2. дутийасиккха̄падаван̣н̣ана̄

1030. бхиккхунӣ че бхиккхум̣ аккосати, имина̄ сиккха̄падена па̄читтийам̣. бхиккхуним̣ че аккосати, омасава̄дена а̄паджджати. омасава̄де саммукха̄ва рухати, идха пана параммукха̄пи.

татра̄йам̣ вича̄ран̣а̄ – бхиккхувибхан̇ге осамава̄дасиккха̄паде бхиккхунӣ анупасампаннат̣т̣ха̄не тит̣т̣хатӣти катва̄ бхиккхунивибхан̇гепи омасава̄дасиккха̄паде бхиккху бхиккхунийа̄ анупасампаннат̣т̣ха̄не тит̣т̣хатӣти сиддхам̣. идха ча анупасампаннасса аккосане дуккат̣ам̣ вуттам̣, бхиккхусса упасампаннасса аккосане па̄читтийам̣ вуттам̣, тасма̄ има̄ни две сиккха̄пада̄ни бхиккхумхи сам̣сандийама̄на̄ни ан̃н̃аман̃н̃ам̣ на саменти. йатха̄ саменти, татха̄ джа̄нитаббам̣. таттха пора̄н̣аган̣т̣хипаде вуттанайена бхиккхунӣнам̣ омасава̄дасиккха̄паде анупасампанноти на гахетаббо, идаметтха йуттам̣. парибха̄сеййа̄ти ан̃н̃атра аккосаваттхӯхи. тесу хи ан̃н̃атарасмим̣ сати омасава̄дапа̄читтийамева̄ти еке, там̣ на йуттам̣. омасава̄де па̄л̣имуттакааккосе хи дуккат̣ам̣ хотӣти. дуккат̣ока̄се идам̣ па̄читтийам̣ техи ниддит̣т̣хам̣ хоти, тасма̄ ‘‘ба̄ла̄ ета̄’’ти па̄л̣ийам̣ идха а̄гатапада̄нам̣йева васена парибха̄санам̣ ведитаббам̣.

дутийасиккха̄падаван̣н̣ана̄ нит̣т̣хита̄.

1033. татийасиккха̄падам̣ утта̄наттхамева.