8. бхӯта̄рочанасиккха̄падаван̣н̣ана̄

77. ат̣т̣хаме антара̄ти паринибба̄нака̄лато пуббепи. атикад̣д̣хийама̄нена̄ти ‘‘вадатха, бханте, ким̣ тумхехи адхигата’’нти евам̣ ниппӣл̣ийама̄нена атибаддхийама̄нена. татха̄рӯпе паччайе сати ваттаббамева. сутапарийаттисӣлагун̣анти еттха аттхакусалата̄ сутагун̣о, па̄л̣ипа̄т̣хакусалата̄ парийаттигун̣оти дат̣т̣хаббам̣. ‘‘читтаккхепасса ва̄ абха̄ва̄’’ти имина̄ кхиттачиттаведана̄т̣т̣ата̄пи арийа̄нам̣ наттхӣти дассети.

пуббе авуттехӣти чатуттхапа̄ра̄джике авуттехи. идан̃ча сиккха̄падам̣ пан̣н̣аттиаджаа̄нанавасена екантато ачиттакасамут̣т̣ха̄намева хоти арийа̄нам̣ пан̣н̣аттивӣтиккама̄бха̄ва̄. джха̄нала̄бхӣнан̃ча саттху а̄н̣а̄вӣтиккамапат̣игхачиттасса джха̄напариха̄нато бхӯта̄рочанам̣ на самбхавати. уттаримануссадхаммасса бхӯтата̄, анупасампаннасса а̄рочанам̣, тан̇кхан̣авиджа̄нана̄, анан̃н̃а̄падесоти има̄неттха чатта̄ри ан̇га̄ни.

бхӯта̄рочанасиккха̄падаван̣н̣ана̄ нит̣т̣хита̄.