6. сурусуруваггаван̣н̣ана̄

627. чхат̣т̣хавагге сӣтӣкатоти сӣтат̣т̣о, сӣтапӣл̣итоти вуттам̣ хоти. силакабуддхоти париха̄савачанаметам̣. силакан̃хи кан̃чи дисва̄ ‘‘буддхо айа’’нти вохаранти.

634. вилӣваччхаттанти вен̣увилӣвехи катам̣ чхаттам̣. таттхаджа̄такадан̣д̣акена катанти та̄лапан̣н̣ам̣ саха дан̣д̣акена чхиндитва̄ тамева чхаттадан̣д̣ам̣ каронти гопа̄лака̄дайо вийа, там̣ сандха̄йетам̣ вуттам̣. чхаттапа̄дука̄йа ва̄ т̣хитам̣ хотӣти еттха чхаттапа̄дука̄ вуччати чхатта̄дха̄ро. йасмим̣ чхаттам̣ апатама̄нам̣ катва̄ т̣хапенти, та̄дисика̄йа чхаттапа̄дука̄йа т̣хитам̣ чхаттам̣ ‘‘чхатта’’нти аджджха̄харитаббам̣. ‘‘чхаттам̣ чхаттапа̄дука̄йа т̣хита’’нтипи пат̣ханти, таттха̄пи айамеваттхо.

637. ча̄поти маджджхе ван̇ка̄ ка̄чадан̣д̣асадиса̄ дханувикати. кодан̣д̣оти ват̣т̣аладан̣д̣а̄ дханувикати. пат̣имукканти павеситам̣ лаггитам̣.

сурусуруваггаван̣н̣ана̄ нит̣т̣хита̄.