам̣, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘аббхито сан̇гхена уда̄йӣ бхиккху. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

пан̃ча̄хаппат̣иччханнапарива̄со

108. тена кхо пана самайена а̄йасма̄ уда̄йӣ екам̣ а̄паттим̣ а̄панно хоти сан̃четаникам̣ суккависсат̣т̣хим̣ двӣхаппат̣иччханнам̣…пе… тӣхаппат̣иччханнам̣…пе… чатӯхаппат̣иччханнам̣…пе… пан̃ча̄хаппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ дету. еван̃ча пана, бхиккхаве, да̄таббо –

‘‘тена, бхиккхаве, уда̄йина̄ бхиккхуна̄ сан̇гхам̣ упасан̇камитва̄ екам̣сам̣ уттара̄сан̇гам̣ каритва̄ вуд̣д̣ха̄нам̣ бхиккхӯнам̣ па̄де вандитва̄ уккут̣икам̣ нисӣдитва̄ ан̃джалим̣ паггахетва̄ евамасса вачанӣйо – ‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. сохам̣, бханте, сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ йа̄ча̄мӣ’ти. дутийампи йа̄читаббо. татийампи йа̄читаббо. бйаттена бхиккхуна̄ пат̣ибалена сан̇гхо н̃а̄петаббо –

109. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ йа̄чати. йади сан̇гхасса паттакаллам̣, сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ дадеййа. еса̄ н̃атти.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘динно сан̇гхена уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄со. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

па̄рива̄сикамӯла̄йапат̣икассана̄

110. со паривасанто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ ада̄си. сохам̣ паривасанто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икассату. еван̃ча пана, бхиккхаве, мӯла̄йа пат̣икасситаббо –

111. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ ада̄си. со паривасанто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чати. йади сан̇гхасса паттакаллам̣, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икассеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ ада̄си. со паривасанто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чати. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икассати. йасса̄йасмато кхамати уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассана̄, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘пат̣икассито сан̇гхена уда̄йӣ бхиккху антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассана̄ [мӯла̄йа (сйа̄.)]. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

ма̄натта̄рахамӯла̄йапат̣икассана̄

112. со паривуттхапарива̄со ма̄натта̄рахо антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ ада̄си. сохам̣ паривасанто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чим̣. там̣ мам̣ сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасси. сохам̣ паривуттхапарива̄со ма̄натта̄рахо антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икассату. еван̃ча пана, бхиккхаве, мӯла̄йа пат̣икасситаббо –

‘‘тена, бхиккхаве, уда̄йина̄ бхиккхуна̄ сан̇гхам̣ упасан̇камитва̄…пе… евамасса вачанӣйо – ‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… сохам̣ паривуттхапарива̄со ма̄натта̄рахо антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄ча̄мӣ’ти. дутийампи йа̄читабба̄. татийампи йа̄читабба̄. бйаттена бхиккхуна̄ пат̣ибалена сан̇гхо н̃а̄петаббо –

113. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… со паривуттхапарива̄со ма̄натта̄рахо антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чати. йади сан̇гхасса паттакаллам̣, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икассеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… со паривуттхапарива̄со ма̄натта̄рахо антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чати. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икассати. йасса̄йасмато кхамати уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассана̄, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘пат̣икассито сан̇гхена уда̄йӣ бхиккху антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассана̄. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

тика̄паттима̄наттам̣

114. со паривуттхапарива̄со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… сохам̣ паривуттхапарива̄со. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йисса бхиккхуно тиссаннам̣ а̄паттӣнам̣ чха̄раттам̣ ма̄наттам̣ дету. еван̃ча пана, бхиккхаве, да̄таббам̣ –

115. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… со паривуттхапарива̄со сан̇гхам̣ тиссаннам̣ а̄паттӣнам̣ чха̄раттам̣ ма̄наттам̣ йа̄чати. йади сан̇гхасса паттакаллам̣, сан̇гхо уда̄йисса бхиккхуно тиссаннам̣ а̄паттӣнам̣ чха̄раттам̣ ма̄наттам̣ дадеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… со паривуттхапарива̄со сан̇гхам̣ тиссаннам̣ а̄паттӣнам̣ чха̄раттам̣ ма̄наттам̣ йа̄чати. сан̇гхо уда̄йисса бхиккхуно тиссаннам̣ а̄паттӣнам̣ чха̄раттам̣ ма̄наттам̣ дети. йасса̄йасмато кхамати уда̄йисса бхиккхуно тиссаннам̣ а̄паттӣнам̣ чха̄раттам̣ ма̄наттасса да̄нам̣, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘диннам̣ сан̇гхена уда̄йисса бхиккхуно тиссаннам̣ а̄паттӣнам̣ чха̄раттам̣ ма̄наттам̣. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

ма̄наттача̄рикамӯла̄йапат̣икассана̄

116. со ма̄наттам̣ чаранто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… сохам̣ ма̄наттам̣ чаранто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасситва̄ чха̄раттам̣ ма̄наттам̣ дету. еван̃ча пана, бхиккхаве, мӯла̄йа пат̣икасситаббо – тена, бхиккхаве, уда̄йина̄ бхиккхуна̄ сан̇гхам̣ упасан̇камитва̄…пе… евамасса вачанӣйо – ‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… сохам̣ ма̄наттам̣ чаранто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣, бханте, сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄ча̄мӣ’ти. дутийампи йа̄читабба̄. татийампи йа̄читабба̄. ‘‘бйаттена бхиккхуна̄ пат̣ибалена сан̇гхо н̃а̄петаббо –

117. ‘‘сун̣а̄ту ме, бханте, сан̇гхо. айам̣ уда̄йӣ бхиккху…пе… мӯла̄йапат̣икассанам̣ йа̄чати. йади сан̇гхасса паттакаллам̣, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икассеййа. еса̄ н̃атти…пе… пат̣икассито сан̇гхена уда̄йӣ бхиккху антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассана̄. кхамати сан̇гхасса, тасма̄ тун̣хӣ, еваметам̣ дха̄райа̄мӣти.

‘‘еван̃ча пана, бхиккхаве, чха̄раттам̣ ма̄наттам̣ да̄таббам̣ – тена, бхиккхаве, уда̄йина̄ бхиккхуна̄…пе… евамасса вачанӣйо – ‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… сохам̣ ма̄наттам̣ чаранто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чим̣. там̣ мам̣ сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасси. сохам̣, бханте, сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄ча̄мӣ’ти. дутийампи йа̄читаббам̣. татийампи йа̄читаббам̣. бйаттена бхиккхуна̄ пат̣ибалена сан̇гхо н̃а̄петаббо –

‘‘сун̣а̄ту ме, бханте, сан̇гхо. айам̣ уда̄йӣ бхиккху…пе… чха̄раттам̣ ма̄наттам̣ йа̄чати. йади сан̇гхасса паттакаллам̣, сан̇гхо уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ дадеййа. еса̄ н̃атти…пе… диннам̣ сан̇гхена уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

аббха̄на̄рахамӯла̄йапат̣икассана̄

118. со чин̣н̣ама̄натто аббха̄на̄рахо антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… сохам̣ чин̣н̣ама̄натто аббха̄на̄рахо антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасситва̄ чха̄раттам̣ ма̄наттам̣ дету. еван̃ча пана, бхиккхаве, мӯла̄йа пат̣икасситаббо…пе….

‘‘еван̃ча пана, бхиккхаве, чха̄раттам̣ ма̄наттам̣ да̄таббам̣…пе….

‘‘диннам̣ сан̇гхена уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

мӯла̄йапат̣икасситааббха̄нам̣

119. со чин̣н̣ама̄натто бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… сохам̣ чин̣н̣ама̄натто. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. тена хи, бхиккхаве, сан̇гхо уда̄йим̣ бхиккхум̣ аббхету. еван̃ча пана, бхиккхаве, аббхетаббо –

‘‘тена, бхиккхаве, уда̄йина̄ бхиккхуна̄ сан̇гхам̣ упасан̇камитва̄…пе… евамасса вачанӣйо – ‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ ада̄си. сохам̣ паривасанто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чим̣. там̣ мам̣ сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасси. сохам̣ паривуттхапарива̄со ма̄натта̄рахо антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чим̣. там̣ мам̣ сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасси. сохам̣ паривуттхапарива̄со сан̇гхам̣ тиссаннам̣ а̄паттӣнам̣ чха̄раттам̣ ма̄наттам̣ йа̄чим̣. тасса ме сан̇гхо тиссаннам̣ а̄паттӣнам̣ чха̄раттам̣ ма̄наттам̣ ада̄си. сохам̣ ма̄наттам̣ чаранто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чим̣. там̣ мам̣ сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасси. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чим̣. тасса ме сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. сохам̣ чин̣н̣ама̄натто аббха̄на̄рахо антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ аппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чим̣. там̣ мам̣ сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасси. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чим̣. тасса ме сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. сохам̣, бханте, чин̣н̣ама̄натто сан̇гхам̣ аббха̄нам̣ йа̄ча̄мӣ’’’ти.

‘‘дутийампи йа̄читаббам̣. татийампи йа̄читаббам̣. бйаттена бхиккхуна̄ пат̣ибалена сан̇гхо н̃а̄петаббо –

120. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пан̃ча̄хапарива̄сам̣ ада̄си. со паривасанто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чи. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасси. со паривуттхапарива̄со ма̄натта̄рахо антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чи. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасси. со паривуттхапарива̄со сан̇гхам̣ тиссаннам̣ а̄паттӣнам̣ чха̄раттам̣ ма̄наттам̣ йа̄чи. сан̇гхо уда̄йисса бхиккхуно тиссаннам̣ а̄паттӣнам̣ чха̄раттам̣ ма̄наттам̣ ада̄си. со ма̄наттам̣ чаранто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чи. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасси. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чи. сан̇гхо уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. со чин̣н̣ама̄натто аббха̄на̄рахо антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ аппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йапат̣икассанам̣ йа̄чи. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа мӯла̄йа пат̣икасси. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ йа̄чи. сан̇гхо уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ аппат̣иччханна̄йа чха̄раттам̣ ма̄наттам̣ ада̄си. со чин̣н̣ама̄натто сан̇гхам̣ аббха̄нам̣ йа̄чати. йади сан̇гхасса паттакаллам̣, сан̇гхо уда̄йим̣ бхиккхум̣ аббхеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣…пе… со чин̣н̣ама̄натто сан̇гхам̣ аббха̄нам̣ йа̄чати. сан̇гхо уда̄йим̣ бхиккхум̣ аббхети. йасса̄йасмато кхамати уда̄йисса бхиккхуно аббха̄нам̣, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘аббхито сан̇гхена уда̄йӣ бхиккху. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

паккхаппат̣иччханнапарива̄со

121. тена кхо пана самайена а̄йасма̄ уда̄йӣ екам̣ а̄паттим̣ а̄панно хоти сан̃четаникам̣ суккависсат̣т̣хим̣ паккхаппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ паккхаппат̣иччханнам̣. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ дету. еван̃ча пана, бхиккхаве, да̄таббо –

122. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ паккхаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ йа̄чати. йади сан̇гхасса паттакаллам̣, сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ дадеййа. еса̄ н̃атти.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘динно сан̇гхена уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄со. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

паккхапа̄рива̄сикамӯла̄йапат̣икассана̄

123. со паривасанто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ паккхаппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ ада̄си. сохам̣ паривасанто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. катхам̣ ну кхо майа̄ пат̣ипаджджитабба’’нти! бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасситва̄ пурима̄йа а̄паттийа̄ самодха̄напарива̄сам̣ дету. еван̃ча пана, бхиккхаве, мӯла̄йа пат̣икасситаббо –

124. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ паккхаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ ада̄си. со паривасанто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чати. йади сан̇гхасса паттакаллам̣, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икассеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ паккхаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ ада̄си. со паривасанто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чати. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икассати. йасса̄йасмато кхамати уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассана̄, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘пат̣икассито сан̇гхена уда̄йӣ бхиккху антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассана̄. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

самодха̄напарива̄со

125. ‘‘еван̃ча пана, бхиккхаве, пурима̄йа а̄паттийа̄ самодха̄напарива̄со да̄таббо – тена, бхиккхаве, уда̄йина̄ бхиккхуна̄ сан̇гхам̣ упасан̇камитва̄…пе… евамасса вачанӣйо – ‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ паккхаппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ ада̄си. сохам̣ паривасанто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чим̣. там̣ мам̣ сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасси. сохам̣, бханте, сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ йа̄ча̄мӣ’’’ти.

‘‘дутийампи йа̄читаббо. татийампи йа̄читаббо. бйаттена бхиккхуна̄ пат̣ибалена сан̇гхо н̃а̄петаббо –

126. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ паккхаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ ада̄си. со паривасанто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чи. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасси. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ йа̄чати. йади сан̇гхасса паттакаллам̣, сан̇гхо уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ дадеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ паккхаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ ада̄си. со паривасанто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чи. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасси. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ йа̄чати. сан̇гхо уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ дети. йасса̄йасмато кхамати уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сасса да̄нам̣, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘динно сан̇гхена уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄со. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

ма̄натта̄рахамӯла̄йапат̣икассана̄ди

127. со паривуттхапарива̄со ма̄натта̄рахо антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ паккхаппат̣иччханнам̣…пе… сохам̣ паривуттхапарива̄со ма̄натта̄рахо антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасситва̄ пурима̄йа а̄паттийа̄ самодха̄напарива̄сам̣ дету. еван̃ча пана, бхиккхаве, мӯла̄йа пат̣икасситаббо…пе….

‘‘еван̃ча пана, бхиккхаве, пурима̄йа а̄паттийа̄ самодха̄напарива̄со да̄таббо…пе… дети…пе….

тика̄паттима̄наттам̣

128. со паривуттхапарива̄со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ паккхаппат̣иччханнам̣…пе… сохам̣ паривуттхапарива̄со. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йисса бхиккхуно тиссаннам̣ а̄паттӣнам̣ чха̄раттам̣ ма̄наттам̣ дету. еван̃ча пана, бхиккхаве, да̄таббам̣ –

‘‘тена, бхиккхаве, уда̄йина̄ бхиккхуна̄ сан̇гхам̣ упасан̇камитва̄…пе… евамасса вачанӣйо – ‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ паккхаппат̣иччханнам̣…пе… сохам̣, бханте, паривуттхапарива̄со сан̇гхам̣ тиссаннам̣ а̄паттӣнам̣ чха̄раттам̣ ма̄наттам̣ йа̄ча̄мӣ’ти. дутийампи йа̄читаббам̣. татийампи йа̄читаббам̣. бйаттена бхиккхуна̄ пат̣ибалена сан̇гхо н̃а̄петаббо –

129. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ паккхаппат̣иччханнам̣…пе… со паривуттхапарива̄со сан̇гхам̣ тиссаннам̣ а̄паттӣнам̣ чха̄раттам̣ ма̄наттам̣ йа̄чати. йади сан̇гхасса паттакаллам̣, сан̇гхо уда̄йисса бхиккхуно тиссаннам̣ а̄паттӣнам̣ чха̄раттам̣ ма̄наттам̣ дадеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ паккхаппат̣иччханнам̣…пе… со паривуттхапарива̄со сан̇гхам̣ тиссаннам̣ а̄паттӣнам̣ чха̄раттам̣ ма̄наттам̣ йа̄чати. сан̇гхо уда̄йисса бхиккхуно тиссаннам̣ а̄паттӣнам̣ чха̄раттам̣ ма̄наттам̣ дети. йасса̄йасмато кхамати уда̄йисса бхиккхуно тиссаннам̣ а̄паттӣнам̣ чха̄раттам̣ ма̄наттасса да̄нам̣, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

ма̄наттача̄рикамӯла̄йапат̣икассана̄ди

130. со ма̄наттам̣ чаранто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ паккхаппат̣иччханнам̣…пе… сохам̣ ма̄наттам̣ чаранто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасситва̄ пурима̄йа а̄паттийа̄ самодха̄напарива̄сам̣ датва̄ чха̄раттам̣ ма̄наттам̣ дету. еван̃ча пана, бхиккхаве, мӯла̄йа пат̣икасситаббо…пе….

‘‘еван̃ча пана, бхиккхаве, пурима̄йа а̄паттийа̄ самодха̄напарива̄со да̄таббо…пе….

‘‘еван̃ча пана, бхиккхаве, чха̄раттам̣ ма̄наттам̣ да̄таббам̣…пе… дети…пе….

‘‘диннам̣ сан̇гхена уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа чха̄раттам̣ ма̄наттам̣. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

аббха̄на̄рахамӯла̄йапат̣икассана̄ди

131. со чин̣н̣ама̄натто аббха̄на̄рахо антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ паккхаппат̣иччханнам̣…пе… сохам̣ чин̣н̣ама̄натто аббха̄на̄рахо антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасситва̄ пурима̄йа а̄паттийа̄ самодха̄напарива̄сам̣ датва̄ чха̄раттам̣ ма̄наттам̣ дету. еван̃ча пана, бхиккхаве, мӯла̄йа пат̣икасситаббо…пе….

‘‘еван̃ча пана, бхиккхаве, пурима̄йа а̄паттийа̄ самодха̄напарива̄со да̄таббо…пе….

‘‘еван̃ча пана, бхиккхаве, чха̄раттам̣ ма̄наттам̣ да̄таббам̣…пе… дети…пе….

паккхаппат̣иччханнааббха̄нам̣

132. со чин̣н̣ама̄натто бхиккхӯнам̣ а̄рочеси – ‘‘ахам̣, а̄вусо, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ паккхаппат̣иччханнам̣…пе… сохам̣ чин̣н̣ама̄натто. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо уда̄йим̣ бхиккхум̣ аббхету. еван̃ча пана, бхиккхаве, аббхетаббо –

‘‘тена, бхиккхаве, уда̄йина̄ бхиккхуна̄ сан̇гхам̣ упасан̇камитва̄, екам̣сам̣ уттара̄сан̇гам̣ каритва̄, вуд̣д̣ха̄нам̣ бхиккхӯнам̣ па̄де вандитва̄, уккут̣икам̣ нисӣдитва̄, ан̃джалим̣ паггахетва̄, евамасса вачанӣйо – ‘ахам̣, бханте, екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ паккхаппат̣иччханнам̣. сохам̣ сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ йа̄чим̣. тасса ме сан̇гхо екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ ада̄си. сохам̣ паривасанто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чим̣. там̣ мам̣ сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасси. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ йа̄чим̣. тасса ме сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ ада̄си. сохам̣ паривуттхапарива̄со ма̄натта̄рахо антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чим̣. там̣ мам̣ сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасси. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ йа̄чим̣. тасса ме сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ ада̄си. сохам̣ паривуттхапарива̄со сан̇гхам̣ тиссаннам̣ а̄паттӣнам̣ чха̄раттам̣ ма̄наттам̣ йа̄чим̣. тасса ме сан̇гхо тиссаннам̣ а̄паттӣнам̣ чха̄раттам̣ ма̄наттам̣ ада̄си. сохам̣ ма̄наттам̣ чаранто антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чим̣. там̣ мам̣ сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасси. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ йа̄чим̣. тасса ме сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ ада̄си. сохам̣ паривуттхапарива̄со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа чха̄раттам̣ ма̄наттам̣ йа̄чим̣. тасса ме сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа чха̄раттам̣ ма̄наттам̣ ада̄си. сохам̣ чин̣н̣ама̄натто аббха̄на̄рахо антара̄ екам̣ а̄паттим̣ а̄паджджим̣ сан̃четаникам̣ суккависсат̣т̣хим̣ пан̃ча̄хаппат̣иччханнам̣. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чим̣. там̣ мам̣ сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасси. сохам̣ сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ йа̄чим̣. тасса ме сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ ада̄си. сохам̣ паривуттхапарива̄со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа чха̄раттам̣ ма̄наттам̣ йа̄чим̣. тасса ме сан̇гхо антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа чха̄раттам̣ ма̄наттам̣ ада̄си. сохам̣, бханте, чин̣н̣ама̄натто сан̇гхам̣ аббха̄нам̣ йа̄ча̄мӣ’’’ти.

‘‘дутийампи йа̄читаббам̣. татийампи йа̄читаббам̣. бйаттена бхиккхуна̄ пат̣ибалена сан̇гхо н̃а̄петаббо –

133. ‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ паккхаппат̣иччханнам̣. со сан̇гхам̣ екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ йа̄чи. сан̇гхо уда̄йисса бхиккхуно екисса̄ а̄паттийа̄ сан̃четаника̄йа суккависсат̣т̣хийа̄ паккхаппат̣иччханна̄йа паккхапарива̄сам̣ ада̄си. со паривасанто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чи. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасси. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ йа̄чи. сан̇гхо уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ ада̄си. со паривуттхапарива̄со ма̄натта̄рахо антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чи. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасси. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ йа̄чи. сан̇гхо уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ ада̄си. со паривуттхапарива̄со сан̇гхам̣ тиссаннам̣ а̄паттӣнам̣ чха̄раттам̣ ма̄наттам̣ йа̄чи. сан̇гхо уда̄йисса бхиккхуно тиссаннам̣ а̄паттӣнам̣ чха̄раттам̣ ма̄наттам̣ ада̄си. со ма̄наттам̣ чаранто антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чи. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасси. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ йа̄чи. сан̇гхо уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ ада̄си. со паривуттхапарива̄со сан̇гхам̣ [со сам̣гхам̣ (ка.)] антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа чха̄раттам̣ ма̄наттам̣ йа̄чи. сан̇гхо уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа чха̄раттам̣ ма̄наттам̣ ада̄си. со чин̣н̣ама̄натто аббха̄на̄рахо антара̄ екам̣ а̄паттим̣ а̄паджджи сан̃четаникам̣ суккависсат̣т̣хим̣ пан̃ча̄хаппат̣иччханнам̣. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йапат̣икассанам̣ йа̄чи. сан̇гхо уда̄йим̣ бхиккхум̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа мӯла̄йа пат̣икасси. со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ йа̄чи. сан̇гхо уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа пурима̄йа а̄паттийа̄ самодха̄напарива̄сам̣ ада̄си. со паривуттхапарива̄со сан̇гхам̣ антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа чха̄раттам̣ ма̄наттам̣ йа̄чи. сан̇гхо уда̄йисса бхиккхуно антара̄ екисса̄ а̄паттийа̄ сан̃четаника̄йа суккависсат̣т̣хийа̄ пан̃ча̄хаппат̣иччханна̄йа чха̄раттам̣ ма̄наттам̣ ада̄си. со чин̣н̣ама̄натто сан̇гхам̣ аббха̄нам̣ йа̄чати. йади сан̇гхасса паттакаллам̣, сан̇гхо уда̄йим̣ бхиккхум̣ аббхеййа. еса̄ н̃атти.

‘‘сун̣а̄ту ме, бханте, сан̇гхо. айам̣ уда̄йӣ бхиккху екам̣ а̄паттим̣ а̄паджджи сан̃четаникам̣ суккависсат̣т̣хим̣ паккхаппат̣иччханнам̣…пе… со чин̣н̣ама̄натто сан̇гхам̣ аббха̄нам̣ йа̄чати. сан̇гхо уда̄йим̣ бхиккхум̣ аббхети. йасса̄йасмато кхамати уда̄йисса бхиккхуно аббха̄нам̣, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘аббхито сан̇гхена уда̄йӣ бхиккху. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

суккависсат̣т̣хи саматта̄.

2. парива̄со

аггхасамодха̄напарива̄со

134. тена кхо пана самайена ан̃н̃атаро бхиккху самбахула̄ сан̇гха̄дисеса̄ а̄паттийо а̄панно хоти – ека̄ а̄патти ека̄хаппат̣иччханна̄, ека̄ а̄патти двӣхаппат̣иччханна̄, ека̄ а̄патти тӣхаппат̣иччханна̄, ека̄ а̄патти чатӯхаппат̣иччханна̄, ека̄ а̄патти пан̃ча̄хаппат̣иччханна̄, ека̄ а̄патти чха̄хаппат̣иччханна̄, ека̄ а̄патти сатта̄хаппат̣иччханна̄, ека̄ а̄патти ат̣т̣ха̄хаппат̣иччханна̄, ека̄ а̄патти нава̄хаппат̣иччханна̄, ека̄ а̄патти даса̄хаппат̣иччханна̄. со бхиккхӯнам̣ а̄рочеси – ‘‘ахам̣, а̄вусо, самбахула̄ сан̇гха̄дисеса̄ а̄паттийо а̄паджджим̣ – ека̄ а̄патти ека̄хаппат̣иччханна̄…пе… ека̄ а̄патти даса̄хаппат̣иччханна̄. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо тасса бхиккхуно та̄сам̣ а̄паттӣнам̣ йа̄ а̄патти даса̄хаппат̣иччханна̄ тасса̄ аггхена самодха̄напарива̄сам̣ дету. еван̃ча пана, бхиккхаве, да̄таббо –

‘‘тена, бхиккхаве, бхиккхуна̄ сан̇гхам̣ упасан̇камитва̄…пе… евамасса вачанӣйо – ‘ахам̣, бханте, самбахула̄ сан̇гха̄дисеса̄ а̄паттийо а̄паджджим̣ – ека̄ а̄патти ека̄хаппат̣иччханна̄…пе… ека̄ а̄патти даса̄хаппат̣иччханна̄. сохам̣, бханте, сан̇гхам̣ та̄сам̣ а̄паттӣнам̣ йа̄ а̄патти даса̄хаппат̣иччханна̄ тасса̄ аггхена самодха̄напарива̄сам̣ йа̄ча̄мӣ’ти. дутийампи йа̄читаббо. татийампи йа̄читаббо. бйаттена бхиккхуна̄ пат̣ибалена сан̇гхо н̃а̄петаббо –

135. ‘‘сун̣а̄ту ме, бханте, сан̇гхо. айам̣ иттханна̄мо бхиккху самбахула̄ сан̇гха̄дисеса̄ а̄паттийо а̄паджджи – ека̄ а̄патти ека̄хаппат̣иччханна̄…пе… ека̄ а̄патти даса̄хаппат̣иччханна̄. со сан̇гхам̣ та̄сам̣ а̄паттӣнам̣ йа̄ а̄патти даса̄хаппат̣иччханна̄ тасса̄ аггхена самодха̄напарива̄сам̣ йа̄чати. йади сан̇гхасса паттакаллам̣, сан̇гхо иттханна̄масса бхиккхуно та̄сам̣ а̄паттӣнам̣ йа̄ а̄патти даса̄хаппат̣иччханна̄ тасса̄ аггхена самодха̄напарива̄сам̣ дадеййа. еса̄ н̃атти.

‘‘сун̣а̄ту ме, бханте, сан̇гхо. айам̣ иттханна̄мо бхиккху самбахула̄ сан̇гха̄дисеса̄ а̄паттийо а̄паджджи – ека̄ а̄патти ека̄хаппат̣иччханна̄…пе… ека̄ а̄патти даса̄хаппат̣иччханна̄. со сан̇гхам̣ та̄сам̣ а̄паттӣнам̣ йа̄ а̄патти даса̄хаппат̣иччханна̄ тасса̄ аггхена самодха̄напарива̄сам̣ йа̄чати. сан̇гхо иттханна̄масса бхиккхуно та̄сам̣ а̄паттӣнам̣ йа̄ а̄патти даса̄хаппат̣иччханна̄ тасса̄ аггхена самодха̄напарива̄сам̣ дети. йасса̄йасмато кхамати иттханна̄масса бхиккхуно та̄сам̣ а̄паттӣнам̣ йа̄ а̄патти даса̄хаппат̣иччханна̄; тасса̄ аггхена самодха̄напарива̄сасса да̄нам̣, со тун̣хасса; йасса наккхамати, со бха̄сеййа.

‘‘дутийампи етаматтхам̣ вада̄ми…пе… татийампи етаматтхам̣ вада̄ми…пе….

‘‘динно сан̇гхена иттханна̄масса бхиккхуно та̄сам̣ а̄паттӣнам̣ йа̄ а̄патти даса̄хаппат̣иччханна̄ тасса̄ аггхена самодха̄напарива̄со. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

саббачираппат̣иччханнааггхасамодха̄нам̣

136. тена кхо пана самайена ан̃н̃атаро бхиккху самбахула̄ сан̇гха̄дисеса̄ а̄паттийо а̄панно хоти – ека̄ а̄патти ека̄хаппат̣иччханна̄, две а̄паттийо двӣхаппат̣иччханна̄йо [двӣхаппат̣иччханна̄ (ка. евам̣ йа̄вадаса̄хаппат̣иччханна̄)], тиссо а̄паттийо тӣхаппат̣иччханна̄йо, чатассо а̄паттийо чатӯхаппат̣иччханна̄йо, пан̃ча а̄паттийо пан̃ча̄хаппат̣иччханна̄йо, чха а̄паттийо чха̄хаппат̣иччханна̄йо, сатта а̄паттийо сатта̄хаппат̣иччханна̄йо, ат̣т̣ха а̄паттийо ат̣т̣ха̄хаппат̣иччханна̄йо, нава а̄паттийо нава̄хаппат̣иччханна̄йо, даса а̄паттийо даса̄хаппат̣иччханна̄йо. со бхиккхӯнам̣ а̄рочеси – ‘‘ахам̣, а̄вусо, самбахула̄ сан̇гха̄дисеса̄ а̄паттийо а̄паджджим̣, ека̄ а̄патти ека̄хаппат̣иччханна̄…пе… даса а̄паттийо даса̄хаппат̣иччханна̄йо. катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ‘‘тена хи, бхиккхаве, сан̇гхо тасса бхиккхуно та̄сам̣ а̄паттӣнам̣ йа̄ а̄паттийо саббачираппат̣иччханна̄йо та̄сам̣ аггхена самодха̄напарива̄сам̣ дету. еван̃ча пана, бхиккхаве, да̄таббо –

‘‘тена, бхиккхаве, бхиккхуна̄ сан̇гхам̣ упасан̇камитва̄…пе… евамасса вачанӣйо – ‘ахам̣, бханте, самбахула̄ сан̇гха̄дисеса̄ а̄паттийо а̄паджджим̣, ека̄ а̄патти ека̄хаппат̣иччханна̄…пе… даса а̄паттийо даса̄хаппат̣иччханна̄йо. сохам̣, бханте, сан̇гхам̣ та̄сам̣ а̄паттӣнам̣ йа̄ а̄паттийо саббачираппат̣иччханна̄йо та̄сам̣ аггхена самодха̄напарива̄сам̣ йа̄ча̄мӣ’ти. дутийампи йа̄читаббо. татийампи йа̄читаббо. ‘‘бйаттена бхиккхуна̄ пат̣ибалена сан̇гхо н̃а̄петаббо –

137. сун̣а̄ту ме, бханте, сан̇гхо. айам̣ иттханна̄мо бхиккху самбахула̄ сан̇гха̄дисеса̄ а̄паттийо а̄паджджи, ека̄ а̄патти ека̄хаппат̣иччханна̄…пе… даса а̄паттийо даса̄хаппат̣иччханна̄йо. со сан̇гхам̣ та̄сам̣ а̄паттӣнам̣ йа̄ а̄паттийо саббачираппат̣иччханна̄йо та̄сам̣ аггхена самодха̄напарива̄сам̣ йа̄чати. йади сан̇гхасса паттакаллам̣ сан̇гхо иттханна̄масса бхиккхуно та̄сам̣ а̄паттӣнам̣ йа̄ а̄паттийо саббачираппат̣иччханна̄йо та̄сам̣ аггхена самодха̄напарива̄сам̣ дадеййа. еса̄ н̃атти.

‘‘сун̣а̄ту ме, бханте, сан̇гхо. айам̣ иттханна̄мо бхиккху самбахула̄ сан̇гха̄дисеса̄ а̄паттийо а̄паджджи – ека̄ а̄патти ека̄хаппат̣иччханна̄…пе… даса а̄паттийо даса̄хаппат̣иччханна̄йо. со сан̇гхам̣ та̄сам̣ а̄паттӣнам̣ йа̄ а̄паттийо саббачираппат̣иччханна̄йо та̄сам̣ аггхена самодха̄напарива̄сам̣ йа̄чати. сан̇гхо иттханна̄масса бхиккхуно та̄сам̣ а̄паттӣнам̣ йа̄ а̄паттийо саббачираппат̣иччханна̄йо та̄сам̣ аггхена самодха̄напарива̄сам̣ дети. йасса̄йасмато кхамати иттханна̄масса бхиккхуно та̄сам̣ а̄паттӣнам̣ йа̄ а̄паттийо саббачираппат̣иччханна̄йо та̄сам̣ аггхена самодха̄напарива̄сасса да̄нам̣, со тун̣хасса; йасса наккхамати, со бха̄сеййа.