5. дутийасена̄санасиккха̄падаван̣н̣ана̄

116. пан̃чаме па̄ва̄ро коджавоти паччаттхаран̣аттха̄йева т̣хапита̄ уггаталома̄ аттхаран̣ависеса̄. еттакамева вуттанти ат̣т̣хакатха̄су вуттам̣. сена̄санатоти саббапаччхимасена̄санато.

117. курундат̣т̣хакатха̄йам̣ вуттамеваттхам̣ сависесам̣ катва̄ дассетум̣ ‘‘кин̃ча̄пи вутто’’тиа̄ди а̄раддхам̣. ваттаббам̣ наттхӣти руккхамӯласса па̄кат̣атта̄ вуттам̣. палуджджатӣти винассати.

118. йена ман̃чам̣ ва̄ пӣт̣хам̣ ва̄ вӣнанти, там̣ ман̃чапӣт̣хакава̄нам̣. силуччайален̣анти паббатагуха̄. ‘‘а̄пуччханам̣ пана ватта’’нти имина̄ а̄патти наттхӣти дассети. вутталаккхан̣асеййа̄, тасса̄ сан̇гхиката̄, вутталаккхан̣е виха̄ре сантхаран̣ам̣ ва̄ сантхара̄панам̣ ва̄, апалибуддхата̄, а̄пада̄йа абха̄во, анапеккхасса диса̄паккаманам̣, упача̄расӣма̄тиккамоти има̄неттха сатта ан̇га̄ни.

дутийасена̄санасиккха̄падаван̣н̣ана̄ нит̣т̣хита̄.