2. ӯнапан̃чабандханасиккха̄падаван̣н̣ана̄

609-613. дутийе па̄л̣ийам̣ ахам̣ паттена те бхиккхӯ сантапесса̄мӣти сесо. ‘‘апатто’’ти имина̄ адхит̣т̣ха̄навиджаханампи дассети. пан̃чабандханепи патте апарипун̣н̣апа̄ке патте вийа адхит̣т̣ха̄нам̣ на рухати. ‘‘типупат̣т̣акена ва̄’’ти вуттатта̄ тамбалоха̄дӣхи каппийалохехи айопаттасса чхиддам̣ чха̄детум̣ ват̣т̣ати. тенева ‘‘лохаман̣д̣алакена̄’’ти вуттам̣. имасмим̣ сиккха̄паде ака̄л̣аван̣н̣ампи каппийапаттам̣ вин̃н̃а̄пентасса а̄патти ева̄ти дат̣т̣хаббам̣. адхит̣т̣ха̄нупагапаттасса ӯнапан̃чабандханата̄, аттуддесиката̄, акатавин̃н̃атти, та̄йа ча пат̣ила̄бхоти има̄неттха чатта̄ри ан̇га̄ни.

ӯнапан̃чабандханасиккха̄падаван̣н̣ана̄ нит̣т̣хита̄.