10. рахонисаджджасиккха̄падаван̣н̣ана̄

198. дасаме упанандасса чатуттхасиккха̄падена̄ти аппат̣иччханне ма̄туга̄мена саддхим̣ рахонисаджджасиккха̄падам̣ сандха̄йа вуттам̣. кин̃ча̄пи там̣ ачелакавагге пан̃чамасиккха̄падам̣ хоти, упанандаттхерам̣ а̄раббха пан̃н̃аттесу пана чатуттхабха̄вато ‘‘упанандасса чатуттхасиккха̄падена̄’’ти вуттам̣. чатуттхасиккха̄падасса ваттхуто имасса сиккха̄падасса ваттхуно пат̣хамам̣ уппаннатта̄ идам̣ сиккха̄падам̣ пат̣хамам̣ пан̃н̃аттам̣. имина̄ ча сиккха̄падена кевалам̣ бхиккхунийа̄ ева рахонисаджджа̄йа а̄патти пан̃н̃атта̄, упари ма̄туга̄мена саддхим̣ рахонисаджджа̄йа а̄патти висум̣ пан̃н̃атта̄ти дат̣т̣хаббам̣.

рахонисаджджасиккха̄падаван̣н̣ана̄ нит̣т̣хита̄.

нит̣т̣хито бхиккхунивагго татийо.