7. иддхибалакатха̄ван̣н̣ана̄

621-624. йасмим̣ а̄йукаппе каммаккхайена маран̣ам̣ хоти, там̣ сандха̄йа вуттам̣ ‘‘каммасса випа̄кавасена̄’’ти, йасмим̣ пана а̄йуккхайена маран̣ам̣ хоти, там̣ сандха̄йа ‘‘вассаган̣ана̄йа̄’’ти. таттха ‘‘на ча та̄ва ка̄лам̣ кароти, йа̄ва на там̣ па̄пакаммам̣ бйантӣ хотӣ’’ти (ма. ни. 3.250; а. ни. 3.36) вачанато йебхуййена нирайе каммаккхайена маран̣ам̣ хотӣти а̄ха ‘‘каммасса випа̄кавасена ва̄ти нирайам̣ва сандха̄йа вутта’’нти. ‘‘вассасатам̣ вассасахассам̣ вассасатасахасса̄нӣ’’тиа̄дина̄ манусса̄нам̣ дева̄нан̃ча а̄йупариччхедавачанато йебхуййена тесам̣ а̄йуккхайена маран̣ам̣ хотӣти вуттам̣ ‘‘вассаган̣ана̄йа ва̄ти мануссе ча̄тумаха̄ра̄джика̄дидеве ча сандха̄йа̄’’ти. ‘‘вутта’’нти а̄нетва̄ йоджетаббам̣.

иддхибалакатха̄ван̣н̣ана̄ нит̣т̣хита̄.