4. ат̣т̣хаваттхукасиккха̄падаван̣н̣ана̄

675. чатуттхе локасса̄дасан̇кха̄там̣ миттехи ан̃н̃аман̃н̃ам̣ ка̄таббам̣ сантхавам̣. вуттамеваттхам̣ парийа̄йантарена дассетум̣ ‘‘ка̄йасам̣саггара̄гена̄’’ти вуттам̣.

тисситтхийо метхунам̣ там̣ на севети йа̄ тиссо иттхийо, та̄су вуттам̣ там̣ метхунам̣ на севеййа. анарийапан̣д̣акети тайо анарийе, тайо пан̣д̣аке ча упасан̇камитва̄ метхунам̣ на севети аттхо. анарийа̄ти четтха убхатобйан̃джанака̄ адхиппета̄. бйан̃джанасминти аттано ваччамукхамаггепи. чхедо ева чхеджджам̣, па̄ра̄джикам̣.

ван̣н̣а̄ван̣н̣оти двӣхи суккависсат̣т̣хи вутта̄. гамануппа̄дананти сан̃чариттам̣. ‘‘метхунадхаммасса пуббабха̄гатта̄ паччайо хотӣ’’ти имина̄ ка̄рийопача̄рена ка̄йасам̣сагго метхунадхаммоти вуттоти дассети. саббападесӯти сан̇гха̄т̣икан̣н̣аггахан̣а̄дипадесу. ка̄йасам̣саггара̄го, саусса̄хата̄, ат̣т̣хамаваттхусса пӯран̣анти тӣн̣еттха ан̇га̄ни.

ат̣т̣хаваттхукасиккха̄падаван̣н̣ана̄ нит̣т̣хита̄.

па̄ра̄джикаван̣н̣ана̄найо нит̣т̣хито.