8. упассутисиккха̄падаван̣н̣ана̄

471. ат̣т̣хаме сутисамӣпанти саддасамӣпам̣. суййатӣти хи сути, саддассетам̣ адхивачанам̣. тасса самӣпам̣ упассути, саддасамӣпанти вуттам̣ хоти. ган̣т̣хипадесу ча суййатӣти сутӣти саддова вутто. йаттха пана т̣хитена сакка̄ хоти саддам̣ сотум̣, таттха тит̣т̣ханто саддасамӣпе т̣хито на̄ма хотӣти а̄ха ‘‘йаттха т̣хатва̄’’тиа̄ди. кечи пана ‘‘сун̣а̄ти еттха̄ти сути. йаттха т̣хито сун̣а̄ти, тасса т̣ха̄нассетам̣ на̄мам̣. тасса самӣпам̣ упассутӣ’’ти ваданти, евам̣ пана гайхама̄не йасмим̣ т̣ха̄не т̣хито сун̣а̄ти, тасса а̄санне ан̃н̃асмим̣ падесе тит̣т̣хатӣти а̄паджджати. ат̣т̣хакатха̄йан̃ча упассути-саддассева аттхам̣ дассетум̣ ‘‘йаттха т̣хатва̄ сакка̄ хоти, тесам̣ вачанам̣ соту’’нти вуттам̣, на сути-саддасса. тасма̄ пуббанайоветтха пасаттхатаро. атха ва̄ упечча суййати еттха̄ти упассути, т̣ха̄нам̣. йам̣ т̣ха̄нам̣ упагатена сакка̄ хоти катхента̄нам̣ саддам̣ сотум̣, таттха̄ти еваматтхо гахетаббо. мантентанти бхумматтхе упайогавачананти а̄ха ‘‘мантайама̄не’’ти.

473. екапариччхеда̄нӣти ‘‘сийа̄ кирийам̣, сийа̄ акирийа’’нти имина̄ найена екапариччхеда̄ни. има̄ни хи тӣн̣и сиккха̄пада̄ни када̄чи кирийато самут̣т̣хаханти, када̄чи акирийато, на екаккхан̣ейева кирийа̄кирийато самут̣т̣хаханти. сесаметтха утта̄намева. упасампанната̄, чодана̄дхиппа̄йо, савананти има̄ни панеттха тӣн̣и ан̇га̄ни.

упассутисиккха̄падаван̣н̣ана̄ нит̣т̣хита̄.