1. сура̄па̄насиккха̄падаван̣н̣ана̄

а̄йасмато йам̣ муни са̄гатасса,

махиддхикаттасса нидассанена;

па̄насса досо тасса дассанаттхам̣,

пуббева со бхаддаватим̣ пайа̄то.

тасма̄ пассам̣ на̄гамапотхайитва̄,

виниссат̣ам̣ са̄гатам̣ иддхийа̄ ча;

нато сура̄па̄наниседханаттхам̣,

косамбимеваджджхагама̄ти н̃еййам̣.

326-8. пасупа̄лака̄ти аджапа̄лака̄. йена маджджати, тасса бӣджато пат̣т̣ха̄йа. кечи ‘‘сачиттакапаккхе читтам̣ акусаламева̄ти (кан̇кха̄. ат̣т̣ха. пат̣хамапа̄ра̄джикаван̣н̣ана̄) вуттатта̄ ваттхум̣ джа̄нитва̄ пивато акусала’’нти ваданти. евам̣ сати ‘‘акусаленева па̄таббата̄йа̄ти на ваттабба’’нти вутте ‘‘сачиттакапаккхамева сандха̄йа̄’’ти ваданти. евам̣ сати ‘‘кусала̄кусала̄бйа̄катачиттанти ваттабба’’нти вутте тампи ‘‘таббахуланайена вутта’’нти ваданти. кан̇кха̄витаран̣ийампи ависесетва̄ ‘‘акусалачитта’’нти (кан̇кха̄. ат̣т̣ха. сура̄па̄насиккха̄падаван̣н̣ана̄) вуттам̣, тасма̄ ‘‘там̣ акусаленева пиватӣ’’ти вадантӣти.

сура̄па̄насиккха̄падаван̣н̣ана̄ нит̣т̣хита̄.