9. навамасиккха̄падаван̣н̣ана̄

969. екиндрийанти ка̄йиндрийенева екиндрийам̣, ниган̣т̣ха̄нам̣ ачелака̄нам̣ матам̣. ка̄пила̄ пана ‘‘пан̃чиндрийа̄’’ти ман̃н̃анта̄ евам̣ ваданти ‘‘сачаккхукатта̄ ала̄бума̄лува̄дайо йаттха а̄ламбанам̣, таттха гаччханти. сасотакатта̄ кадалийо мегхагаджджитам̣ сутва̄ габбхам̣ ган̣ханти. сагха̄накатта̄ панаса̄дайо кун̣апагандхена пхаланти. садживхакатта̄ удакам̣ пиванти йена, саббепи ‘па̄дапа̄’ти вуччанти. сака̄йапаса̄датта̄ иттхисампхассена асокаруккха̄ пуппхантӣ’’ти. сан̇гха̄танти вина̄сам̣.

970. идха ча вассаччхедена дуккат̣ам̣. пат̣хамам̣ а̄васитва̄ паччха̄ ча̄рика̄ чаран̣апаччайа̄ па̄читтийам̣ а̄паджджатӣти ведитаббам̣. атха вассам̣ аваситва̄ чарати, авассупагаманапаччайа̄ дуккат̣ам̣ а̄паджджати. пора̄н̣аган̣т̣хипаде пана ‘‘антосатта̄хе антовассе ча̄рикам̣ чарантийа̄ па̄читтийам̣. сатта̄хакаран̣ӣйена пана ват̣т̣ати, бхиккхуно дуккат̣ам̣ хотӣ’’ти вуттам̣.

972. кеначи убба̄л̣ха̄ти вассаччхедака̄ран̣ена̄ти но таккоти а̄чарийо. китта̄вата̄ ча̄рика̄ хотӣти? идам̣ на саббаттха вича̄ритам̣. анантарасиккха̄паде ‘‘антамасо чхаппан̃чайоджана̄нипӣ’’ти вуттатта̄ со ча ман̃н̃е хет̣т̣химапариччхедоти.

навамасиккха̄падаван̣н̣ана̄ нит̣т̣хита̄.