5. пан̃чаманайо асан̇гахитенаасан̇гахитападаван̣н̣ана̄

193. вуттанайена̄ти йасма̄ сан̇гахаппаваттивисесавирахито асан̇гахитадхаммависесаниссито пан̃чаманайо, тасма̄ йо еттха кеначи асан̇гахитена дхаммависесена пуна асан̇гахито дхаммависесо асан̇гахитена асан̇гахито асан̇гахитата̄йа пуччхитаббо виссаджджитаббо ча. тамева та̄ва йатха̄ниддха̄ритам̣ дассенто ‘‘рӯпаккхандхена йе дхамма̄ кхандха…пе… асан̇гахита̄, техи дхаммехи йе дхамма̄ кхандха…пе… асан̇гахита̄ти а̄ха̄’’ти чатуттханайе вуттанайа̄нуса̄рена. йатха̄ниддха̄ритадхаммадассананти па̄л̣ийам̣ ниддха̄ритаппака̄радхаммадассанам̣. саха сукхумарӯпена̄ти сасукхумарӯпам̣, тена сукхумарӯпена саддхим̣ гахитам̣ вин̃н̃а̄н̣ам̣, тена сахитадхаммасамуда̄йа̄ сасукхума…пе… да̄йа̄. ке пана тети а̄ха ‘‘дуккхасачча̄’’тиа̄ди. кесан̃чӣти нибба̄начаккха̄йатана̄дӣнам̣. тӣхипи сан̇гахехи. парипун̣н̣асан̇гахехи тӣхипи сан̇гахехи асан̇га̄хака̄ парипун̣н̣асан̇гаха̄сан̇га̄хака̄. абйа̄катадхаммасадиса̄ невадассаненанабха̄вана̄йапаха̄таббаневасеккха̄на̄секкха̄дайо. итарети рӯпаккхандха̄дайо. таббипарийа̄йена̄ти вуттавипарийа̄йена, тӣхипи сан̇гахехи асан̇гахетаббасса аттхита̄йа парипун̣н̣асан̇гаха̄сан̇га̄хакатта̄ти аттхо.

асан̇га̄хакесу нибба̄нам̣ антогадхам̣, тасма̄ там̣ анидассанааппат̣игхехи асан̇гахетаббам̣ на хотӣти аттхо. тена̄ха ‘‘на ча тадева тасса асан̇га̄хака’’нти. ‘‘ведана̄ккхандхена йе дхамма̄’’тиа̄дайо нава пан̃ха̄ дутийапан̃ха̄дайо, те пат̣хамапан̃хена саддхим̣ даса, на̄марӯпапан̃ха̄дайо пана чатувӣсатӣти а̄ха ‘‘саббепи чатуттим̣са хонтӣ’’ти. рӯпаккхандха̄дивисесакападанти ‘‘рӯпаккхандхена̄’’тиа̄дина̄ асан̇га̄хакаттена висесакам̣ рӯпаккхандха̄дипадам̣. пуччха̄йа̄ти ча пуччханаттханти аттхо. ‘‘рӯпаккхандхена̄’’тиа̄ди саббампи ва̄ вин̃н̃а̄петум̣ иччхитабха̄вена вачанам̣ пан̃хабха̄вато пуччха̄. тена̄ха ат̣т̣хакатха̄йам̣ ‘‘пан̃ха̄ панеттха…пе… чатуттим̣са хонтӣ’’ти. те хи лаккхан̣ато дассита̄ти те ниддха̄ритадхамма̄ тенева асан̇гахита̄сан̇гахитата̄йа ниддха̄ран̣асан̇кха̄тена лаккхан̣ена дассита̄.

тадева̄ти ева-саддена̄ти ‘‘тадева̄’’ти еттха ева-саддена. ‘‘йам̣ пуччха̄йа уддхат̣ам̣ падам̣, там̣ кхандха̄дӣхи асан̇гахита’’нти еттха ‘‘кхандха̄дӣхева̄’’ти авадха̄ран̣ам̣ ниппайоджанам̣ пака̄рантарасса абха̄вато. ‘‘тӣхи асан̇гахо’’ти хи вуттам̣. татха̄ ‘‘асан̇гахитамева̄’’ти сан̇гахитата̄ниваттанасса анадхиппетатта̄. тадева̄ти пана иччхитам̣ уддхат̣ассева асан̇гахитенаасан̇гахитабха̄васса авадха̄ретаббатта̄ти дассенто ‘‘на када̄чӣ’’тиа̄дима̄ха. таттха ан̃н̃асса̄ти ануддхат̣асса. анийататам̣ дассетӣти идам̣ авадха̄ран̣апхаладассанам̣. нийаматоти сакка̄ вачанасесо йоджетунти идампи ева-ка̄рена сиддхамеваттхам̣ па̄кат̣атарам̣ ка̄тум̣ вуттам̣. йато хи ева-ка̄ро, тато ан̃н̃аттха нийамоти. евам̣пака̄рамева̄ти пуччха̄йа уддхат̣аппака̄рамева, йам̣ пака̄рам̣ пуччха̄йа уддхат̣ам̣, там̣пака̄рамева̄ти аттхо. тасса̄ти асан̇гахитасса. ан̃н̃асса̄ти пуччха̄йа ануддхат̣аппака̄расса. етена йо пуччха̄йа уддхат̣о тӣхипи сан̇гахехи асан̇гахито, тассева идха пуччхитаббависсаджджитаббабха̄во, на ан̃н̃асса̄ти дассети. тена̄ха ‘‘пуччха̄йа уддхат̣ан̃хӣ’’тиа̄ди. а̄йатанадха̄тусан̇гахавасена четтха рӯпаккхандха̄дӣнам̣ ан̃н̃асахитата̄, вин̃н̃а̄н̣аккхандха̄дӣнам̣ асахитата̄ ча ведитабба̄.

авасеса̄ ведана̄дайо тайо кхандха̄ нибба̄нан̃ча сакалена рӯпаккхандхена тесам̣ сан̇гахо наттхӣти ‘‘сан̇гахита̄’’ти на сакка̄ ваттум̣, екадесена пана сан̇гахо аттхӣти ‘‘асан̇гахита̄ на хонтӣти евам̣ дат̣т̣хабба’’нти а̄ха. ‘‘рӯпадхамма̄ва̄’’ти нийаманам̣ пуччха̄йа уддхат̣абха̄ва̄пеккханти дассенто ‘‘пуччха̄йа…пе… адхиппа̄йо’’ти а̄ха. тена вуттам̣ ‘‘ануддхат̣а̄ ведана̄дайопи хи асан̇гахита̄ ева̄’’ти. еттха̄ти етасмим̣ пан̃чаманайаниддесе. пат̣хаме найети пат̣хаме аттхавикаппе. татха̄ дутийети еттха̄пи. рӯпавин̃н̃а̄н̣ехӣти асукхумарӯпадхаммехи вин̃н̃а̄н̣ена ча̄ти айаметтха адхиппа̄йоти дассенто ‘‘ол̣а̄рика…пе… аттхо’’ти а̄ха. катхам̣ пана рӯпадхамма̄ти вутте ол̣а̄рикарӯпассева гахан̣анти а̄ха ‘‘рӯпекадесо хи еттха рӯпаггахан̣ена гахито’’ти.

196. асан̇га̄хаканти ‘‘чаккха̄йатанена…пе… асан̇гахита̄’’ти евам̣ асан̇га̄хакабха̄вена вуттам̣ пуччхитаббависсаджджетаббабха̄вена вуттампи ка̄мам̣ ведана̄дӣхева чатӯхи асан̇гахитам̣, там̣ пана на чаккха̄йатанамева̄ти дассетум̣ ‘‘чаккха̄йатанена пана̄’’тиа̄ди вуттам̣. йехи дхаммехӣти кхандха̄дӣсу йехи. саббам̣ дхаммаджа̄там̣ тева рӯпа̄дике дхамме уда̄нети па̄л̣ийам̣. касма̄ панетам̣ уда̄нетӣти а̄ха ‘‘садисависсаджджана̄’’тиа̄ди. пат̣хамена уда̄нена. двети ‘‘ба̄хира̄ упа̄да̄ две’’ти еттха вуттам̣ две-саддам̣ сандха̄йа̄ха. тасса асан̇гахитасса. йатха̄дасситасса̄ти ‘‘рӯпа’’нтиа̄дина̄ дасситаппака̄расса. дхамманвайан̃а̄н̣уппа̄данам̣ найада̄нам̣. ‘‘рӯпам̣ дхамма̄йатана’’нтиа̄дӣнам̣ пада̄нам̣ васена двевӣсападико еса найо.

пан̃чаманайаасан̇гахитенаасан̇гахитападаван̣н̣ана̄ нит̣т̣хита̄.