2. ваджджапат̣иччха̄дикасиккха̄падаван̣н̣ана̄

666. дутийе пуримена̄тиа̄ди сундарӣнанда̄йа ваджджапат̣иччха̄дане пан̃н̃аттатам̣ сандха̄йа вуттам̣. ‘‘ат̣т̣ханна’’нти вуттатта̄ ваджджапат̣иччха̄данасса̄пи пат̣иччха̄дане па̄ра̄джикамева̄ти дат̣т̣хаббам̣. ‘‘дхурам̣ никкхиттаматте’’ти вуттатта̄ пан̣н̣аттим̣ аджа̄нантийа̄пи ‘‘идам̣ ваджджам̣ на пака̄сесса̄мӣ’’ти чхандена дхурам̣ никкхепаккхан̣е па̄ра̄джиканти дат̣т̣хаббам̣. там̣ пана пат̣иччха̄данам̣ йасма̄ ‘‘песала̄ н̃атва̄ гарахиссантӣ’’ти бхайенева хоти, бхайан̃ча кодхачиттасампайуттам̣, тасма̄ идам̣ ‘‘дуккхаведана’’нти вуттам̣. йам̣ пана са̄раттхадӣпанийам̣ (са̄раттха. т̣ӣ. па̄ра̄джикакан̣д̣а 3.666) ‘‘кин̃ча̄пи ваджджапат̣иччха̄данам̣ пемавасена хоти, татха̄пи сиккха̄падавӣтиккамачиттам̣ доманасситамева хотӣ’’ти евам̣ пан̣н̣аттивӣтиккамачиттенева чха̄данам̣ доманассатте ка̄ран̣ам̣ вуттам̣, там̣ ака̄ран̣ам̣ пан̣н̣аттивиджа̄нанам̣ вина̄пи а̄паджджитаббатова.

ваджджапат̣иччха̄дикасиккха̄падаван̣н̣ана̄ нит̣т̣хита̄.

669. татийам̣ утта̄намева.