9. парипа̄читасиккха̄падаван̣н̣ана̄

194. наваме пат̣ийа̄дитанти бхиккхӯнам̣ аттха̄йа сампа̄дитам̣. н̃а̄така̄ ва̄ хонти пава̄рита̄ ва̄ти еттха сачепи бхиккхуно ан̃н̃а̄така̄ аппава̄рита̄ ча сийум̣, бхиккхунийа̄ н̃а̄така̄ пава̄рита̄ че, ват̣т̣ати.

197. па̄пабхиккхӯнам̣ паккхупаччхеда̄йа идам̣ пан̃н̃аттам̣, тасма̄ пан̃чабходжанейева а̄патти вутта̄. пан̃ча бходжана̄ни т̣хапетва̄ саббаттха ана̄паттӣти идам̣ пана имина̄ сиккха̄падена ана̄паттидассанаттхам̣ вуттам̣. вин̃н̃аттийа̄ уппаннам̣ парибхун̃джантасса хи ан̃н̃аттха вуттанайена дуккат̣ам̣. сесам̣ утта̄намева. бхиккхунипарипа̄читабха̄во, джа̄нанам̣, гихисама̄рамбха̄бха̄во, одана̄дӣнам̣ ан̃н̃атарата̄, тасса аджджхохаран̣анти има̄ни панеттха пан̃ча ан̇га̄ни.

парипа̄читасиккха̄падаван̣н̣ана̄ нит̣т̣хита̄.