4. н̃а̄н̣акатха̄ван̣н̣ана̄

614-615. ‘‘андхака̄’’ти вутта̄ пуббаселийаапараселийара̄джагирикасиддхаттхика̄пи йебхуййена маха̄сан̇гхика̄ ева̄ти вуттам̣ ‘‘пуббе…пе… бхавеййу’’нти. таттха ан̃н̃ети вачанам̣ двиннам̣ катха̄нам̣ уджувипаччанӣкабха̄вато. пуримака̄нан̃хи чаккхувин̃н̃а̄н̣а̄дисаман̇гӣ ‘‘н̃а̄н̣ӣ’’ти вуччати, имесам̣ со ева ‘‘н̃а̄н̣ӣ’’ти на ваттабботи вутто. ра̄гавигамо ра̄гасса самуччхинданам̣, татха̄ ан̃н̃а̄н̣авигамо. йатха̄ самуччхинна̄виджджо ‘‘н̃а̄н̣ӣ’’ти, пат̣ипаккхато ‘‘ан̃н̃а̄н̣ӣ’’ти, евам̣ асамуччхинна̄виджджо ‘‘ан̃н̃а̄н̣ӣ’’ти, пат̣ипаккхато ‘‘н̃а̄н̣ӣ’’ти вутто. ан̃н̃а̄н̣асса вигататта̄ со ‘‘н̃а̄н̣ӣ’’ти ваттаббатам̣ а̄паджджати, на пана сататам̣ самитам̣ н̃а̄н̣асса паваттанатоти адхиппа̄йо.

н̃а̄н̣акатха̄ван̣н̣ана̄ нит̣т̣хита̄.