2. аббхантарама̄тика̄ван̣н̣ана̄

2. тадаттха̄нӣти пат̣иччасамуппа̄даттха̄ни. пат̣ичча самуппаджджати сан̇кха̄ра̄дикам̣ етасма̄ти хи пат̣иччасамуппа̄до, паччекам̣ авиджджа̄дико паччайадхаммо. татха̄ хи вуттам̣ сан̇кха̄рапит̣аке ‘‘два̄даса паччайа̄, два̄даса пат̣иччасамуппа̄да̄’’ти. тесанти кхандха̄дӣнам̣. татха̄дассита̄нанти ган̣ануддесавибха̄гаматтена дассита̄нам̣. касма̄ панеттха пат̣иччасамуппа̄до два̄дасабха̄венева гахито, нану таттха бхаво каммабхава̄дибхедена, сока̄дайо ча сарӯпатойева идха па̄л̣ийам̣ гахита̄ти чоданам̣ сандха̄йа̄ха ‘‘таттха̄’’тиа̄ди. таттха таттха̄ти тасмим̣ ‘‘пан̃чавӣса̄дхикена падасатена̄’’ти евам̣ вутте ат̣т̣хакатха̄вачане. каммабхавасса бха̄ванабха̄вена, упапаттибхавасса бхаванабха̄вена. падаттхато пана каммабхаво бхавати етасма̄ти бхаво, итаро бхавати, бхаванам̣ ва̄ти. таннида̄надуккхабха̄вена̄ти джара̄маран̣анида̄надуккхабха̄вена.

‘‘сабба̄пи дхаммасан̇ган̣ӣ дха̄тукатха̄йа ма̄тика̄’’ти идампи дха̄тукатха̄йа ма̄тика̄киттанамева̄ти ‘‘сабба̄пи…пе… ма̄тика̄ти айам̣ дха̄тукатха̄ма̄тика̄то бахиддха̄ вутта̄’’ти вачанам̣ асамбха̄венто ‘‘атха ва̄’’тиа̄дима̄ха. пакаран̣антарагата̄ вутта̄ дха̄тукатха̄йа ма̄тика̄бха̄вена̄ти аттхо. ка̄ман̃четтха ма̄тика̄бха̄вена вутта̄, пакаран̣антарагататта̄ пана ан̃н̃ато гахетаббарӯпа̄ ито бахибхӯта̄ на̄ма хонти, сарӯпато гахита̄ва пан̃чаккхандха̄тиа̄дика̄ аббхантара̄. тена̄ха ‘‘сарӯпато дассетва̄ т̣хапитатта̄’’ти. ма̄тика̄йа асан̇гахитатта̄ти ма̄тика̄йа сарӯпена асан̇гахитатта̄, на ан̃н̃атха̄. на хи ма̄тика̄йа асан̇гахито кочи падаттхо аттхи. викин̣н̣абха̄вена̄ти кхандхавибхан̇га̄дӣсу висум̣ висум̣ кин̣н̣абха̄вена висат̣абха̄вена.