5. вачӣбхедакатха̄ван̣н̣ана̄

326. соти пат̣хамамаггат̣т̣хо. тасма̄ти йасма̄ ‘‘вираджам̣ вӣтамалам̣ дхаммачаккхум̣ удапа̄ди ‘йам̣ кин̃чи самудайадхаммам̣, саббам̣ там̣ ниродхадхамма’’’нти суттасса аттхам̣ ан̃н̃атха̄ гахетва̄ удайаббайа̄нупассана̄ниссандена маггаккхан̣епи дуккханти випассана̄ упат̣т̣ха̄ти, тасма̄ ‘‘со дуккхамиччева ва̄чам̣ бха̄сатӣ’’ти ваданти.

328. иччхитети парава̄дина̄ сампат̣иччхите. а̄ропитети йуттиниддха̄ран̣ена тасмим̣ аттхе патит̣т̣ха̄пите йуджджати, вачӣсамут̣т̣ха̄панаккхан̣ато пана паччха̄ там̣ саддам̣ сун̣а̄тӣти иччхите на йуджджати сотавин̃н̃а̄н̣асса паччуппанна̄рамман̣атта̄ти адхиппа̄йо. йасма̄ пана аттана̄ ниччха̄ритам̣ саддам̣ аттана̄пи сун̣а̄ти, тасма̄ сотавин̃н̃а̄н̣ам̣ ‘‘йена там̣ саддам̣ сун̣а̄тӣ’’ти ат̣т̣хакатха̄йам̣ вуттанти дат̣т̣хаббам̣.

332. локуттарамаггаккхан̣ети пат̣хамаджджха̄никасса пат̣хамамаггасса кхан̣е. абхибхӯсутта̄харан̣е адхиппа̄йо ваттабботи етена тада̄харан̣асса асамбандхатам̣ дассети. тена̄ха ‘‘тасма̄ аса̄дхака’’нти.

вачӣбхедакатха̄ван̣н̣ана̄ нит̣т̣хита̄.