4. са̄ласуттаван̣н̣ана̄

370. йатха̄нусит̣т̣хам̣ пат̣ипаджджама̄не апа̄йадуккхе апа̄танавасена дха̄ран̣ат̣т̣хена дхаммо, са̄санабрахмачарийам̣, тадева тадан̇га̄дивасена килеса̄нам̣ винайанат̣т̣хена винайоти а̄ха – ‘‘дхаммоти ва̄…пе… на̄ма’’нти. пат̣ипаккхадхаммехи анабхибхӯтата̄йа еко удетӣти екодӣти ладдхана̄мо сама̄дхи бхӯто джа̄то етесанти екодибхӯта̄. еттха ча екодибхӯта̄ти етена упача̄раджджха̄на̄вахо пуббабха̄гико сама̄дхи вутто. сама̄хита̄ти етена упача̄раппана̄сама̄дхи. екаггачитта̄ти етена субха̄вито васиппатто аппана̄сама̄дхи вуттоти ведитаббо. навакабхиккхӯхи бха̄витасатипат̣т̣ха̄на̄ пуббабха̄га̄. те хи йатха̄бхӯтан̃а̄н̣а̄йа бха̄вита̄. йатха̄бхӯтан̃а̄н̣анти хи сота̄паттимагган̃а̄н̣ам̣ идха̄дхиппетам̣. кхӣн̣а̄савехи бха̄витасатипат̣т̣ха̄на̄пи пуббабха̄га̄. тесан̃хи катакаран̣ӣйа̄нам̣ дит̣т̣хадхаммасукхавиха̄ра̄йа сатипат̣т̣ха̄набха̄вана̄, секкха̄нам̣ пана сатипат̣т̣ха̄набха̄вана̄ парин̃н̃аттха̄йа паватта̄ локийа̄, париджа̄нанавасена паватта̄ локуттара̄ти ‘‘миссака̄’’ти вуттам̣.