5. пан̃чамасан̇гха̄дисесасиккха̄падаван̣н̣ана̄

701. етам̣ на вуттанти бхиккхунийа̄ авассутабха̄во дат̣т̣хабботи етам̣ нийаманам̣ на вуттам̣. там̣ авачанам̣ па̄л̣ийа̄ самети. катарапа̄л̣ийа̄ти? ‘‘анавассутоти джа̄нантӣ пат̣игган̣ха̄тӣ’’ти има̄йа. йади хи пуггаласса авассутабха̄во на пама̄н̣ам̣, ким̣ има̄йа па̄л̣ийа̄ пайоджанам̣, ‘‘ана̄патти убхо анавассута̄ хонти, анавассута̄ пат̣игган̣ха̄тӣ’’ти еттакамева ваттаббам̣ сийа̄. аттано хи анавассутабха̄войева пама̄н̣анти. имасса пана ана̄паттива̄расса айаматтхо – убхо че анавассута̄, саббатха̄пи ана̄патти. атха бхиккхунӣ анавассута̄ сама̄на̄ авассутампи ‘‘анавассуто’’ти сан̃н̃а̄йа тасса хаттхато пат̣игган̣ха̄ти, евампи ана̄паттӣти. атха са̄ анавассута̄пи ан̃н̃ам̣ анавассутам̣ ва̄ авассутам̣ ва̄ ‘‘авассуто’’ти джа̄на̄ти, дуккат̣амева. вуттан̃хетам̣ анантарасиккха̄паде ‘‘кисса твам̣ аййе на пат̣игган̣ха̄сӣти. авассуто аййети…пе… на̄хам̣ авассута̄’’ти.

пан̃чамасан̇гха̄дисесасиккха̄падаван̣н̣ана̄ нит̣т̣хита̄.