3. парампарабходжанасиккха̄падаван̣н̣ана̄

221. татийе па̄л̣ийам̣ бхаттапат̣ипа̄т̣и ат̣т̣хита̄ти кулапат̣ипа̄т̣ийа̄ да̄табба̄ бхаттапат̣ипа̄т̣и ат̣т̣хита̄ на т̣хита̄, аббоччхинна̄ нирантараппаватта̄ти аттхо. бадарапхала̄ни паккхипитва̄ паккайа̄гуа̄дикам̣ ‘‘бадараса̄л̣ава’’нти вуччати.

па̄л̣ийам̣ парампарабходжанети йена пат̣хамам̣ нимантито, тасса бходжанато парасса бходжанасса бхун̃джане. викаппана̄ва идха анупан̃н̃аттивасена ма̄тика̄йам̣ ана̄ропита̄пи парива̄ре ‘‘чатассо анупан̃н̃аттийо’’ти (пари. 86) анупан̃н̃аттийам̣ ган̣ита̄. таттха кин̃ча̄пи ат̣т̣хакатха̄йам̣ маха̄паччарива̄дасса паччха̄ катханена параммукха̄викаппана̄ патит̣т̣хапита̄, татха̄пи саммукха̄викаппана̄пи гахетабба̄ва. тенева ма̄тика̄т̣т̣хакатха̄йампи ‘‘йо бхиккху пан̃часу сахадхаммикесу ан̃н̃атарасса ‘майхам̣ бхаттапачча̄сам̣ туйхам̣ даммӣ’ти ва̄ ‘викаппемӣ’ти ва̄ евам̣ саммукха̄’’тиа̄ди (кан̇кха̄. ат̣т̣ха. парампарабходжанасиккха̄падаван̣н̣ана̄) вуттам̣.

229. кхӣрам̣ ва̄ расам̣ ва̄ти пан̃чабходжана̄мисам̣ бхаттато упари т̣хитам̣ сандха̄йа вуттам̣. тан̃хи абходжанатта̄ уппат̣ипа̄т̣ийа̄ пиватопи ана̄патти. тена̄ха ‘‘бхун̃джантена̄’’тиа̄ди.

викаппана̄йа акаран̣ато акирийа̄васена идам̣ ва̄ча̄йапи самут̣т̣хитанти а̄ха ‘‘вачӣкамма’’нти. парампарабходжаната̄, самайа̄бха̄во, аджджхохаран̣анти има̄неттха тӣн̣и ан̇га̄ни.

парампарабходжанасиккха̄падаван̣н̣ана̄ нит̣т̣хита̄.