3. кхамбхакатаваггаван̣н̣ана̄

603. патте гахан̣асан̃н̃а̄ асса аттхӣти паттасан̃н̃ӣти имаматтхам̣ дассетум̣ ‘‘патте сан̃н̃ам̣ катва̄’’ти вуттам̣.

604. олон̣ӣти ека̄ бйан̃джанавикати. кан̃джикатакка̄дирасоти кечи. мам̣сараса̄дӣнӣти а̄ди-саддена авасеса̄ сабба̄пи бйан̃джанавикати сан̇гахита̄.

605. самабхаританти рачитам̣. хет̣т̣ха̄ орохатӣти саманта̄ ока̄сасамбхавато хаттхена самам̣ карийама̄нам̣ хет̣т̣ха̄ бхассати. паттаматтхаке т̣хапита̄ни пӯва̄ни ева ват̣ам̣сака̄ка̄рена т̣хапитатта̄ ‘‘пӯвават̣ам̣сака’’нти вутта̄ни. кечи пана ‘‘паттам̣ гахетва̄ тхӯпӣкатам̣ пин̣д̣апа̄там̣ рачитва̄ диййама̄намева ган̣хато а̄патти, хаттхагате ева пана патте диййама̄не тхӯпӣкатампи гахетум̣ ват̣т̣атӣ’’ти ваданти, там̣ на гахетаббамева ‘‘саматиттика’’нти бха̄ванапум̣сакавасена са̄ман̃н̃ато вуттатта̄.

кхамбхакатаваггаван̣н̣ана̄ нит̣т̣хита̄.